رجاء لكل الاعضاء

[ابو عبد الله التكساسي]

اخوان
الله يخليكم وبدون زحمه
لا تخشون بخطيه احد وتنطون معلومه خطا لان وراها اكو تبعات ولحد يفتي بكيفه
كل ما هنالك انت تعرف معلومه شارك بالرد
واذا ما متاكد الله يخليكم لا تجاوبون لان بعدين المعلومه اتصيرنقمه على السامع
وهذا طلب من اخوكم الجبير\الزغير
ابو عبدالله

[أ.ج.ت]

بارك الله بيك اخي العزيز طرح رائع .

[fox13]

والله يا اخونة الجبير ( و الجبير الله ) انتة دائما حجيك ذهب يا ذهب....



أخوك
FoX 13

[ام فائز]

اخونا شوقي
تره الواحد من يجاوب ديجاوب عن حاله صارت وياه لكي يتم اطلاع الاعضاء او السائل عن التجربه الشخصيه قابل يرحم اهلك واحدنا مشتغل بال اي او ام لو باليو ان بس المشكله انو ماكو كيس تشبه الكيس الاخرى وطبعا اني كلامي على التقديم الاعتيادي لليو ان
تحياتي

[سوسن كليانه]

اخي ابو عبدالله كلامك صحيح وبارك الله بيك,,,الي عدنه ملعومه  ومتأكد منها او مار بنفس التجربه خلي يكتب ,,,بس الي مايعرف شي او مامتاكد منها لايكتب ولايجاوب او ي بعض الاخوان حتى يتناقشون عن شي مايعرفوه,,,لازم الواحد يقدم معلومه اتفيد الاعضاء وبشكل صحيح حتى لايصير عدهم خربطه ومايعرفون الصح من الغلط,,,,

[alwismy]

انا من رأي

ان مو مشكلة الشخص يشارك برأيه حتى لو كان غلط 

لان  الغلط اللي هو مقتنع بيه راح يتصحح من قبل الاعضاء المتميزين بهالمنتدى

وبعدين اكو واحد ماصار عنده خبرة بالهجرة لو اللجوء من خلال هالمنتدى الكريم


تحياتي للجميع
alwismy

[echo 9]

اشت ايدك اخوية الجبير بافعاله واخلاقه ابو عبودي التكساسي
صحيح كلامك 100% وياريت ايضا وطلب من اخوكم Echo انه نتحمل بعضنا شوية بعد ولا احد يزعل من عدنا اذا اخطا واحد بالاجابة من قصد انه الاخرين يصححوها له من غير ما يحسسوه انه اخطا وللسائل حرية الاخذ بالاراء
ايضا ملاحظة وانا رديت بيها على احد الاخوان اللي جاوبوا الاخ Fox 13 انه خلي نبتعد شوية عن سالفة الجواب الكلاسيكي ( روح دور بالمشاركات السابقة !!!!!!!!!!!!) اللي يريد يجاوب مثل هالجواب على اي سؤال يا ريت يتفضل علينا ويزود السائل بالرابط اللي بيه الجواب مثل مي دا يسوون الخوان ابو اندرو الله يحفظه وابو عبدالله التكساسي والاخت انجي ربي يخليها منورة المنتدى واخوية البطل ريفولفر
لان تزويدك بالرابط يسهل مهمة الاخ السائل والاغلبية بالعراق ما عدهم النت سيح لا والله الاغلبية لو فرات فون لو امنية ونباوع للساعة من نتصل فيا ريت يكون تقدير لهاي المسالة وشكرا
Echo 9

[blood_brothers8]

اي والله رحمة والديك خوش حجي.....

