قضيه للمناقشه

[haigo]

هلو يا احلى صبايا وشباب اكو فد موضوع قبل كم يوم كنا ناقش بيها اني وجماعتي وبعدين حبيت اخذ راي صديق عزيز علي بس الظاهر صديقي مشغول اصلا مو بالا زين ....اذا شخصان التقوا بطريق الصدفه وصارت بيناتهم علاقه حلوه بريئه يعني صداقه لكن وبدون سابق انذار تحولت الى ؟؟؟ وال ...عاقل يفتهم ومن طرف واحد اشلون يتصرف هيج موقف؟؟؟؟؟ للامانه طرف الثاني ميعرف كلشي واني انطيت راي وكلت خليها بالقلب احسن  ها ويايه لو عندكم غير حل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عبير رومانس]

تسلمين حياتي عالموضوع الرائع واشكرج لان طرحتي هيجي موضوع حلو لان صايرة بهوايه ناس اعرفهم راح انطيج رائي الخاص هو انه الطرف الاول ممكن ان يصارحه بحبه ويكوله بكل صراحه اني حبيتك او اني حبيتج مابيها شي بلكي الطرف الثاني عنده نفس المشاعر بس يخاف يحجي واذا حجى وكال اني اعتبرك مجرد صديق او اعتبرج مجرد صديقه وقتها راح يسحب الطرف الاول نفسه بكل هدوء طبعا ويتصرف بروح رياضيه وبدون مايبين للطرف الثاني المه اتمنى للجميع التوفيق
تحياتي عبير رومانس

[angel_f]

فعلا الكتمان أحسن الحلول يا هايكو..
تحياتي Angel_F.

[haigo]

صح يا اختي الكتمان احسن الحلول تسلمون للمرور مع تحياتي

[جواهر بغداد]

طرح حلو ونقاش اروع
عزيزتي اكو جملة بفلم ظرف طارق تكول

إذا أردت شيئاً وبقوه أطلق صراحهُ أذا عاد إليك فهو لك وإذا لم يعد فهو لم يكن لكَ منذ البدايه

اذا الطرف الاول يحب والمقابيله ميعرف انصح الظرف الاول بالمحاولةلان محد يخسر بالتجربة خصوصاً إذا كان الشي الي بداخله صادق ومبني على اساس الوفا
حاولي واذا الشخص مو من نصيبج فلتظنين بأنه القدر فرقكم لا اذا ربج قاسمه الج لو تمر سنين وسنين يرجعلج وماانصحج بالكتمان  لان بهالطريقة راح تحركين روحج بأسم الصمت

عالعموم التفكير راح يساعدج على اخذ القرار الصائب
واتمنى من كل قلبي ربي يوفقج وينولج مراد قلبج
لان اصعب شي خساره حب انولد بشكل عفوي بقلب برئ

تحياتي وامنياتي بالموفقية

[hewy]

لا اوصي ابدا بالكتمان بل صارحيه لكن في البداية لتكن هناك تلميحات فقط واهتمام اكثر واذا لم تنجح عندها افضل ان تخبريه فالندم على شي لم نفعله اكبر بكثير من الندم على شيء فعلناه

[عاشقة هيثم يوسف]

موضوع روعة هايكو بس نصيحة لحد يكتم مشاعرة لان مراح يوصل لحل وراح يضل طول عمرة يندم على شي كان يتمنى ان يعلنة وممكن الطرف الاخر يكون متجاوب وراح يخسر الفرصة فللاحسن ان يجازف ويصارح والحياة فرصة


تحيتي

عاشقتو