بشاره بس بعدها ما كملانه

[شجرة الدر]

السلام عليكم اخوتي واخواتي اليوم اتصلت بالمنظمه قبل شويه وكالولي انه الموافقه الامنيه كملانه بس الملف بعده بالتحقيق الامني يعني ماله علاقه بالموافقه يعني المحلف بعده ما مقرر يقبلوكم لو لا بس اللي كاله الموظف كال ننتظر ختم الملف موافقه ياله تسون فحص طبي يعني اني مدا افتهم طلعت الامنيه شينتظرون بعد والله ماادري شنو السالفه هذا بس احنه لو اكو احد مر بيها وهسه خوما بعد ختم الملف هم ان شالله الملف قيد الدراسه والله تعبنه ديقطروها النه فهموني شنو القصه الله يخليكم اختكم شجرة الدر

[بغداد بقلبي]

الف مبروك اختي الغاليه وان شاء الله المحلف يختم ملفكم باسرع وقت وبالموفقيه يارب

[الاسد الجامح]

السلام عليكم
اختي العزيزة شجرة الدر اني ابو سرمد من عمان استلمت الظرف يوم 11\7  وخابرتهم 4\10 كالولي اجت الموافقة الامنية بقى التشييك الامني وكل ما اخابرهم يكولولي ملفك بالمراحل النهائية من التشييك الامني .
اليوم خابروني سئلوني بعض الاسئلة شوكت طلعت من العراق انت يا مواليد اسئلة عادية فكلتلهم خير اكو شي كالو مجرد تشيكات امني .
بس السؤال انه الي قبلنا هم طولت ملفاتهم بالتشييك الامني لو هاي اجراءات جديدة ؟؟؟؟؟؟!!!!!.

[شجرة الدر]

اشكركم اخوتي والله يسهل للجميع يارب بس والله حيرونه نفرح لو لا مندري يوميه فلم وكل واحد وحظه يااخويه والله احنه صار خمس اشهر ننتظر قيد التحقيق من اول السابع والمحلف ما مقرر ووصلنه لختم الملف والمحلف ما مقرر بالتحقيق الامني اريد اشوف شوكت راح تفرج علينه وعلى جميع المنتظرين اللهم امين اختكم شجرة الدر

[ملك الحيرة]

اختي شجرة الدر
اعتقد انتي بالامارات
احنا هم بعضنا اتصل بتركيا وكالولهم الموافقة الامنية جاية ..ومكملين احنا كل شي بس منتظرين موعد السفر والشغلة صارالهة شهرين...بس قريت من بعض الاخوان الي مارين بنفس الحالة انه التشييك الامني يطول 3-4 اشهر والله اعلم..اما بالنسبة للتقطير..حياتنا كلها كضيناها تقطير..وانشاءالله هاي اخر تقطيرة للكل..والله الموفق

[angie-dawood]

انشاءللة تكمل كل اوراقك ويارب السفر القريب والاستقرار وراحة البال ربي يوفقك حبيبتي شجرة الدر

[ابو خالد]

اولا ..اختي شجرة الدر احب اباركلج واكولج الف مبروك وانتهت مرحلة الطرشي انشالله لان الموافقه الامنيه راح تنطي دعم اكثر لملفكم وبهذه الحاله المحلف راح يوافق يعني انشالله انتم مليون بالميه مقبولين وبعد ماكو خوف بس الانتظار خلال هذه الايام القريبه وتفرج عليكم انشالله ومني لك الف تحيه
اخوك ابو خالد

[جورجيا]

عيني شجرة الدر انشاء الله يتصلون بيكم على موعد السفر واتبشرينه وانشاء الله ماكو اي عارض بس يرادلكم شويه صبر ومتشوفين غير على غفله يتصلون بيكم ويفرحوكم واتفرحينه وياكم 
جورجيا

[cooliraqi80]

الف الف مبروك اختي شجرة الطرشي اقصد الدر
مثل ماكال اخونا ابو خالد هاي علامة اكيييييدة لان المحلف اصلا ماخر القرار لنواحي امنية فهاي الوافقة انشاءالله تسرع
ادعي لاخوانج اللي بعدهم بمراحل الكبس تنفك علينا انشاءالله يوم السفر راح الكثير ظل القليل

[US2010]

يااااااارب كل الخير بطريقك اختي

[شجرة الدر]

اشكركم اخوتي واخواتي والله يريح بالكم يارب ويطمنكم على كل موافقاتكم يارب وتتسهل كل اموركم المعلقه واشكرك خويه ابو خالد الورده وان شالله يارب نسمع موعد سفركم جميعا عن قريب اختكم شجرة الدر

[ftooh]

اهنئ كل الاخوه  الي  طلعهم قبول او سفر -------احب اكلكم اليوم سافرو من دمشق الى امريكا --------واحب اسئلكم  ---انا اكملت الفحص الطبي   يوم  28-9----هل هذا يعني  مكمل الموافقه الامنيه------وشباقيلي بعد -------بس القالقني  انه لحد الان  لم يتصلو بالكفيل---------ارجو الرد  من الاخوه والاخوات--------واكون ممنون------------اخوكم المخلص

