صديق أخوكم بضيقة ..

[أبن خير]

السلام عليكم ورحمة الله وبركاته

لي صديق وهو من مواليد 1967 يريد ان يعرف متى تم ألتحاق هذه المواليد بخدمة الأحتياط
( أي سنة ) حصرا وهل كان في زمنه مايسمى بالبدل على مواليده كأحتياط  .. حقيقة إنه
تعرض الى حادث مروع في العراق وأصبحت ذاكرته لا تسعفه كثيرا وأستنجد بي وحقيقة قلت له
أن لي أخوة أعزاء في هذا الصرح الشامخ سيقومون بموافاتي عن سوآلك .. فهل لكم ياأخوتي
المساعدة وأنا اعرف أنكم ستقومون بذلك ..
رعاكم الرحمن وحفظكم من كل مكروه ويسر طريقكم ..
تحياتي

أخوكم أبن خير

[اريد وطن]

اخونا العزيز

مع الاسف ماعدي جواب بس اكيد اخوانا نيقصرون وياك

يمعودين وينكم ترى بعدهم نايمين الجماعه لو كاعدين يدورن على الجواب اكيد


اريد وطن الون المضيعه وين الاكي

[جاك جيك جكجكه]

اخي الغالي
 سنة 1985  تم التحاق مواليد 67   طبعا هذا اذا كان ما مستمر بالدراسة    بس اذا كان مستمر فتعتمد على مراحله الدراسية وشوكت خلصها 

اما بالنسبة للبدل  فالجواب مبين من التاريخ اللي التحقو بيه ..............................  يعني بعز الحرب العراقية - الايرانية   اكو احد يتوقع او يعتقد اكو بدل   الجواب طبعا ماكو 
تحياتي

جاك جيك جكجكه - الاردن

[أبن خير]

 أريد وطن ..

بوركت أخي الغالي وإن شاء الله من أخواني الأعزاء سيقوم بالأجابة الشافية
مشكور لمرورك الجميل .. تحياتي

[أبن خير]

جاك جيك جكجكة

مشكور أخي العزيز .. عذرا نسيت أن اذكر أن هذا الشخص هو خريج كلية سنة 1989
وألتحق بعد انتهاء دراسته الجامعية مباشرة وحسب السوق .. عذرا سوآلي عن خدمة
الأحتياط وليس الخدمة الألزامية ( خدمة الشهرين كما أذكر ) .. مشكور عيوني بارك الله فيك .
تحياتي للجميع

[جاك جيك جكجكه]

اخوية ابن الخير 

وين اكو سنة 89 خدمة شهرين     

حبي   الخدمة لخريجي الكليات والمعاهد سنة ونص     وللاعداية  سنتين   ولغير الخريجين ثلاث سنوات

فهو اذا التحق نهاية 89  فاكيد من جماعة ال 2 سنة او اكثر لان على ما اتذكر انه القرار طلع سنة 91  بالنسبة لمدة الخدمة الالزامية للخريجين 

ابن الخير   لا تحسب اني كنت اشتغل بالتجنيد واعرف هذه المعلومات  هههههههههههههههههههههه 

واي شئ تحتاج بعد اوضحه اني حاضر    بس خلي ببالك ماكو بدل للخدمة قبل سنة 90    وهذا متاكد من عنده مليون بالمئة
تحياتي الك ولصاحبك

جاك جيك جكجكه - الاردن

[جاك جيك جكجكه]

نسيت ابلغك انه اذا هو متخرج 89 واستدعوه للخدمة الازامية   ومن بعد ما اتسرح ما صارت اي دعوة للاحتياط لهذه المواليد     فقط استدعوهم للتأشير  على ما اتذكر 
تحياتي

[أبن خير]

السلام عليكم أخي الكريم جاك جيك جكجة ..

أخي العزيز كيف حالك إن شاء الله بكل خير وعافية ..
سيدي الفاضل أنا رجل خريج كلية وحاصل على الماجستير في الكيمياء ..
وأعرف جيدا أن خريجي الكليات أو المعاهد بعد تسويقهم للخدمة الألزامية سوف
يخدمون 2 سنة على الأقل .. سيدي عذرا أتصول لم تفهم مقصدي ..
أنا أتكلم على خدمة الأحتياط حصرا وسوآلي كان بأي سنة تم استدعائهم الى خدمة
الأحتياط وهل كان في زمانهم مايسمى ( بالبدل ) للهذه الخدمة ( الأحتياط ) ولهذه
المواليد 1967 .. شكرا لك يالغالي وأرجو المعذرة لعدم التوضيح .. أتعبتك معاية والله
بارك الله بيك .. هههههههههههههههههههه أضحكتني أعرف يابا اعرف هاي معلومات
عامة .. تحياتي وأحترامي

أخوك أبن خير

[echo 9]

عزيزي ابن خير
بالنسبة لخدمة الاحتياط شهرين لمواليد 1967 كانت في 1 /8/ 2001 وكان التسريح منها على قسمين اولا في 1/10/2001 والثاني في 5 / 10 / 2001 كل حسب وحدته العسكرية .
ارجو ان تكون هذه الاجابة التي تبحث عنها .
اما بالنسبة للبدل النقدي فهذه المواليد والفضلل لم تشمل باي بدل نقدي لانهم بصراحة كانوا المواليد الوحيدة تقريبا اللي انعلسوا بحربنا ويا ايران بس في حالة اذا كان هذا صاحبك واللي ادعي ربي انه يعيد له ذاكرته القصد اذا كان مقيم في احدى دول الخليج او الخارج وقت استدعا مواليده للخدمة الالزامية بالثمانينات فيحق له دفع البدل ومقداره ( 2000 دينار كويتي او ما يعادلها ) اما اذا كان وقتها بالعراق فمن المستحيل ان يكون قد دفع بدل والله لو يزحف زحف هم يروح يموت بذيك الحرب
ارجو ان تكون اجابة شافية ووافية واعذرني على الاطالة
Echo 9

[جاك جيك جكجكه]

عزيزي ابن الخير
اعتقد اخونا echo 9  اعطاك الجواب 
لان اني والله مدا اتذكر هذا التاريخ لان كنت بوقتها خارج القطر وما رجعت الا بعد الاحداث 

اعتقد هسه المعلومات كاملة عندك تستطيع تنطيها لصديقك  واذا يحب نسوقه للخدمة من جديد احنا حاضرين  ههههههههههههههههههههه   واذا يريد يدفع بدل هم ما عدنا مانع نستلمه من عنده ونختمله الهوية ههههههههههههههههه
تحياتي الك ولصديقك وللجميع واتمنى الموفقية للكل

اخوك
جاك جيك جكجكه - الاردن

[أبن خير]

echo 9

بعد التحية والأحترام .. مشكور اخي العزيز على كلامك الجميل والمنسق .. رب ِ يحفظك
ويخليك .. أتعبناك واخذنا من وقتك .. كلامك على الراس أغاتي .. ممنون على دعائك
لصديقي .. الله يوفقك ..
تحياتي لك وتقديري

أخوك أبن خير

[أبن خير]

جاك جيك جكجكة

رب ِ يسلمك ويخليك .. ممنون عيوني أتعبناك ويانة .. شكرا لكلامك الجميل ودمك الخفيف
تقبل مني خالص شكري وتقديري .. ههههههههههههههههه الله يبعدك ويبعدنا عن التجانيد
وعسكريتها .. تحياتي

أخوك أبن خير