المحرر موضوع: استقرار -سعادة- تحقيق احلام -ام - تعاسة -تشرد-فقر ---اين الحقيقة؟  (زيارة 4809 مرات)

0 الأعضاء و 1 ضيف يشاهدون هذا الموضوع.

غير متصل يا قلب صبرا

  • عضو جديد
  • *
  • مشاركة: 2
    • مشاهدة الملف الشخصي
    • البريد الالكتروني
بسم الله الرحمن الرحيم

السلام عليكم ورحمة الله

تحية طيبة وبعد....

اتمنى من الله عزوجل ان تكونوا في تمام الصحة والعافية

الى جميع الاخوة والاخوات في العراق وفي اميركا اود ان اسال سؤال واحد فقط واتمنى منكم الاجابة ؟

اين هيه الحقيقة؟

بصيغة اخرى كل عضو في هذا المنتدى اما ان يكون قد حقق حلمه بالذهاب الى اميركا او انه ينتظر بفارغ الصبر ان يتم تحديد موعد سفر الى اميركا

في الحقيقة بالنسبة لي ما ان ادخل الى هذا المنتدى الجميل باعضائه حتى يمتلئ قلبي املا وفرحا ويعود التفائل الى قلبي............ ولكن ما ان ادخل الى منتديات اخرى للجاليات العراقية في اميركا وفي غيرها حتى اصاب بالاحباط بسبب كثرة المقالات والقصص التي يرويها اصحابها وكل المقالات والقص مفادها واحد (تعاسة تشرد تسكع في الشوارع وفقر وحياة مهددة بالخطر ) هذا ماينقلونه عن الحياة في اميركا وكانه لا يوجد هناك من ذهب الى اميركا وحقق حلمة بالدراسة والعمل  والحياة الهادئة........

اسف على الاطالة

ولكن اين الحقيقة ؟

تحياتي للجميع
ميكانو



غير متصل وطني العراق

  • عضو فعال جدا
  • ***
  • مشاركة: 92
  • وطني العراق
    • مشاهدة الملف الشخصي
 اخويه العزيز كلمن وظروفه اكو ناس توفقت ويمدحون بامريكا بس اكو البعض الله ما وفقه ورجع بس انا اكو شغله محيرتني للبعض من الاخوان الذين يذمون امريكا وهم لايزالون هناك لم يرجعوا وهذا تناقض يعني امريكا مو زينه عوفوها ورجعوا مع العلم هناك اعداد قليله جدا من الذين رجعوا والاغلبيه باقين فانت توكل على الله وانشاء الله تنجح بحياتك ولاتشغل بالك كثيرا لان الي بيه الخير الله يقدمه

اتمنى الموفقيه للجميع

اخوك ابو طارق (منتظر ختم الملف )

غير متصل فرجينية

  • عضو
  • *
  • مشاركة: 8
    • مشاهدة الملف الشخصي
اخي  العزيز  ..كل  انسان وقناعتة

اكو هواي  ناس  تجرعت المر  وراضية  بنصيبهة
واكو ناس  معجبهة الوضع ورجعت

فتبقى  يمك انتة ومدى تكيفك  وية الوضع

اختكم فرجينية

غير متصل rafid82

  • عضو مميز
  • ****
  • مشاركة: 1514
  • There are no gains without pains
    • مشاهدة الملف الشخصي
الاخ الكريم
من كلامك تقول هنالك بعض المواقع والنتديات التي تنشر قصص عن التشرد والفقر
اني اعرف انت وين كاعد تروح وبأي موقع تقصد راح ادزلك اياه على الخاص لان هذا الموقع اللي راح أدزلك اياه معروف بنشر القصص الكاذبة والطائفية فأخي  استفاد من هذا المنتدى وان شاء الله الاخوان راح يفيدوك وهيه ترجع تبقى يمك  انت وقناعتك وهاي حياتك واحلامك وانت تقرر  شلون تحققه وبعدين فشل البعض لا يعني راح تفشل بالعكس خليهم هدف الك و عبرة و تحدي لتحقيق احلامك
اخوك رافد

