سؤال حول IZ Number

[fox13]

الاخوة و الاخوات الكرام ....


شنو الايزي نبر ؟ ومنين احصل عليه ؟ و وين يفيدني؟



شكرا اخوكم
FoX 13

[عكعك التطوى]

اخويه انته وين مقدم ؟؟؟؟؟؟؟

[fox13]

اخوية العزيز اني مقدم على الـ SIV

[زيوس]

هلو حبي فوكس

هذا الرقم الي ينطوه الك الiom لمن تكتمل اوراقك وتكون مؤهل للمقابلة وراح من تروح للمقابلة تلكاه مكتوب على الفايل الاصفر الي موجودة بيه كل اوراقك وامورك وهذا الرقم راح يضل وياك الى ان تحصل على اللجوء.

بس اكلك فد شي بس مو تزعل حاول شوية اتعب نفسك وتروح للارشبف قبل ما تسأل لان هذا السؤال طرحته اخت انجي قبل يومين واعتقد موجود بالصفحة الثانية وجاوبها الاخ ابو اندرو على ما اعتقد وهذا الجواب اني حفظته وهسه كتبته لحضرتك.

تقبل مروري

زيوس

[angie-dawood]

سؤال ضروري
1- ممكن معرفة الفرق بين الـCase number الـBGD والـIZ
ممكن معرفة ما الفرق بين الرقمين

رجاء اخواني هذا السؤال ساله احد الاخوة بموضوعي اسال وانا اجاوب واني بصراحة ما اعرف شنو  
هو الفرق رجاء الي يعرف شنو يجاوب حتى انقل الرد الى موضوعي او هو يرد على الاخ بموضوعي واكون جدا شاكره فضلكم

وهذا كان الجواب على سؤالك من الاخ الغالي ابو عبد اللة مشكور له



 
انجي
ال IZ نمبر هو رقم الملف الخاص باعاده التوطين بعد حصول المتقدم على الفيزا
ال BGD هو مثل ما اتفضلتي رقم القضيه قبل الحصول واثناء الحصول على الفيزا

الاول مال بنفتس
والثاني مال القضيه الاصليه iom or siv تقريبا نفس الشي

اخوج ابو عبد الله التكساسي 
 
 
 

[عكعك التطوى]

اخويه من تقدم على ال com يزودوك بهذا الرقم وفائدته من تتاخر معاملتك تخاطبهم وتحطلهم هذا الرقم بالايميل حتى يعرفون رقم ملفك او قضيتك

[عكعك التطوى]

ويزودوك بالكيس نمبر BGHxxxxx بعد موافقه الكوم وبدء مرحله nvc وهذا يبقه وياك لحد متخلص

[fox13]

الاخت العزيزة انجي.. و الاخ العزيز ابو عبد الله ..

السؤال هنا هو شوكت و منو ينطيني هذا الرقم؟؟

تحياتي

[زيوس]

طبعا اما اكو ناس عجيبة والله العظيم

يعني اني افتهمت بانه حضرتك انزعجت من جوابي الك والي اني شرحته الك بالتفصيل ومنين جبته همين
اوكي اني مو خوش انسان وما استحق تكلي شكرا .... واني ما محتاج الشكرا مالتك

زين هذا الاخ عكعك التطوى مو ذبح نفسه عليك ورد عليك ثلاث مرات وانت حتى مكلفت نفسك تشكره همين

اخي اذا الله سهل امورك وتروح الى امريكا راح تشوف الناس تقدر كلشي انت تسويه حتى اذا كان عمل تتقاضى عليه اجر ....

