اخواني الله ايخليكم اريد مساعدة

[scona]

اخواني الله ايخليكم مساعدتكم
اني من بغداد قدمت للاي او ام قبل سنة ونص الي وللعائلة مع العلم اني الاخ الجبيرالمنظمة قسموا الكيسات 4 كيسات 3 منهة تم الموافقة عليهة للسفر وواحدة تم رفض الملف الي هوة عائد الى والدي ووالدتي وخواتي 2 صغارتم رفض الملف بسبب والدي مقتنع المحلف بي كال لآسباب عسكرية واحد من الكيسات سافر قبل 10 ايام وظلوا 2 ننتظر الموعد في اي لحظة
المشكلة اخواني انو والدي توفة قبل 20 يوم اثر نوبة قلبية ومراح ايظل احد هنا وية امي وخواتي لان اصلا ما عدنة كرايب بلعراق احنة العائلة الوحيدة من عشيرتنة اتصلت بألمنظمة ابغداد بدون جدوى الهاتف مغلق واتصلت ابعمان كالوا لاتتصل بينة دز ايميل للمنظمة دزيت ايميلين للمنظمة وشرحتلهم على القضية كاملة وكلتلهم هيج السالفة صار اكثر من 17 يوم وبدون اي رد لحد الان ما اعرف شسوي اكنسل قضيتي حتة اظل وياهم  في حال اتصلوا بية لو ما اعرف شسوي ؟

الي عندة معلومة اتفيدني ليبخل علية بيهة لان اني بوضع لا احسد عليه

والله لا ايشوفكم مكروه 

[سوسن كليانه]

البقاء في حياتج اختي العزيزه والله لو عندي جواب كان ماقصرت وانشاءالله الي عنده اي معلومه يكدر يساعدههذه الاخت ,,,وانشاءالله تنحل كل الامور واهلج يسافرون وياج والله يسهل عليكم يارب

[Revolver]

اول شي ياعيوني, البقية بحياتكم ان شاء الله ومتشوفون ومتسمعون غير كل الخير ياربي, وخاتمة الاحزان بأذن الله, واني اسف جداً لأن ماكدر انطيك معلومة اني ممتأكد منها لأن مو اختصاصي, بس بأذن الله راح يجاوبوك الاخوة  الي بمنتدانا لأن ماشاء الله بحياتهم ماقصروا وية احد.  أخي اصبر وان شاء الله رب العالمين يسهلة عليكم وينجمع شملكم ونفرح بيكم بأذن الله .

ريفولفر

[ابو عبد الله التكساسي]

لا حول ولا قوه الا بالله العلي العظيم
الله يصبركم اختي ويشد من ازركم
ويارب تفرج عنكم كل الهموم ويجعلها اخر احزانكم

اختي والله ما اعرف جوابكم بس اذا تحتاجون كفيل في امريكا او اي شي ثاني اهنا اني برسم الخمه راسليني عالخاص واني انطيج كل المعلومات الي تريديهه

اخوكم ابو عبد الله

[angie-dawood]

اخوان هو ديكول اني الاخ الجبير يعني اخ مو اخت
المهم البقية في حياتكم انشاءللة تكون خاتمة الاحزان وانشاءللة الاخوة ما يقصرون بالرد ربي يوفقكم يارب

[ابو عبد الله التكساسي]

اخي الغالي اسف لسوء الملاحظه واعتذر من جديد
شكرا لملاك المنتدى

[scona]

الله ايخليكم وايخلي كل عزيز علة قلوبكم واشكركم على المشاعر الطيبة وليشوفكم مكروه ادري لو بيدكم شي جان سويتوا بس ان شاء الله ايصير خير

اني ولد واسمي انس النجار

[شجرة الدر]

اخي العزيز البقاء لله ان شالله يؤاجركم رب العالمين في مصيبتكم ويعوضكم خيرا عنها اللهم امين وان شالله خاتمة الاحزان اختكم شجرة الدر

[ريم عبد]

اخي scona
البقاء لله وانا لله وانا اليه راجعون
 تلفون بغداد ميجاوب وهسه صارت حالات بغداد محصوره في بغداد فقط يعني محد ايجاوبك لا مصر ولا الاردن
دزلهم ايميل من نفس الكيس مالتك لان الكيسات الي واصله مراحل متقدمه من ايدزن ايميل راسا ايجاوبوهم
وكلهم اريد اسوي كيس لوالدتي واخواتي معانا واحتمال اياخروك وياهم
انت اشرحلهم الحاله وهمه راح ايوجهوك
وياربي ان شاء الله ايوفقكم وايسهل عليكم

[ســـرى]

الله يصبركم جميعا ويعينكم والله ماعندي فكرة عن هذا الموضوع