[نهاد احمد]

السلام عليكم اخواني واخواتي
 طبعا الف الف الف شكر لاخونا ابو عبدالله وبارك الله بيك اخونا
لان هذا الموضوع يفيد الجميع وكلامك صح 100 % واني رأي الشخصي اويد كلامك
والموفقيه للجميع

اخوكم نهاد ابو علي -- مصر

[ابو عبد الله التكساسي]

شكرا لكل الاخوه والاخوات الاعزاء لكل المشاركات وبدون تفضيل
كلكم اعزاء عليه وحيل احبكم وانتم اهلي وناسي
والله ما قصدت الا الخير بهذا الحجي لان بعض الاحيان تجي اجابات مو دقيقه تخلي الواحد يضرب اخماس باسداس وتخلي السائل يفر براسه
اخوان احد شافني جاوبت على موضوع يخص تفاصيل الاي او ام ؟؟ اكيد لا لان اني ما اعرف بالتفاصيل واخاف احجي حجايه خطا
نعم ممكن اشارك اذا كانت معلومات عامه مثل منو الي يحقله ايقدم و عنوان الاي او ام البريدي وغيرها من المعلومات العامه بس مو تفاصيل
اخواني اني  كل قصدي الفائده فقط علمود لا يتخربط احد بين الجواب الصح والخطا
وتره يا جماعه احنا اهنا كلنه جايين لله
يعني شوفو هذا البطل الورده  ريفولفر ... والله يعجز السان عن مدحه
يعرف يكول اعرف
ما يعرف يكول تعذرني وياريت الي يعرف ايجاوبك ومن واحدنا يريد شغله يركض ركض ويجيب الموضوع لو بدهاليز ارشيف المنتدى .. ليش ؟؟ احد دينطي راتب ؟؟ احد دينطي فد مميزات على شي سواه ؟؟
لا بس لوجه الله وعلمود ايساعد الاخرين
اخواني النصيحه لله مو لابو واحد وارجو ما تزعلون مني بس اني احبكم واريدلكم كل الخير
وخلينا غطا وستر واحد للاخر الله يخليكم الي
والنصيحه لي اولا قبل الكل وتحياتي للجميع

اخوكم ابو عبد الله التكساسي

[abomagid]

السلام عليكم
شكرا على هذه الملاحظه القيمه
اكو بعض الاعضاء مع احترامي الشديد اتجاهم يستهزؤون بالردود لبعض الاخوه السائلين هو هذا الشخص الي يسئل غير هو روحه طاكه واريد المعونه فجاي على اخوانه اريد الجواب ؟؟؟ مو  يشتهزؤن بيه  مع احترامي الشديد  للاخوان الاعضاء الكرام
اخوكم
ابو ماجد
تحياتي

[AbU.SaRa]

 طبعا موضوع أخونا أبو عبد الله الورد عالراس حجيه صح وكله تمام .....أهم شي الواحد يرد بتأكيد وأذا لا ...لا يرد لأن أحتمال تصير هواي شغلات مستقبلا ........

[Revolver]

دومك تاج على الراس اخوية ابو عبدالله, اني اتعلم منك ومن الاخوة الي بلمنتدى, الله يوفقك دنية واخرة .

ريفولفر

[علي الوكح]

مشكوووووووووووور ع الموضوع الرائع

تحياتي

علي الوكح

[ملك الحيرة]

السلام عليكم
اني هم عندي رأي على كولة اخوي الوسمي
اعتقد صاحب الموضوع من يطرح موضوعة للنقاش والاستفسار راح يلاقي اراء مختلفة ويطلع بالنتيجة بمحصلة نهائية للموضوع ..واكيد الاخوان الاعضاء ما راح يجيبون شي من جيبهم ..اما مارين بالتجربة او سامعيها..وكل هذا يصب في مصلحة صاحب الموضوع او من يقرأ الموضوع والتقييم يكون عليه..وبعدين اذا كان طرح احد الاخوان غلط..راح يجاوبه الي يعرف الصح..ويصححله الغلط ومثل ما كلت..الكل مستفادين
مو لو مو مو؟؟؟

[ابو عبد الله التكساسي]