[angie-dawood]

حبيبتي انجي
بالنسبه لل IOM اول تقديم للمستمسكات  ينطوهم رقم تسلسل هوه ال BGD الي هوه مجرد رقم تسلسل للملف
من تكمل دراسه القضيه ويتاهل للمقابلات راح ينطوه IZ يعني دخل بالبرنامج وهذا الرقم الي راح يبقى مرتبط وياهم الى حين وصولهم لامريكا
 
 
 
هذا كان هم ردي الاخت ريم

[angie-dawood]

اخوان الله يخليكم ويحفظكم
حبيبي واخوية العزيز  ابو عبدالله التكساسي
اختي العزيزة ريم
انا اللي حصل وياي من قدمت على ال IOM انطني IZ نمبر راسا من غير ما ينطوني ال BGD وانا لهسه اصلا ما مقابل ولا مقابلة يعني لا موضوع بعد الفيزا ولا شي واعتقد اصلا ماكو فرق بيناتهم
وهذا الحصل وياي ورقمي IZ 111XXX
Echo 9
 

 
هاي كل الردود الي كانت من نزلت موضوع على مود سؤالك

[fox13]

الاخ زيوس المحترم ....
 
اسف على الالتباس بس ترة اني مو قصدي والله العظيم مو قصدي .. بس كل الموضوع انه كل واحد ديحجي شكل و اني جذبني الجواب مال الاخوة  اكثر من جواب حضرتك و الاخ عكعك التطوي ... لان لم يكم مفصل و جا اكو موضوعية اكثر بجواب الاخوة سابقا ....


لان الكيس نمبر اللي يبدي بـ BGHXXXXXXXX يختلف عن الايزي نمبر و اللي يبدي بـ IZXXXXXXXXXX .. و حضرتك و حضرة الخ عكعك دمجت بين الاثنين ... لان اني استلمت الفيزا و قدمت على البنفتس مال اي او ام ... و سبق و كلت اني مقدم على SIV مو IOM .... مع ذلك اني جدا جدا اســــــــف ..

و ارجو ان تتقبل اعتذاري .... و متزعل مني .. و ان شاء الله نصير اصدقاء....




اخوكم
FoX 13

[ابو عبد الله التكساسي]

عمي ابو الثعالب كلهه
ما يصير خاطرك الا طيب
الايزي نمبر اجاني من قدمت على اعادت التوطين
يعني الي انطونياه هم جماعه الرابسنت يعني مرحله ما قبل السفر بفتره قليله
وهو الرقم الي يجيك لملف اعاده التوطين يعني المنضمه والمكان والكفيل وهاي السوالف
طبعا هاي بعد ان تحصل على الفيزا من السفاره
زين قبل لو بعد خلود الحموي
اكلك لا قبل اتصال خلود الحموي وراح تستخدم نفس الرقم من تتخاطب وياها
وبعيوني
ها بالمناسبه انت تعرف انه اني مقدم على الاس اي في فهيه نفس قضيتك

اخوك ابو عبد الله التكساسي

[ســـرى]

الاخت العزيزة انجي.. و الاخ العزيز ابو عبد الله ..

السؤال هنا هو شوكت و منو ينطيني هذا الرقم؟؟

تحياتي

اخونا العزيز يسمحولي الاخوان أجاوب اذا انت من جماعة الSIV فماكو شي أسمه IZ number لأن انت مامقدم على الiom أو الusrap اهل الSIV عدهم فقط BGD نمبر وهو رقم القضية مالتك وهذا راح يدزولك بيه ايميل من تحصل على الchief of mission approval وبالموفقية انت بعدك بالخطوات الاولى ونتمنى لكل المقدمين النجاح والموفقية تحياتي لكم اللي عنده سؤال اكدر اجاوب عليه ترة اني حاضرة

[ابو عبد الله التكساسي]

الاخت العزيزة انجي.. و الاخ العزيز ابو عبد الله ..

السؤال هنا هو شوكت و منو ينطيني هذا الرقم؟؟

تحياتي

اخونا العزيز يسمحولي الاخوان أجاوب اذا انت من جماعة الSIV فماكو شي أسمه IZ number لأن انت مامقدم على الiom أو الusrap اهل الSIV عدهم فقط BGD نمبر وهو رقم القضية مالتك وهذا راح يدزولك بيه ايميل من تحصل على الchief of mission approval وبالموفقية انت بعدك بالخطوات الاولى ونتمنى لكل المقدمين النجاح والموفقية تحياتي لكم اللي عنده سؤال اكدر اجاوب عليه ترة اني حاضرة

اختي شنو السالفه
اني من دا اجاوبه للولد هذا الجواب اكيد يعني مو اجتهاد مني
ارجو المعذره بس كلامج مو صحيح وراح اكلج اشلون هذا الايزي نمبر مالي واني SIV

IZ-300788_Assurance_03AUG2009.  