angie-dawood

  • زائر
اخي العزيز بس شي واحد راح اكول الك بلدنا كم سنة احنا بالحصار وكم سنة احنا ندخل حرب نطلع من حرب  كلها هاي رضينا وكلنا الحمد اللة على كل شي بلدنا وبحالة حرب  بس اخر الفترة الي وصل بيها بلدنا من قتل وخطف وووووووو شنو كانت افضل وسيلة للعراقي يبقى بنفس البلد لو ينخطف لو ينقتل بعبوة ناسفة او ياخذون بيته لو محل رزقه كل هاي وعلى شنو محد ميعرف هم لو اكو ثار بينك وبينه نكول يابه اكو ثار ويريد ياخذ بثاره بس هيجي على الهوية لو مجرد قتل بدون لا ذنب ولا صوج هاي منو يرضى يبقى بالعراق العراق يبقى عراقنا ويبقى وطنا مهما تغربنا وحتى لو اخذنا مليون جنسية من كل دول العالم تبقى مكتوبة بالاصل انت عراقي فمقصد كلامي امريكا بلد الفرص وبلد شعاره الحرية حرية الري حرية الشخصية حرية التصويت في حالة تملك جنسية حرية الاديان  كلها هاي احنا محرومين منها ببلدنا صح البلد هسى ديمر بازمة اقتصادية لكن العمل موجود للي يعرف شون يخلق عمل مثل اعمال  المحلات العربية او اعمال التجارة او اي عمل انت تعرف تعمل بيه اكو ناس عدهم مهنة الصيانة او مهنة الحلاقة او مهنة النجارة او مهنة الصباغة او مهنة تصليح ادوات الكهربائية او مهنة تنظيف الزوالي او مهنة الخياطة او مهنة الترجمة بالدوائرة الحكومية كلها هاي الاعمال متوفرة حاليا بس المهم رادلك خبر اللغة اهم شي وهم يكون تعرف ناس هي تصير واسطة حتى تشغلك او صديق او معارف اخي الغالي ماكو انسان مات من الجوع  الي يريد الامان يتحمل الصعوبة بداية وصوله الى الى الولايات المتحدة لانه كلنا مرينا نفس الظروف رغم يوم الي اجينا بيه هنا كانت امريكا وضعها الاقتصادي كلش زين بس هم شفنا صعوبة لانه لا كنا نعرف اللغة ولا نعرف البلد ولا نعرف قوانين البلد وشويه شويه تعلمنا واشتغلنا وصرنا احنا الي نعلم الامريكان على البلد الي هما اصلا ما يعرفون شي عن بلدهم
فيا اخي العزيز اذا ما تجي بنفسك وتجرب ما تكدر تحكم على المعيشة هنا لانه كل انسان وحسب رزقة اكو ناس ربك رزقهم بالعمل من بداية وصولهم واكو ناس صار سنين وهما لي هسى بدون عمل كل واحد ورزقه باي ولاية كانت ومهما كان ويكون نبقى نكول اهم شي هو الامان الامان الامان الامان الي هو كان السبب تهجيرك وتهجير كل العراقيين وربك موجود ما دام اتكالك عليه وربي يوفقك

غير متصل نخله عراقية

  • عضو فعال جدا
  • ***
  • مشاركة: 350
    • مشاهدة الملف الشخصي
    • http://www.iraqistqlal.com/photos/1808200921044.jpg
مرحبا ...
بالحقيقة حبيت اشارك لانه عندي خالتي سافرت قبل سنه ونص تقريبا واصدقائنا مقربين جدا هم راحو وصارلهم 5 اشهر ..وهاي قصص واقعية لا مقالة بجريده ولا تقرير مسموم بقناة مغرضة  يقول كلمه حق يراد بها باطل ...يعني همه نفسهم اللي يذمون امريكا يتمنون ويحلمون ان تسنح الهم فرصه السفر ...
بالنسبة الخالتي ..مو سعيدة لا طايرة من الفرح هي بسياتل وبرغم انها لا تتكلم الانكليزية بس فرحانه لانه تقول عندي شقه حلوة وشغل لابني وابني الثاني بالمدرسة والدوله تدعمه بكل السبل من الفودستامب الى الراتب الى الى ...تقول شنو اريد اكثر من هذا ...ناس لطفاء ..يبتسمون ويسلمون وهمه اصلا ما يعرفونج ..وبعد اشهر قليله اشترو سياره على كدهم ...ودائما تقلي الجاي كد اللي رايح ...لكن اذا تردين تطورين نفسج وتدرسين وتشتغلين فكل السبل متاحه وتعتمد عالشخص نفسة ...
اصدقائنا نفس الحاله وهسه هم استقروا ومرتاحين ..برغم انهم لا يجيدون اللغه الانكليزية ...
بس اريد اقول شي انه الحالتين لم يكونوا مرتاحين اطلاقا هنا بالاردن ...عايشين حياة صعبة ..كلها تعب وضغط نفسي وبعد هذا كله تبقى غريب وماعندك امل يتحسن وضعك...فبالتاكيد امريكا احسن ...بس اذا كان واحد غني ومرفه ..اعتقد الحسابات راح تختلف والله اعلم
نخله عراقية
عمان
حببت الناس والاجناس ...من اسود كالفحم ومن اشرق كالماس
حببت الناس والاجناس ...مذ علمت ان الناس اشباه وان النبل مقياس
محمد مهدي الجواهري...

غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
السلام عليكم اخواني
الجميع باجوبتهم وبوجهت نضرهم كانت رائعة واعتقد لا اكيد رائعة
وبس اريد اضيف اذكر اصدقاء لمن بدوا يطلعون لامريكا ببداية التسعينات لمن راحوا لامريكا الي بيهم الخريخ والغير خريج كان يسولفون ةيقولون حفرنا الصخر باصابع ايدينا ولفترة زمنية وقفنة على رجلينة بعد جد واجتهاد بالعمل وكان كل شي متوفر النا والي هو الامن والامان وهذا الشي اعطاهم الراحة النفسية وخلاهم يجتهدون بعملهم وصاروا الي هم بيه وكلمن حسب عمله
اعرف صديق كان يسولف انه كان يعمل شفتين وهذا ممنوع بامريكا واعرفه انه مريض من قبل لايروح لامريكا
بس صار عنده دافع نفسي للعمل وعمل لاربع سنوات وترك الشفت الثاني وكمل دراسه الهندسة وهسة خلص وتوضف بنفس الشركة الي كان يشتغل بيها باضعاف راتبه الاول واشترى بيت واموره ماشالله عليه --
المشكلة الي هسا جاي يطلعون واقصد بعضهم ماعندهم ثقافة العمل والجد بالعمل والصبر بس يوصل المريكا
يفكر بس بالمساعدات والراتب وبعض ملذات الدنيا الي هو بغنى عنها حاليا والدليل شوفوا اسئلة المحلفين لمن يسالوا الاسئلة الغريبة للي يريد يسافر لامريكا
يااخوان من جد وجد --- اسعى ياعبدي وانا اعينك
 للاسف بعض الناس لمن شافوها عكس ما يردون بتفكيرهم صاروا يخبصونها عليهم وعلى الناس الي يفكرون ىسافرون لامريكا
صديق ثاني يقولي وهو بامريكا والله بس الراحة النفسية الي تعيشها هنا تسوى الدنيا ومنها وقيسوا الراحة الي احنا محرومين منها من السبعينات ولليوم فيا اخي استفاد من فشل الاخرين وتجاربهم حتى تقدر تتخطاها بحال اذا وصلت لامريكا
والتوفيق من الله سبحانه
وتقبل مروري مع حبي 