الاخوه الكرام شكرا لتفاعلكم مع الموضوع وان شاء الله يكون بيه فد نوع من الفائده
الاخ العزيز ا ج ت تسلم على المرور
الاخ فوكس 13 تسلم عزيزي ياورده
الاخت الغاليه ام فائز كلامج ذهب مصفى وصلتي الفكره الي بالي
الاخت سوسن كليانه شكرا للـــــــــــمرور
الاخ الغالي على قلبي الوسمي - اختلف وياك لان الجواب الخطا راح يتبعه عواقب ربما تاثر على صاحب الكيس
الاخ الغالي ايكــــــو 9 تسلم يا ورده وكلامك صح 100 بال 100
الاخ بلود براذر نورت المنتدى اغاتي و رحم الله والديك و ممنون منك اخي
الاخ نهاد لا شكر على واجب عيوني والف هلا بيك
الاخ العزيز ابو ماجد تسلم عالمرور
الاخ ابو ساره يسلم راسك اغاتي
الاخ الغالي جدا ريفولفر ... عمي شاكول بحقك قليل . بس اكلك الله يستر عليك
علاوي الوكح تسلم عالمرور وبالمناسبه اشوكت السفر ؟؟
الاخ ملك الحيره كلامك صح في حاله انه السائل اصلا يعرف الصح من الخطا والا جان ما سال من الاصل مو ؟يعني التقييم يجي من المعرفه المسبقه بالشئ لو اني غلطان ؟؟

[ابو عبد الله التكساسي]

 شكرا للجميع

[ابو عبد الله التكساسي]

رفعت الموضوع لحاجه الاعضاء الجدد للطلاع عليه
وااكد اذا معلوماتك مو صحيحه اجوك ارجوك لا تاكدهه وتخليها كمصدر وانما كول ما متاكد

[ethan texas]

اخوية العزيز   ابو عبدلله     بارك الله بيك وصحيح كلامك ذهب مية بالمية

الله ايرزقك وينطيك العافية ويخيلك عبودي  يارب

[violin]

كلك خير وبركة اخونة ابو عبدالله .وعاشت ايدك .

[ابو الحسن]

عمي ابو عبودي ابو الغيرة
انته ذهب صافي والكلام اللي يصدر عنك دومه ذهب صافي
عمي ان شاء الله يديكم خير وبركة وناصح لحبايبنا بالمنتدى
ابو الحسن - ماليزيا

[الناسك]

الاخ العزيز ابو عبد الله

شكراً للتنويه على موضوع كلش مهم ودائماً اقرأ ردود لاتمت للحقيقة بصلة ...
وهو امر خطير لأن في هذا المنتدى تتوقف مصائر عوائل ومو بس هيج على كلمة وحدة بس ..
﴿وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً﴾ سورة الإسراء/36.
صدق الله العظيم
بارك الله اخونا الكبير شوقي
اخوك الصغير الناسك

[Safaa Alkhrkhy]

ابو عبدالله الفذ.........
باقة ورد تحتوي مليار وردة من حديقة الامة ((الباب الشرقي بغداد!!!!)) اهديها اليك!!!!
طبعا الاخ ابو عبدالله قال وقدم الذي في قلوبنا وانني احب ان اضيف راي اخر : فمثلا نلاحظ ان (بعض) الاعضاء يجاوبون على تساؤل او استفسار بعبارات مقتضبة لاتمت بصلة للسؤال وعلى سبيل المثال(( ان شاء الله الاخوة الاعضاء ايجاوبوك ..... وبارك الله بك على السؤال .....و...........و.........)) فأنا ارى انه هذا مجرد حشو كلام لا اكثر او ربما واقول (ربما) لزيادة عدد الردود للعضو لسبب لايعرفه الا الخبراء !!!
تقبلوا تحياتي

[ابو عبد الله التكساسي]

شكرا لتفاعل الاعضاء الاعزاء
جوزيف العراقي الجزء 2

فايولن اخويه الف شكر


عمي الغالي ابو الحسن الف شكر اغاتي

اخي الناسك الف شكر للايه الكريمه والله عالجرح الله يكثر من امثالك اغاتي

حبييب صفاء الف شكر لمرورك

[نادر البغـــدادي]

خـوش طرح !!!
عاشت الأيادي
وكل عام وانتم بالف خيـــــر ...

[ابو عبد الله التكساسي]

اخ دجله الف شكر على الاطراء وبالفعل الي ما يعرفك ما يثمنك
اني شفت مساهماتك بامنتدى الفكري وانت من الناس الي محروك كلبك على البلد من صد احييك على الغيره العراقيه وارجو منك ان لاتكطع بينا اهنا ومرلنا بين فتره  وفتره وانت المتفضل

تحياتي