[القرش الاسود]

الف مبروك وان شاء الله تتيسر كل امورك وتتسهلين وتحقق كل امانيج باذن الله

[شجرة الدر]

انا جدا ممنونه منكم اخوتي على فرحتكم معي وان شالله نفرحلكم عن قريب يارب للجميع بدون استثناء واحب اكلك اخي على سؤالك يعني الموافقه الامنيه مالتك بعدها لان الفحص الطبي مو شرط انه الموافقه الامنيه كملانه لان تطول شويه لان اهم شي هو التجييك الامني وعلى اساسه تبنى الموافقه والاتصال بالكفيل  مع تحيات اختكم شجرة الدر

[nana1972]

حبيبتي شجرة الدر الملف كله معتمد على الموافقه الامنيه وبما ان الموافقه الامنيه جايه اذا خلص اعتبري نهاية صبرج ان شاء الله خير وتفائلوا بالخير تجدوه وان شاء الله نسمع منج يوم تحديد السفر والوصول بالسلامه ان شاء الله
نانا / سان دييكو

[عكعك التطوى]

اختي الفاضله شجره الدر
تحيه طيبه

اختي هذا الكلام معناه انكم انهيتم الموافقه الامنيه وهذه خطوه ايجابيه وقضيتم نصف المشوار وشغلتكم باقيه على قرار المحلف لان لحد الان ممتخذين قرار بشأن الملف كما قلت لك بان المساله منتهيه ومجرد وقت وانشاءالله يبتون بقضيتكم عن قريب باذن الله

تحياتي واتمنالك التوفيق

[شجرة الدر]

اشكرج اختي نانا على ردك الطيب والله يسهل امرج يارب ويوفقج اللهم امين واخي العزيز عكعك والله ادعيلك دوم الله يتتم امركم على خير وتسافرون عن قريب يارب ومشكور على ردك ويارب الله يفتحلك ويسهلك امورك المتعلقه يارب اختكم شجرة الدر

[ام فائز]

اختنا شجره الدر
الف مبروك الامنيه  بس احب اكلج تره كلام الاخ عكعك التطوى هو اصح كلام مع احتراماتي للاخوه جميعا
مادام انتي ما فاحصه طبيا الى الان فهذا معناه ان المحلف ما متخذ قراره بعد بالنسبه للكيس مالتكم  وابد الموافقه الامنيه ما الها علاقه بقرار المحلف   ومن يتصلون بيكم على الفحص الطبي هذاك الوكت كولي انو المحلف اتخذ قراره بالايجاب والحقيقه اني ما سامعه انو المحلف رفض احد بعد ان طولت الشغله من الوقت الكثير  وان شاء الله الفرج قريب
اختكم ام فائز

[عاشق تراب العراق]

اختي شجرة الدر كلام عمدتنة عكعك صح يعني انت خلصتي الامنية و باقي موافقة المحلف و بهاي الفترة الملفات اللي المحلف متتخذ بيها قرارمدتطول مثل قبل و ان شاء الله ملفكم من ضمنهة

[الصبر طيب]

أختي شجرة الدر مبروك
وأنشاء الله  يحددولك موعد سفر قريبا
وبالموفقيه  والله يفرجها علينا جميعا
وهاي الأجرأات روتينيه كلنا اللي مر بيها واللي ديمر بيها
مع تمنياتي بالتوفيق لكي وللجميع
أخوكي الصصصصصصصصصصصصصصصبر طيب

[شجرة الدر]

اشكرج عيني اختي ام فائز والاخ عاشق تراب العراق واخويه الصبر طيب الله يفرج عالجميع يارب واشكر ردودكم والله يطمنكم اختكم شجرة الدر

[زيوس]

والله نتمنالكم التوفيق والسفر القريب وتحقيق الاماني ان شاء الله

يعتي حسب مفتهمت انه مو شرط الواحد ينتظر موافقة المحلف حتى يحصل على الموافقة الامنية زين هاي الموافقة الامنية مال منو ؟ اني اعتقد مال وزارة الهجرة ؟ او من الولاية نفسها ؟ والله ما ادري؟

زين هسه احنا بالوقت الراهن لازم ننتظر موافقة المحلف زين كل واحد يكلوله انت قيد الدراسة يعني مال المحلف ؟ لو مال منو ؟

علما اني مخلص المقابلات بس ما مسوين فحص طبي وبانتظار رحمة الله عز وجل

نتمنى التوفيق للجميع 

[ريم عبد]

أختي ألعزيزه شجرة الدر
الحمد لله على اكمال الامنيه وان شاء الله الخطوه الجايه اسرع وياربي ايوفقج وايسهل امرج ويجيج موعد السفر قريبا ان شاء الله
وياربي ايوفقج وايوفق الجميع
اختج ريم

[شجرة الدر]

اشكركم اختي ريم الله يسهل امرج يارب ويوفقج ويفتحه بوجهكم جميعا واشكر اخويه زيوس واكله الامنيه ماالها علاقه بالموافقه مال المحلف والله يسهل للجميع اختكم شجرة الدر