غير متصل يا قلب صبرا

  • عضو جديد
  • *
  • مشاركة: 2
    • مشاهدة الملف الشخصي
    • البريد الالكتروني


ممنون الكم جميعا على مروركم الكريم اخواني واخواتي الطيبين ويا ربي يحفظكم ويحميكم
ويحقق امانيكم

ويعم السلام والامن بالعراق وكل العالم انشالله

تحياتي للجميع

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
الى صاحب الموضوع مع التحيه
هذا النقاش صدر اكثر من مره بالمنتدى و مع الاسف الشديد وره جم اجابه يطلع واحد اينغص عالباقين وتعلك
واعتقد هذا نقاش ما بيه فائده
المهم
راجع موضوع الاخ بيرج حول الاستفتاء الي صار بين الاعضاء الي في امريكا يمكن يفيدك هوايه لان باختصار جان السؤال
هل انت نادم على سفرك لامريكا
نعم ام لا
للاسف ما كدرت اوصل لرابط الموضوع ياريت احد يكدر ايخلينياه اهنا
تحياتي من تكساس

غير متصل Revolver

  • عضو مميز
  • ****
  • مشاركة: 1131
  • الجنس: ذكر
    • مشاهدة الملف الشخصي
تـأمرني ابو عبدالله الذهب ,

http://www.ankawa.com/forum/index.php?topic=358150.0 هذا موضوع الاخ العزيز بيرج

ريفولفر

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
اخوك صارله 8 اشهر يريد يروح على التعاسه والتشرد والتسكع بشوارع امريكا ومدا يوافقون واكو ناس مرفوضه ومقهوره وناس امورهم صعبه وتعيسه وينبجي على حالهم ويردون بصيص امل لحياتهم ومعاناتهم او توطين وماكو وانته تسال اخويه العزيز زينه لو مو زينه

اخويه اذا كنت مقدم وواصل مرحله وكتلك لا تروح راح تسمع كلامي وماتروح ؟؟؟؟
واذا كتلك روح وانته ممقتنع بالروحه راح تسمع كلامي وتروح ؟؟؟

اخويه هذا الجواب محد يكدر ينطيك جوابه لان كل شخص يحجي عن نفسه ووضعه ومؤهلاته وحالته
الماديه والاجتماعيه وغيرها وكلها بالنهايه تره توفيق من رب العالمين ارجوا ان لاتزعل من كلامي

وابسط شي اخويه روح اعتبرها رحله سياحيه اتونس بيها ومن ضوج اركب طياره وارجع
والله يحب المحسنين

تحياتي

غير متصل alwismy

  • عضو فعال جدا
  • ***
  • مشاركة: 499
    • مشاهدة الملف الشخصي
اخوك صارله 8 اشهر يريد يروح على التعاسه والتشرد والتسكع بشوارع امريكا ومدا يوافقون واكو ناس مرفوضه ومقهوره وناس امورهم صعبه وتعيسه وينبجي على حالهم ويردون بصيص امل لحياتهم ومعاناتهم او توطين وماكو وانته تسال اخويه العزيز زينه لو مو زينه

اخويه اذا كنت مقدم وواصل مرحله وكتلك لا تروح راح تسمع كلامي وماتروح ؟؟؟؟
واذا كتلك روح وانته ممقتنع بالروحه راح تسمع كلامي وتروح ؟؟؟

اخويه هذا الجواب محد يكدر ينطيك جوابه لان كل شخص يحجي عن نفسه ووضعه ومؤهلاته وحالته
الماديه والاجتماعيه وغيرها وكلها بالنهايه تره توفيق من رب العالمين ارجوا ان لاتزعل من كلامي

وابسط شي اخويه روح اعتبرها رحله سياحيه اتونس بيها ومن ضوج اركب طياره وارجع
والله يحب المحسنين

تحياتي



وهذا باختصار مفيد


شكرا اخوي عكعك عالتوضيح


alwismy

غير متصل ميكانو

  • عضو فعال
  • **
  • مشاركة: 43
    • مشاهدة الملف الشخصي
حبيب كلبي عك عك بس على كيفك وياي يعني اني متورطت هومجرد موضوع للنقاش وانيهم مثلك ونفس رايك يا اخوية وامنيتي اروح لاميركا بس اني حبيت افهم الموضوع وليش الناس والمواقع دتكتب هيج وتشوه سمعة حياة اللاجئين في اميركا


وتحياتي الك اخوية الوردة وعلى مرورك الطيب انت وكل اخواني واخواتي

تحياتي للجميع
اللهم ربي لا اله الا انت سبحانك فقنا عذاب النار
اللهم ربي لا تحملنا ما لاطاقة لنا به واعفوا عنا
وارحمنا ....

