سؤال واستفسار على شغلة غريبة صارت بـ IOM Baghdad

[Il mutargim]

اخواني شلونكم اول شي.....
اني قدمت شهر الثامن 2009 واجاني الكيس نمبر الي هو BGD-8XXX بنفس اليوم بالليل ومن هذاك الوكت الى حد البارحة كلشي ماكو.....رجعت اني دزيتلهم ايميل كلتلهم يابة شنو السالفة اشو هدوء كلشي ماكو.....اشو هذولة جاوبوني هم بنفس اليوم وبالجواب بعنوان الرسالة كاتبيلي الآي زي نمبر مالتي.....مع العلم انه همه مدزولي ايميل كلولي هذا الآي زي نمبر مالتك قبل.....الرجاء من اصحاب الخبرة انه يفهومني شنو الفلم....وهسه شسوي وشنتظر؟؟؟ والشغلة مطولة لو لاء؟؟؟

وشكرا
اخوكم المترجم

[ابو عبد الله التكساسي]

عمي اصبر والله كريم
هيه كلهه بيد الله

[Il mutargim]

مشكور على ردك اخي شوان وعلى نصيحتك

[wasu 81]

السلام عليكم اخي العزيز
تره اكثريه الي مقدمين بالجديد يعني
نفس الحاله صايره بيهم واني واحد من الناس
قدمت يوم 26_10 اجاني ال iz نمبر يوم1_11
شنو السالفه منعرف والله كريم
اخويه تره السالفه امبينه اتحب صبر وضلت يم ربك




اخوك وسو الحزين

[AbU.SaRa]

 أخوان ترة الشغلة كلش عادية .....هاي الفترة جاي ينطون الـ IZ نمبر مباشرة ومرات بدون BGD يعني لحد يظل يفكــــــــــــر

[Abo Andrew]

صايرين ينطون الاي زي نمبر وايحددون مقابلات بسرعة وايجاوبون على الايميلات بسرعة خيالية

وهاي كلهة بالجديد بس شنو القبض ورة متقابل محلفين انت وحظك لو ايحطون على الكيس مالتك گلابي طابوك جمهوري لو ايمشوك بسرعة الضوء

تحياتي

[vincenzo]

لعد شو اني صارلي 8 اشهر بطرك البي جي دي اللي طولوا بيه 5 اشهر يلله دزولياه !!!!
حظوظ

[blood_brothers8]

مرحبا....
شباب صارلي اكثر من عشرة ايام داز ايميل لجماعة ال siv وماكو اي خبر غير الاوتوبلير.....زين وشكد يالله يدزون ال iz....وشكرا.....