وهذا الايميل الي اجاني منهم

Thank you for your patience as we have worked on your case for Department of State resettlement benefits. Your case has been assigned to a resettlement agency and transferred to IOM for travel arrangements to the United States . Attached is your Assurance Form indicating your final destination in the U.S. and the affiliate office that will provide services upon your arrival.
شلون ما عدهم ايزي نمبر ما اتفهميني
زين عيوني فاني دا اكلج انت غلطانه بالمعلومات وياريت ما تفتين ابكيفج لان الشي لو ما متاكد منه ما اكوله
مع تحياتي

ابو عبد الله التكساسي

[fox13]

كافة الاخوة و الاخوات ....


شكرا جزيلا على الشرح و وجهات النظر المختلفة ....

اكو احد سامع المقولة ( يسأل و يجاوب نفسة ) اني اليوم راح اجاوب نفسي لان خابرت 4 اصدقاء موجودين حاليا بامريكا ( للتأكد ) و كان الجواب ( مثل ما تفضل بعض الاعضاء الكرام ) و بالضبط مثلما تفضل الاخ العملاق باعماله ( ابو  عبدالله التكـــــــــــــــــــــــــساسي) مشكورا ....


ارجو ان لا يكون الاخ زيوس بعدة زعلان ...


اخوكم

FoX 13

[ســـرى]

رجاءا أخ ابو عبدالله ترة اني موقصدي تظليل الاخ بس هذي الحالة اللي مرينا بيها مو أكثر

[ســـرى]

تمنياتي بالموفقية لكل الاخوة والمقدمين على اي من البرامج هجرة او لجوء

[echo 9]

اخوان الله يمسيكم بالخير والعافية
اكو شطر من بيت شعر سامع بيه بس ما حافظه يكول الشطر ( الام الخلف بينكم الاما  - ............. )
اخوية العزيز زيوس على كيفك عمي مع الرجال خو ما كفر من سال وبعدين اذا كل واحد من يجاوب له جواب يريد قصيدة مال شعر من كتب الشكر والتقدير والعرفان بالجميل ما نخلص الليل كله
الولد سوى اللي عليه وشكر الجميع والولد راد بس يفتهم اكثر وانت بصراحة جوابك ما كان بيه فد شي مفيد كما الكدرت تكوله للولد من سال انه جاوبته يتعب نفسه ويروح للارشيف ولو كل واحد من عدنا تعب نفسه وراح للارشيف وبحوش بيه راح اكيد يالكي له فد جواب بس الرجال راد يختصرها بهالسؤال وانت جوابك كان بيه خشونه شوية حتى بردك الثاني
انا ما اريد اعلكها بس ردت اوضح له ولك انه تاخذون الناس على نياتها مو ؟؟؟؟؟؟؟؟ عمي
Echo 9

[زيوس]

عمي فوكس اني الي اعتذر واذا تضربني بقندرتك انت والاخ ECHO هم مراح احجي وبس كل ما هنالك احنا دائما نحاول نخلي الصفحة الاولى بالمنتدى لاشياء مهمة مو ؟ يعني شكو بيها حتى اذا كان فرات فون لو امنية اذا ينقر رقم 2 بصفحة المنتدى راح يطلع موضوع الاخت انجي اني غلطان لان مكتبت الرابط وانت على حق بس صدك بالله انه 90% من امور الهجرة واللجوء والحياة بامريكا ناقشوها الاعضاء واصبح هذا المنتدى بمثابة المرجع لكل شيء .
وباقي المواضيع كلها عبارة عن فد شي مكرر لا اكثر ولا اقل وصدكني اخي اني يمكن صارلي كم شهر قبل كم يوم يلة صرت عضو فعال جدا لان اني ما اريد املي المواضيع بس عاشت ايدك و يسلموووو
 اذن مو مسالة يكفر فلان وحتى عمي هم اذا كفر اني هم ادفع كفارة اله واني خادم صغير وممنون بس المسالة انه جاوبه الاخ عكعك واني هم جاوبته وما اريد قصيدة مال عرفان وشكر وما ادري شنو .... بس على الاقل كان شي جدا لطيف لو كايل شكرا للاخ فلان وفلان ويا حبذا لو الاخوان ....... يوضحون بعد اكثر وهذا الشي هم موجود بضوابط المنتدى بموضوع الاخ بيرج على ما اعتقد ... ثم هي بغض النظر بس من باب الذوق ومرات واحد يعني هم شوية تصير عندة ردة فعل يعني اشو هذا مجاب طاري خو ماكو شي مو تمام؟
 (والله عمي حقك على اخوك واني الي اعتذر عن سوء التفاهم هذا واقسملك يمين هم لو تضربني راشدي على خدي الايمن هم اكلك رحم الله والديك اخذ الثاني من اليسرة وانا خادم ) 