لا اله الا الله     محمدا رسول الله

غير متصل زيوس

  • نجم منتدى الهجرة و اللاجئين
  • عضو فعال جدا
  • *
  • مشاركة: 573
    • مشاهدة الملف الشخصي
مرحبا

كان الامام علي عليه السلام على مشارف الكوفة واراد ان يسأل الناس عن احوالها التقى برجل فسأله الامام كيف هي الكوفة فقال له الرجل توجد من النساء والخمر ما شئت فقال له الامام عليه السلام صدقت  بعد ذلك التقى برجل اخر فساله نفس السؤال فرد عليه الرجل توجد الجوامع وقراءة القران في كل مكان فقال له الامام صدقت ........

ارجو انه اني نقلت القصة بصورة صحيحة ان شاء الله 

وارجو انه الفكرة وصلت

تقبلوا مروري رجاء...

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
حبي كاتب الموضوع

انت طرحت اسئلتك على اساس عندك فضول اتريد تعرف اراء الاعضاء ؟ لو انت اصلا اتريد اتسافر الى امريكا ؟؟
اعتقد قبل ما اي عضو ايريد ايجاوبك جان لازم ايسئلك هالسؤال قبل ميرد عليك لان هذا الموضوع انطرح عشرات المرات وكلمن يفتي بكيفة هاي غير الي يجي ايسويلة عضوية جديدة ويبدي ايسب ويلعن بامريكا وهو كاتل روحة على امريكا

لان اذا انت مهامك تجي امريكا فراح ايكون موضوعك هو بس بينا احنا الاعضاء وبين كم واحد راح يجيك مستقبلا بفتاوي من غير مواقع وبعدين تعلك واتصير مشاكل

ملخص الحجي والحياة بامريكا راح الخصهة الك بكم كلمة

امريكا ليست لاصحاب القلوب الظعيفة اللي متصبر وتتحمل واتجاهد لتحيقيق الهدف وليست لاصحاب المخدة والفراش واحط راسي وانام والحكومة تصرف علية ولا اروح ولا اتعب نفسي وحتة ما اكلف نفسي اتعلم احجي انكليزي

امريكا لاصحاب القلوب القوية والصابرة والمجاهدة في سبيل تحقيق هدف او رؤية او حلم
وهي لاصحاب العقول اللي اتفكر شلون تترك المساعدات والفود ستامب والولفير باسرع وقت ممكن

اتمنة وصلت الفكرة

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني

حبيبي كاتي الموضوع اقرا الكلام المذكور في استفتاء اخونا بيرج واتمعن

ريفو
 لك انت تاج الراس ورده بس لو اتدخلني دوره يمك مال (( نت سيرج وعنكاوا سيرج )) وال مني الف تحيه
والله بطل

ابو اندرو
عاش حلكك نفس الي قصدته اني ببالضبط وابو الموضوع اكيد جبير ويعرف مصلحته وين
عكعك
اكيد مصيرك تتشرد ويايه بشوارع هيوستن بسياره اخر موديل بالساوث ويست لان اني وياك من نفس الصنف  ;D ;D ;D ;D
تحياتي للجميع

غير متصل Revolver

  • عضو مميز
  • ****
  • مشاركة: 1131
  • الجنس: ذكر
    • مشاهدة الملف الشخصي

حبيبي كاتي الموضوع اقرا الكلام المذكور في استفتاء اخونا بيرج واتمعن

ريفو
 لك انت تاج الراس ورده بس لو اتدخلني دوره يمك مال (( نت سيرج وعنكاوا سيرج )) وال مني الف تحيه
والله بطل

ابو اندرو
عاش حلكك نفس الي قصدته اني ببالضبط وابو الموضوع اكيد جبير ويعرف مصلحته وين
عكعك
اكيد مصيرك تتشرد ويايه بشوارع هيوستن بسياره اخر موديل بالساوث ويست لان اني وياك من نفس الصنف  ;D ;D ;D ;D
تحياتي للجميع

بعيوني اخليك ابو عبدالله انت تأمر  ;D
سلامي للأهل .

ريفولفر

غير متصل بت بطوطة

  • عضو مميز
  • ****
  • مشاركة: 1171
  • الجنس: أنثى
    • مشاهدة الملف الشخصي
حبيب كلبي عك عك بس على كيفك وياي يعني اني متورطت هومجرد موضوع للنقاش وانيهم مثلك ونفس رايك يا اخوية وامنيتي اروح لاميركا بس اني حبيت افهم الموضوع وليش الناس والمواقع دتكتب هيج وتشوه سمعة حياة اللاجئين في اميركا


وتحياتي الك اخوية الوردة وعلى مرورك الطيب انت وكل اخواني واخواتي

تحياتي للجميع

هوة منو صاحب الموضوع  .. ياقلب صبرا لو ميكانو ؟؟؟؟؟؟؟  :-\

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
بت بطوطه
يمكن الاخ ميكانو مسوي عضويه جديده ؟؟
وممكن ان يكون نسا التوقيع مالته
و ممكن ان يكون الشخ الكاتب صديقه ؟؟
هاي الهه هوايه علامات استفهام لان اني هم استغربت من جوابه لعكعك

