اخواني واخاوتي بلشنة بمشاكل العراق والله اليستر مناالى ان يفرجها عليه واخلص من العراق --يوميات من بغ

[koka75]

اخواني واخواتي الاعزاء
   اني داشوف بالمنتدة اعضاء يسولفون عن ما جرا لهم في ارض الحرية في امريكا من لحضة سفرهم الى وصولهم الى حياتهم هناك وانا اريد ان اسولفلكم عن العراق لكوني مصارلي شهر بالعراق فانشالله اي سالفة تصير كدامي بالعراق العضيم راح احجي بيها بالمنتدة وذلك علمود الي يغلط ويفكر وفقط مجرد تفكير انه يرجع للعراق يقرة كتاباتي علمود يعرف هوة علشنو راجع--
  اريد اسولفلكم سالفة صارت البارحة --   قبل اكثر من اسبوع تقريبا اجه  ابن جيرانة وهوة صديق عزيز عليه ولكون اخوه سافر مع والدته الى الحج والذي هوة يسكن بغير منطقة فجاب سيارته البي ام دبليو لون سوداء الى بيت اهله وهوة بيت جيرانة الي اجاني وكال اريد اخلي سيارة اخوية يمكم بالبيت لانه ماعدنه مكان يمنة يعني شغلة عادية ومابيها شي ومساعده مني لهم فكتلة تدلل اخوية مابيها شي اتوكل عالله وخليها يمنة وشوفو المفارقة والي صار بيه من ورة هاي السيارة البارحة العصر واكيد الي موجود بالعراق سمع بيها والي خارج العراق شافها اكيد بالتلفزيون البارحة العصر انكتل عقيد بالجيش او بالحرس الوطني في منطقة السيدية الضباط والي كتله واحد كان صاعد سيارة بي ام دبليو وبعد مانكتل الاخوان بالحرس الوطني افترو علبيت بيت بالسيدية وشكو بي ام دبليو اخذوها واخذو صاحب البيت وياها فاجوي ودكو على باب بيتنة ساعة بالوحده بالليل البارحة  وماسولفلكم من تندك عليكم الباب وبالعراق ساعة وحدة باليل شيصير بيكم وشنو الي تفكرون بيه وشافو السيارة بالطرمة مالتنة ويمعودين والله مو سيارتي وسيارة جيرانة مقابيلنة ومناحجياة ومارواية وجان ياخذون السيارة وياخذوني وياخذون جيرانة ويانه وماسولفلكم للصبح واحنة محجوز علينة بالقاطع مالتهم وتحقيق وجيب وودي واخوكم للصبح يلة طلعونة بعد ماتبهذلنة بهذلة من هاي الزينة فاني حبيت اوضحلكم شغلة وحده وانه حتة لو مجان الك دخل باي شي وحتة لو جنت ساد بابك عليك هم تجيك التهايم وانت نايم وهذا العراق العضيم الي الضاهر راح نبقة متبهذلين بيه الى يوم سفرنة انشالله وطبعا اخذو اسمائنا بالقاطع وعناوين بيتنة علمود من تصير هيجي حادثة مستقبلا يعرفون وين يلكونة -- انشالله الله يسهل عالجميع ونشالله يبعدكم عن العراق ومتفكرون ترجعوله وبوجهكم لامريكا  بالتوفيق للجميع ادعولي يجي اليوم الي اخلص بيه من العراق واطلع وافلت بجلدي الله يسهل عالجميع
اخوووكم ابو محمود

[Revolver]

أخوية ابو محمود,

الف الحمدلله على سلامتك, وهذا هوة العراق العظيم, لو اعرف بشنو عظيم جان ارتاحيت. يمك العافية اخوية العزيز وتوصل بلسلامة وتخلص منة ان شاء الله .


ريفولفر

[volca]

الحمد لله ع سلامتك
وانشاء الله تكمل شغلتك وتسافر باقرب وكت
ولو انته مصارلك هوايه بالعراق هسه تتعود ع الوضع ويصير شعارك ( قابل الكله غريبه ع احمد راضي)


تحياتي

[angie-dawood]

الف حمداللة على سلامتك اخي انشاءللة يوم توصل للمكان الي تريده ربي يحميكم كلكم يارب

[koka75]

الله يسلمكم ونشالله السلامة للجميع والتوفيق للجميع
  صدك والله من كلت قابل الكلة غريبة على احمد راضي
  والله هذا خوووش مثل واول مرة اسمع بيه فمن رخصتك راح اضيفة لقاموووسي
اخوكم ابو محمود

[alprince1980]