واكرر اسفي وتقبلوا مروري رجاء  والاخ ايكو البيت يكول (الام الخلف بينكما الاما ------- وهذي الضجت الكبرى علاما)   وان شاء الله ماكو لا خلاف ولا ضجة

[blood_brothers8]

السلام عليكم.... شباب اني صارلي اكثر من عشرة ايام مقدم ع ال siv وماكو اي شي من عدهم بس الاوتوبلير....زين خلال شكد ويدزون ال iz.....واشكركم

[ابو عبد الله التكساسي]

اخوان الكل اتحب اتساعد
الاخ زيوس من الاعضاء الذين لا يستهان بمساعدتهم لاخوانهم واني اححيك اخويه الغالي للروح الي شايلهه وللتعاطف والتواضع الكبير الي بقلبك ... الله يكثر من امثالك يارب

عمي ابو الثعالب شو ما كلتلنه اشوكت تجي لامريكا وين رايح لي ولايه
عمي ايكو الف هله وهذولي اخوتك وحتى مصارين البطن مرات تتعارك فعادي ما كو شي .. اخرب عليك اني

اخي بلود بروذرز عمي الله يحرسك وتره بعد الحبل عالجرار بعدك بدايه الطريق اصبر والله كريم

اختي szsz انت اتكولين رجاءا أخ ابو عبدالله ترة اني موقصدي تظليل الاخ بس هذي الحالة اللي مرينا بيها مو أكثر
متكليلي يا حاله شنو اكو غير برنامج اس اي في مقدمه عليه انتي الله يخليج فهميني لان دخت   
انت قريتي كلماتج زين يعني اقريها وبعدين اقري ردي وبعدين اشرحيلي البرنامج الجديد رجاءا

تحياتي للجميع بدون استثناء

[ســـرى]

اني جدا اسفة على اللي صار عالعموم تمنياتي بالموفقية للجميع واتمنى انه محد يزعل مني قصدي المساعدة فقط

[fox13]

اخواني و اخواتي ...

الحمد لله . .... طلعت الشمس ... بعد ما كل شي رجع لمكانة .. و تصافت الكلوب .... 

على العموم . اشكر كل الاخوة و الاخوات على ردودكم .. و انشاء الله التوفيق للجميع ...

الاخ زيوس ... عمي انتة محشوم و اني اكرر اعتذاري مرة اخرى .. ترة الدنيا متسوة .. اذا تحرك دمك و تعصب علة كل شغلة .. فانتة كل يوم ينقص من عمرك 10 ساعات بسبب العصبية المفرطة ... علة فكرة ( اني هم صرت عصبي لدرجة ردت احرق الجواز مالتي ) ههههههههههههههههه .. قوية مو ..

الاخ ابو عبد الله .. مثل ما تعرف اني مقدم على البنفتس مال اي او ام .. يعني بحدود الشهرين . و الله كريم..

اكرر اعتذاري الك و لكافة الاخوة و الاخوات و اشكركم بنفس الوقت على سعة صدوركم ..

اخوكم
FoX 13

[ســـرى]

الله يوفقك اخ فوكس وتمنياتي للجميع الله يسهل عليهم ومايطول انتظارهم

[fox13]

ربي يوفقك...... و يوفق الجميع