الرجااااااااء من خبراء ال siv الدخول

[mohammedusa]

السلام عليكم..

اني قدمت على برنامج ال siv وكملت كل الاوراق المطلوبه ودزيتهه وبعد فتره طويله كلـــــــــــــــــــــــش من المراسلات والاسئله والطلبات دزولي رساله يوم 10/9/2009 كالوا دزينه اوراقك للسفاره الامريكيه في بغداد وانت هسه في حالة انتظار  ال (جيف اوف مشن ابروفال) والى حد الان ماكو منهم اي خبر يعني صار تقريبا اكثر من شهرين وعشر ايام...

ف انتوا شنو رأيكم بقضيتي يعني معقوله الجماعه(غلسوا) ع الشغلة؟؟ لو هي تتأخر هيج؟؟ لو شنو؟؟

وانتو ب شنوا تنصحوني؟؟

وشكرا لجميع اعضاء هذا المنتدى الرائع مقدما.......

[ابو عبد الله التكساسي]

انتضر والله كريم ماكو حل اخر

[vincenzo]

يمعود اني صارلي 5 اشهر
شكو مستعجل؟؟؟
لتخاف امريكا جبيرة متخلص

[Abo Rami]

اخي العزيز دزالهم ايميل لان المتابعه وياهم فد شي كلش ضروري للكيس مالتك
ابو رامي

[ســـرى]

سؤال اخي انت منو قدملك؟ انت قدمت لو عن طريق محامي؟

[Revolver]

اخوية العزيز ,

دزلهم ايميل وكللهم شنو اخر ابديت للكيس مالتي, اني هيجي اسوي بين اسبوع واسبوع, ويجيني الرد الحمدلله ورة 3 ايام او يومين .

ريفولفر

[osama5477]

اخوية العزيز ،

اني هم استلمت مثل هاي الرسالة مرتين قبل شهر يكولولي انه اوراقك كاملة وهية بالرفيوا بالسفارة في بغداد ، واني مقدم من 1-7-2009 يعني راح اقبط خمسة اشهر وماكو كوم ابروفل لحد الان ، ال SIV مو مثل قبل كام يطول هسه ، يعني لتتوقع اتكمل معاملتك بسرعة اذا الكوم طول خمسة اشهر لعد الباقية اشلون انته والسنة لو اكثر ، الله كريم ننتضر وانشوف

[untitled.man]

والله يا اخوان الله يساعدكم على هاي الشغلات الجديدة اللي صارت ويه الـ SIV.
اخوية العزيز... مالك غير الانتظار والله يفرجهه...
اذا انت متأكد من اوراقك والسوبرفايزر يجاوب على طلباتهم فخلي ببطنك بطيخة صيفي لانه شكد ما تطول راح تجيك الفيزا انشالله...

تحياتي وتقبل مروري