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
حبيب كلبي عك عك بس على كيفك وياي يعني اني متورطت هومجرد موضوع للنقاش وانيهم مثلك ونفس رايك يا اخوية وامنيتي اروح لاميركا بس اني حبيت افهم الموضوع وليش الناس والمواقع دتكتب هيج وتشوه سمعة حياة اللاجئين في اميركا


وتحياتي الك اخوية الوردة وعلى مرورك الطيب انت وكل اخواني واخواتي

تحياتي للجميع

هوة منو صاحب الموضوع  .. ياقلب صبرا لو ميكانو ؟؟؟؟؟؟؟  :-\

و اللبيب بالإشارة يفهم !!!!!!!!!!!!! دائماً هكذا مواضيع تكون من شخص عنده أكثر من عضوية بالمنتدى و ما أعرف إن كان هذا الشيء من محاسن الصدف أو من سوء حظ العضو صاحب الموضوع؟؟؟؟

على كل أحب أكول لكاتب الموضوع سواء كان ميكانو أو مكعبات ... بأن كل الكلمات اللي كاتبهه بعنوان الموضوع هي صحيحة و موجودة و تبقى حسب الشخص نفسه ... شنو اللي يختاره من هاي المصطلحات حتى يبني حياته على أساسه؟

تحياتي

هههههههههههههههههههههههه

هذا من ديجاوب نسة ايسوي ساين اوت ويطب بالعضوية الجديدة هههههههههههههههه صدك مضحكة

بس شلون ملكفتهة اني ؟؟؟




غير متصل US2010

  • عضو
  • *
  • مشاركة: 21
    • مشاهدة الملف الشخصي
سبحان الله حبل .... قصير


 :)

يبدو نسى يسوي تسجيل خروج الاخ صاحب الموضوع

بس لو اعرف شنو الفرق بين العضويه الاصليه والعضويه البديله

شنو الي يخوفك حتى ماتكتب باسمك الاصلي؟


غير متصل روزماري

  • اداري منتديات
  • عضو مميز جدا
  • *
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
اخي العزيز بس شي واحد راح اكول الك بلدنا كم سنة احنا بالحصار وكم سنة احنا ندخل حرب نطلع من حرب  كلها هاي رضينا وكلنا الحمد اللة على كل شي بلدنا وبحالة حرب  بس اخر الفترة الي وصل بيها بلدنا من قتل وخطف وووووووو شنو كانت افضل وسيلة للعراقي يبقى بنفس البلد لو ينخطف لو ينقتل بعبوة ناسفة او ياخذون بيته لو محل رزقه كل هاي وعلى شنو محد ميعرف هم لو اكو ثار بينك وبينه نكول يابه اكو ثار ويريد ياخذ بثاره بس هيجي على الهوية لو مجرد قتل بدون لا ذنب ولا صوج هاي منو يرضى يبقى بالعراق العراق يبقى عراقنا ويبقى وطنا مهما تغربنا وحتى لو اخذنا مليون جنسية من كل دول العالم تبقى مكتوبة بالاصل انت عراقي فمقصد كلامي امريكا بلد الفرص وبلد شعاره الحرية حرية الري حرية الشخصية حرية التصويت في حالة تملك جنسية حرية الاديان  كلها هاي احنا محرومين منها ببلدنا صح البلد هسى ديمر بازمة اقتصادية لكن العمل موجود للي يعرف شون يخلق عمل مثل اعمال  المحلات العربية او اعمال التجارة او اي عمل انت تعرف تعمل بيه اكو ناس عدهم مهنة الصيانة او مهنة الحلاقة او مهنة النجارة او مهنة الصباغة او مهنة تصليح ادوات الكهربائية او مهنة تنظيف الزوالي او مهنة الخياطة او مهنة الترجمة بالدوائرة الحكومية كلها هاي الاعمال متوفرة حاليا بس المهم رادلك خبر اللغة اهم شي وهم يكون تعرف ناس هي تصير واسطة حتى تشغلك او صديق او معارف اخي الغالي ماكو انسان مات من الجوع  الي يريد الامان يتحمل الصعوبة بداية وصوله الى الى الولايات المتحدة لانه كلنا مرينا نفس الظروف رغم يوم الي اجينا بيه هنا كانت امريكا وضعها الاقتصادي كلش زين بس هم شفنا صعوبة لانه لا كنا نعرف اللغة ولا نعرف البلد ولا نعرف قوانين البلد وشويه شويه تعلمنا واشتغلنا وصرنا احنا الي نعلم الامريكان على البلد الي هما اصلا ما يعرفون شي عن بلدهم
فيا اخي العزيز اذا ما تجي بنفسك وتجرب ما تكدر تحكم على المعيشة هنا لانه كل انسان وحسب رزقة اكو ناس ربك رزقهم بالعمل من بداية وصولهم واكو ناس صار سنين وهما لي هسى بدون عمل كل واحد ورزقه باي ولاية كانت ومهما كان ويكون نبقى نكول اهم شي هو الامان الامان الامان الامان الي هو كان السبب تهجيرك وتهجير كل العراقيين وربك موجود ما دام اتكالك عليه وربي يوفقك



عاشت أيدج انجي حقا لازم نصبر ونصبر ومثل ماكالوا اخوتنا الاعضاء اميركا لأصحاب القلوب القوية والصبورة أيضا والموفقية للجميع[/b][/color]
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
سبحان الله حبل .... قصير


 :)

يبدو نسى يسوي تسجيل خروج الاخ صاحب الموضوع

بس لو اعرف شنو الفرق بين العضويه الاصليه والعضويه البديله

شنو الي يخوفك حتى ماتكتب باسمك الاصلي؟



حبي السؤال موجه للي طرحه
انت ليش ما مسجل باسمك الاصلي لعد
لو هيه بس تشمر حجار عالناس

غير متصل ميكانو

  • عضو فعال
  • **
  • مشاركة: 43
    • مشاهدة الملف الشخصي

السلام عليكم ورحمة الله

تحية الى كل من قام بالرد على موضوعي ومهما كان الرد فانا اتقبله من اخوتي واخواتي ولكن......