حمدلله على سلامتك الله يلعن العراق والساعة الولدنا بيه ما يجي منه غير التعب والهم ووجع الراس واتمنالك السفر باسرع وقت
تقبل مروري

[Abo Andrew]

حمدلله على سلامتك الله يلعن العراق والساعة الولدنا بيه ما يجي منه غير التعب والهم ووجع الراس واتمنالك السفر باسرع وقت
تقبل مروري

اخي مو العراق السبب بل الناس اللي عايشة بي والقيادات الحكيمة عبر العصور

يعني مو صحيح حتة تلعن الساعة اللي امك جابتك بيهة لان هاي بيد ربك
لو ساكت احسنلك من هالتعليق  هواية احسن

[volca]

الله يسلمكم ونشالله السلامة للجميع والتوفيق للجميع
  صدك والله من كلت قابل الكلة غريبة على احمد راضي
  والله هذا خوووش مثل واول مرة اسمع بيه فمن رخصتك راح اضيفة لقاموووسي
اخوكم ابو محمود

عزيزي المثل وصاحب المثل كدامك
بس ان شاء الله توصل هنا انطيك قاموس امثال اخر عيطه


تحياتي

[US2010]

حمدلله على سلامتك

وصدقني اخويه ابن ادم طماع بس يريد اكثر واكثر ( هل من مزيد )

بدل مايقولون الف الحمدلله وصلنا لامريكا وارتاحنا لا يضلون يبجون ويشتمون البلد الي ضيفهم؟

[Baghdady73]

اخوية ابو محمود حمدلله عالسلامة وانشاءالله تتسهل وتطلع وترتاح..المشكلة مو بالعراق المشكلة بالبشر والا فالعراق الله منطيه من الخيرات الكثير اللي اي بلد يحلم بيهة بس شتسوي للبشر!!!!!!!

البشر اتكله هذا ثور ايكولك اي احلبه

بغدادي

[ابوتريكة]

يبقى العراق بلدنا الاول واي بلد اخر نتوطن بي هو بلدنا الثاني والانسان مهما كبر او بلغ من المراتب ما لازم يتبرى من اصله ولا من ناسه ويبقى ايحس بالانتماء والاصرة الايونيه (لانها اقوى انواع الاواصر) التي تربطو وتشدة للعراق وماقول الشاعر ببعيد  بلادي وان جارت عليه عزيزه   واهلي وان شحو علي كرام

[المهندس حمودي]

الله يساعدك ويكون بعونك
وحمد لله على سلامتك

طبعا بالمناسبة هذه الحادثة هيه مثال لهواي من الحالات الي تصير وتكرر ويومية بس منها ما ينذكر ومنا ما يروح صاحبها المسكين بلا ذنب فد شهر او شهرين وبعدين يكلوله انت طلعت برئ .

يابة الحمد لله على سلامتك وسلامة عائلتك ويوم الي تكلع وتخلص بيه من العراق العظيم ( مثل مايسمونه)

تحياتي
اخوك
المهندس حمودي

[ابو عبد الله التكساسي]

عمي ابو محمود الله يساعدك وان شاء الله شده وتزول

اخوان الي حجوا عالعراق بس شوفو جواب اخوكم ابو اندرو وشويه اصفنوا بيه يعني هيه مو بس سوالف
العراق يسوا راس الكل
بس الاوادم مو خوش اوادم

[سوسن كليانه]

الف الحمدلله عالسلامه المهم طلعت سالم ,,,والله يعينكم على كلشي ويبعدكم عن كل مكروه وعلى اولاود الحرام,,,وانشاءالله يرجع الوضع احسن من قبل باذنه تعالى

[حمودي ابن زيونه]

جيبـــــــــــــــــــــه هو لعد اني ليش باقي بالشقيقه الاردن لحد اليوم

[Abo Rami]

والله اخوي
ان كنت تدري فتلك مصيبة    وان كنت لاتدري فالمصيبة اعظم

ما اكول غير هذا الشي والعاقل يفتهم
ابو رامي

[زيوس]

الف الحمد لله على سلامتكم و ما تشوفون شر ان شاء الله ....