عتبي الى بعض الاخوة والاخوات الذي كان ردهم غير لائق ويفتقد الى الاسلوب الحضاري ورح النقاش

بعض الاخوان والاخوان واحد يكول ميكانو او مكعبات  واحد يكول تشمر حجر عالناس واحد طلعني اسوي مشاكل وحده دكول مضحكة وغيره من الكلام الغير لائق اما انا فاقول شكرا على مروركم الطيب وتحياتي لكم جميعا جميعا

واشكر كل اخوتي واخواتي الي ردوا عليه وكان ردهم كلش جميل وخالي من الكلمات الجارحة

ولكن اريد ان اوضح امر مهم انا قمت بتغير النك  وكذلك لم اعمل خروج اتصال وحدث الذي حدث وليس هذا المهم المهم هو
اني قمت بتغير النك لاني على يقين انه ساجد من ينتقدني وبشده على هكذا موضوع ولا اعرف لماذا وكلما في الامر اني احببت هذا المنتدى ووجدت فيه الاخوة الصادقة والتعاون الجميل واقد استفدت منه كثيرا وانا حالي من حالكم انتظر السفر الى اميركا وهذا هو حلمي الوحيد اسال الله ان يحققه لي ولكم ولكني دخلت لبعض المواقع فوجدت كلام غير منطقي ومحبط جدا فاردت ان اكتب هذا الموضوع ليس لاجل اي شي لا لعمل مشاكل ولا لاذم الحياة في اميركا ولا اي شي اخر وانما لتبيان الحقيقة من عدة جوانب  ولمعرفة لماذا تحاول بعض المنتديات تشوية حياة اللاجئين في اميركا...
وكما قلت غيرت الاسم لاني اعرف ماذا سيحصل ولم اريد ان اخسر اي احد من اخوتي واخواتي في المنتدى الجميل............

كما لاحظت امر اخر حللوه وفسروه كما تريدون ان بعض الاشخاص قد طغى عليه حب اميركا والعيش في اميركا على اي حب اخر في قلبه  فما ان يرا اخيه العراقي يسال سؤال حتى ولو كان في حسن نيه وفيه مساس على امريكا يشتعل غضبا ويقوم برد جارح وقاسي

انا لست كارهل لحضارة اميركا ولا لشعب اميركا بالعكس انا احب كل الحضارات الراقية والشعوب المتحضرة حتى ولو كانت اسرائيل نفسها ولكن اقول المفروض ان يبقى العراق فوق الكل وان يبقى العراق هو الاول في قلوبنا نعم حلمنا ان نذهب لاميركا ونتعلم وندرس ونستفاد من علمهم وحضارتهم لنعود في يوم من الايام الى عراقنا وننقل ما تعلمناه محضارة اميركا الى شعبنا ونحاول ان نصل العراق الى القمة

اسف على الاطاله واتمنى ان لا تفهموا كلامي خطءا والله يعلم ان كلامي غير مبطن ولا يحمل كراهية اوضغينه لاي بلد في العالم او لاي شعب او لاي شخص

واتمنى من صميم قلبي ان تتقبلوا ردي هذا بكل راحبة صدر مادام كلامي خالي من اي تجريح

تمنياتي لكم بالموفقيه والنجاح

ولنا لقاء معكم انشالله في اميركا

ارجوا من الادارة الفاضلة الغاء هذا الموضوع

مع جزيل الشكروالتقدير

اخوكم ميكانو
اللهم ربي لا اله الا انت سبحانك فقنا عذاب النار
اللهم ربي لا تحملنا ما لاطاقة لنا به واعفوا عنا
وارحمنا ....

لا اله الا الله     محمدا رسول الله

غير متصل راهب الحب

  • عضو مميز
  • ****
  • مشاركة: 1546
  • الجنس: ذكر
  • †من لا يحِب لم يعرف اللــه .. لأن اللــه محبّــة †
    • مشاهدة الملف الشخصي
حبيبي الغالي ميكانــو ::
 أكو مقولة تعجبني هواااية وهي ببالي من 16 سنة وجانت بيوم من الأيام عنوان محاضرة بأخوية الكنيسة إللي جنت أنتمي بيها بالبتاويين وهي :::
عليـك أن تمِــس الأشــواك ... قبل أن تصــِل إلى رحيـق الأزهــار ....
واللبيب من الإشـارة يفهم .....
تمنياتي إلك بالتوفيق والإستقرار ودُمت بألف الف خيـــر .... †





                        أخــوكــُم / وسـام بهنـام داؤد الخابـــوري
† إذا كـُنت لا تحـِب أخـاك الـذي تـراهُ ؟؟ فكيـف َتحـِب اللـه الـذي لا تراهُ !! ... †

غير متصل عاشق تراب العراق

  • عضو مميز
  • ****
  • مشاركة: 1561
    • مشاهدة الملف الشخصي
جدا حلوة مقولتك اخوية راهب الحب فعلا هذا ملخص الكلام

تحياتي للجميع
لقد تعلمت في المدرسة و الجامعة ان نتعلم الدروس ثم نواجه الامتحانات ...
اما في الحياة ....
فاننا نواجه الامتحانات ثم نتعلم الدروس....

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
اخي العزيز صاحب الموضوع والاخوة والاخوات الاعزاء الي ردو عالموضوع اول شي اريد اوضح شي بالنسبة للجوء في امريكا واللجوء في دول اوربا الغنية واكرر دول اوربا الغنية اعتقد اكثر العراقيين الي يسمعون بانسان لاجيئ يتوقعون انه راح يعيش ملك راح ينتجي ويجيله الراتب وهوة كاعد بالبيت وطول عمرة يبقة مرتاح وميحتاج لاشغل ولاعمل هذا كلام صحيح ولكن اين هذا الكلام موجود في دول اوربا الغنية وخصوصا الدول الاسكندنافية مثل السويد والنروج والدنمارك-ولكن يبقة توضيح ضروري حيث لاتعتقد بانه لانك اصبحت لاجيئ في هذه الدول فستبقة تاخذ راتب طول العمر ولكن كل دولة من دول العالم كلها عندما تعطي لجوء لانسان فتعاكله معاملة ابن البلد يعني اوضح اكثر كان الاعتقاد قبل سائدا انه من عراقي ياخذ لجوء مثلا في السويد فالراتب الي راح ياخذه من الحكومة السويدية يؤخذ من العراق من مبيعات النفط وهذا الاعتقاد خاطيئ مئة بالمئة فالسويد او الدنمارك او النروج تعطيك الراتب اولا لانه في حالة حصولك عاللجوء اذا فستحصل على الاقامة الدائمية في هذا البلد وعند حصولك على الاقامة الدائمية فستعامل معاملة ابن البلد وابن البلد الذي لايعمل من حقه ان ياخذ راتب من الدولة والدولة توفر له السكن اي انهم يعطون الراتب والسكن للاجيئ ليس لكونه لاجيئ ولكن لكونه حصل على اللجوء والذي بدوره حصل على الاقامة الدائمية في البلد والذي بدوره سيعامل معاملة  ابن البلد واعتقد انكم فهمتو قصدي وهذا الكلام بالنسبة لاوربا اما بالنسبة لامريكا فالامور تختلف حيث امريكا لاتبقة تساعد صاحب البلد اي الامريكي طول عمره ويبقة بدون عمل وهيه تصرف عليه فلهذا يجب عليك العمل لكي تعيش هناك فاللجوء في امريكا يختلف اختلاف تام عن اللجوء في دول اوربا الغنية واسف عالاطالة واريد اضيف شي ثاني بالنسبة الي اني من داريد اروح لامريكا فصدقوني اخواني واخاوتي مو علمود نفسي اني كل روحتي علمود اطفالي لانه ماريد الي شفناه احنة بحياتنة بالعراق والبهذلة الي عشناها ماريدهم يشوفوها بيوم من الايام وصدقوني اخواني واخاوتي العراق مراح تقوملة قيامة ولاراح يصير براسة خير اللهم اله اذا الله سهل ونشالله من يخلص نفط العراق هذاك الوقت واني متاكد راح يصير براسنة خير لان راح يطلعون الحرامية من العراق وراح يجون ناس تخاف عالعراق وتشتغل صح اما ماطول النفط موجود فراح يبقون الحرامية ينهبون ويبوكون بثروات العراق وكلمن باسلوبه ناس تلبس لباس الدين وناس تلبس لباس الوطنية وناس تلبس لباس الديمقراطية وهمة اصلا كلهم جايين ينهبون ويبوكون من ثروات العراق ومنو ماكلها بس المواطن  ونشالله الموفقية للجميع وشكرا لكل الاعضاء

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3310
  • الجنس: ذكر
    • مشاهدة الملف الشخصي
                                السلام عليكم

اخي العزيز راح اكتبلك هاي السطرين وارجو ان تفهم معناها .

امريكا اعظم دوله واعرق دوله في العالم .وانت ستصل اليها وتشوف . المساعدات 3او4شهور وبعدها تعتمد على نفسك اذا اشتغلت تعيش بسعاده وترتاح وتصير كل ايامك عسل بعسل .
اتمنالك الموفقيه والنجاح .

ابو انس
شيكاغو

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
ياقلب صبرا

الراحه والسعاده بالسفر هي امور نسبيه
كل شخص وتجربته الخاصه


احجيلكم فد مثال واقعي صغير

خالي موحان بامريكه لافهم لاعلم لاعنده شهاده لاعنده لغه
يعني بالعربي روحته لامريكه حجاره بالظلمه حتى القصه اللي قدمهه للامم تموووووووووووووت ضحك ومع ذلك انقبل وراح
صارله 3 سنوات هناك
اشتغل بمطعم ويه واحد عراقي والعراقي ماصرفله وراح لكندا
المهم خالي موحان اخذ المطعم وسواه اكلات عربيه وعراقيه
يحلف يكول حتى مااعرف اسوي غير تشريب باجه وثريد باميه
صار يطلع اكلات من الانترنت عالكوكل ويسوي لاهمه ونسه ولاصرف ذب كل حيله عالشغل
وهسه ماشاء الله اموره ممتازه واشترتله بيبيتي بيت بالعماره لان صارله سنتين يدزلهه فلوس