[ابن العراق الحر البي]

اخوية اولا الحمد لله على سلمتك وان شاء الله ايفرجها عليك وعلى جميع العراقين جميعا امين هذا اولا اما ثانين فجوابي على الاخ الذي يقول ما اعرف ليش ايسمون العراق بلعراق العضيم صدك انت متعرف ليش تدري ليش اني اكلك ليش لان العراق هو عراق الائمة اهل البيت  عليهم السلام  وهو عراق الانبياء  صلوات الله عليهم والي صار بل اخ العزيز شغلة كلش عادية بلد بي عصابات اهواية والامن بي الي هسة بعدة ممستقروالعيب مو بلوطن العيب بينا احنا مو اخوان لو اني غلطان مو الشرطي  او الجندي الي اخذك  انت وجيرانك منين جاي قابل من كوكب ثاني او الضابط الي حقق وياك جاي من السودان لا اخوان ارجو من الجميع  ان لا يتكلمون على العراق هيج لان ربينا وكبرنا وشربنا من دجلة  والفرات كلنا شوف المصرين شكد تعبانين ويشتغلون بكل بلدان العالم وبمجالات انت العراقي متقبل تشتغل بية بس انت رجال احجي على مصر وشوف شيكل مصر ام الدنيا هذا هو الوفاء  الصحيح مهما كان فعذروني اخوان اذا اكون قد  ازعجتكم  اخوكم ابن العراق الحر الابي وشكرا

[الحياوي]

العراقي الحقيقي
                             ما يلعن العراق
مو من حقك تلعن العراق
احنه كلنا عدنه اصل بالعراق
ولذلك لا نسمح  لاي احد ان يلعن ويسب  كيفما اراد
حتئ لو كان منبر حر
يجب احترام مشاعر الاخرين
واحترام هذا المنتدئ  الي هو متنفس كل العراقيين الذين هم في الغربه واشكرك علئ المسبه  واللعنات

[Revolver]

اخوية اولا الحمد لله على سلمتك وان شاء الله ايفرجها عليك وعلى جميع العراقين جميعا امين هذا اولا اما ثانين فجوابي على الاخ الذي يقول ما اعرف ليش ايسمون العراق بلعراق العضيم صدك انت متعرف ليش تدري ليش اني اكلك ليش لان العراق هو عراق الائمة اهل البيت  عليهم السلام  وهو عراق الانبياء  صلوات الله عليهم والي صار بل اخ العزيز شغلة كلش عادية بلد بي عصابات اهواية والامن بي الي هسة بعدة ممستقروالعيب مو بلوطن العيب بينا احنا مو اخوان لو اني غلطان مو الشرطي  او الجندي الي اخذك  انت وجيرانك منين جاي قابل من كوكب ثاني او الضابط الي حقق وياك جاي من السودان لا اخوان ارجو من الجميع  ان لا يتكلمون على العراق هيج لان ربينا وكبرنا وشربنا من دجلة  والفرات كلنا شوف المصرين شكد تعبانين ويشتغلون بكل بلدان العالم وبمجالات انت العراقي متقبل تشتغل بية بس انت رجال احجي على مصر وشوف شيكل مصر ام الدنيا هذا هو الوفاء  الصحيح مهما كان فعذروني اخوان اذا اكون قد  ازعجتكم  اخوكم ابن العراق الحر الابي وشكرا

أبن العراق الحر البي,
شنو دتقشمر علينة لو دتقشمر على نفسك ؟ بهل التفسير مال العظيم ؟ يعني شنو بس العراق عندة نهرين ويشربون منهم العالم ولهذا يسمى عظيم ؟ لو العراق جيف انكتلوا بي اهل البيت يسموا عظيم ؟ شو مصر ميسموهة مصر العظيمة, ليش مو بيها اسلام ومسلمين وانبياء وصحابة ومسيح ؟ ومو ديشربون من النيل ؟ شو مسموهة العظيمة . اخوية من اتريد اتجاوب , ياريت اتجاوب جواب مقنع العالم من تقرا اتكول اي والله صح .

وفوكاها انت مرفوض من اميركا, لو مقبول جان حجيت غير حجاية .


ريفولفر

[koka75]

الله يسلمكم جميعا ونشالله الموفقية والاستقرار للجميع  
  اخواني الاعزاء تدرون اني جنت ابجي دم عالعراق من جنت بالغربة وحجيكم صحيح  انه الصوووج مو بالعراق بس الصوووج بالحكام الي حكوه اذا حاليا واذا قبل واعتقد لو ترجعون للماضي وتشوفون العراق من اول يوم صار ما صفت اموره كل يوم مشاكل وعمره مارتاح ولاشعبه ارتاح بس احنة نكول ارض الله واسعه والي يكدر يطلع منه احسن اله بس صحيح نبقة عراقيين الى اخر رمق مثل ميكولون وبالنسبة للاخ صاحب المثل انشالله اوصل بالسلامة وعلحجايتك اشبع منك امثال ---
تحياتي للجميع والموفقية للجميع
اخوووكم ابو محمود