عندي صاحبتي بامريكا
انكليزيتهه فلونتلي وهي مهندسه واول ماراحت اشتغلت مترجمه
وشوكت مااخابرهه تنوح وماعاجبهه حتى اوباما
المهم رجعت قبل اسبوعين للعراق العظيم بماسيه وتاريخه الملطخ بدماء عزاز كلبنه
وتكول نار العراق ولاجنة امريكا :'(

شفت اخي شلون المساله نسبيه  8)

غير متصل cricket

  • عضو فعال جدا
  • ***
  • مشاركة: 296
    • مشاهدة الملف الشخصي
    • البريد الالكتروني
اخي العزيز والقراء المحترمين

ان اكثر من يصف الحال اهل البلد لان لو سالت باي دوله لتكن على سبيل المثال وليس الحصر امريكا منو اكثر واحد يحب هل البلد راح تلكاه امريكي ولو سالت منو اكثر واحد يكرها هم راح تلكاه امريكي وهذا حال كل بلد بالعالم وقصدي راح تفهموه من كلامي مع جاري ( امريكي ) الي اسمعه الصبح يلعن اب العيشه والوضع وبليل سكران ويخطب عل الحكومه ( طبعا من وضع مسيطر لا اكو احد يكتب عليه تقرير ولا هم يحزنون من سوالف الوطن العربي ) سالته كتله اذا انته هيجي احنا ذاك اليوم جينا شنكول  فاجابني لا تاخذ بكلامي مقياس واعلمك شي على امريكا ( الكلام لا يزال لجاري )مستحيل في امريكا على اي شخص ان يشعر بالجوع ولكن من الممكن ان ينام بالشارع واقصد انه عندك حلم وتريد تحققه فالحكومه تشيل عنك نص الحلم وانته عليك تشتغل بالباقي كتل لعد شبيك تخطب كال مو ردة يشيلون حتى نصيبي من الحلم وضحك وخلصت القصه هذا الشخص طبعا نموذج وقصدي من خلال تجربتي انه في امريكا تريد تشتري بيت او تاثث او تتزوج وراتبك على كدك الحكومه تكلك انته اشتغل واني اسهل عليك كل هاي الامور وقد تطول اجابتي اذا اشرحلك شلون يسهلوها متكلي يحفضك الله يا بلد عربي ومن ضمنه بلدي الغالي العراق كاللنا خلي اساعدكم بتحقيق احلامكم صحيح ان هذا يعتمد على مدا صبرك وعلى سعيك الحكومه في منطقتي على سبيل المثال لاس فيغاس وما اعتقد اكو منطقه اصعب بالعالم من هنا  بفرص العمل راح اكلك شلون تحققلي نص الحلم راح تدفع ايجاري 8 اشهر وتوفري الطعام بحيث نفسنا لعبت من الاكل ووفرتلي مدرسه للغه ووفرت وسائل نقل للمدرسه ولو تعرف شكد تكلف راح تدوخ  خصوصا انها من اشهر المناطق السياحيه بالعالم شنو الباقي عليه اني اكلك اولا اضبط اللغه ثانيا ابدي اكو علاقاتمع الجميع وبعد ذلك ابدي اعرف واتعلم عن شنو الي بامكاني ان اشتغل بيه ويكون توجهي عل هذا الاساسمهما كانت بساطة العمل وقد ايضا افكر بالانتقال الى ولايه اخرى اذا توفرت فرص عمل وهكذا شويه شويه وكلمن حسب تخطيطه      اما البعض من الي ويايه بنفس الولايه شسوى تجيه فرصه عمل وره شهر من جيته يكول ها مو راح ينكطع الراتب والفود ستامب دخلي اكمل ال8  اشهر والله كريم وشخص اخر خلص سبعه اشهر ولهسه يروح مقابله مال العمل يسحل وراه مترجم  واخر يجبوله شغل بالملعب يكص ثيل يكول اني بغداد جنت  كذا وكذا  واحد اخر  يتصلون بيه اصدقائه يكلوله لكينالك شغل بس بولايتنا المساعدات بس شهر وتنكطع  يكول لا ابقى بلكي الله يفرجها  وهم ذولي الي يكتبون عن الوضع اهنا بهذا البلد بغير مواقع  وقصص ماكو مجال احجيها عن سوالف البعض الي متعرف تضحك لو تبجي عليها  عموما اسف للاطاله بس حبيت فقط انقل الي ديصير في منطقه اني شاهد بيها واحتمال في غير ولايات الامور تختلف   احد الاخوان عجبني جوابه يكول تعال وانته دتفكر شلون تخلص من المساعدات  والفود ستامب وتوكل على الله راح تنجح   
حكمة اليوم ...
ياحافر البير لاتغمج مسا حيها ............. خاف الفلك يندار وانت تكع بيها

غير متصل ميكانو

  • عضو فعال
  • **
  • مشاركة: 43
    • مشاهدة الملف الشخصي
بارك الله بيكم على كلامك القيم والجميل

واشكركم على مروركم الطيب ويا ربي الموفقيه للجميع

تحياتي
اللهم ربي لا اله الا انت سبحانك فقنا عذاب النار
اللهم ربي لا تحملنا ما لاطاقة لنا به واعفوا عنا
وارحمنا ....

لا اله الا الله     محمدا رسول الله


 

" "