استفسار عن الراتب التقاعدي

[Maroon]

السلام عليكم اخواني اريد استفسر عن المتقاعدين هم نفس الاجراءات اللي نسويهة بمصر يعني يحتاج الى ورقة اثبات الحياة من السفارة العراقية حتى يستلم راتبه من العراق...... نفسها موجودة في امريكا وفي كل الولايات يعني المتقاعدين يستلمون راتبهم التقاعدي من العراق لأن دأسمع من بعض المتقاعدين يستلمون راتبهم التقاعدي من العراق
ولكم جزيل الشكر

اخوكم مارون
مصر 

[maek30]

نعم اخي تسوي ورقة اثبات حياة من السفارة العراقية الي بالدولة الي انت فيها وترسله للعراق اني سويته من كنت في لبنان واستلموا التقاعد مالتي بس تنطيهم رقم الهوية التقاعدية وصورتين واسم المصرف او الدائرة الي تستلم منها تقاعدك

[Maroon]

اخوية العزيز maek30 اشكرك على ردك بس آني دأسأل عن الولايات الأمريكية العراقيين المتقاعدين هم يسوون اثبات الحياة من امريكا ويدزوها للعراق حتى يستلم الراتب التقاعدي من العراق بغض النظر عن المساعدات في امريكا
وارجو الاجابة للي يعرف عن موضوعي وشكرا جزيلا

[ام فائز]

اخونا مارون
انت عجبا تستلم التقاعد  من مصر لو من العراق اذا اكو احد يستلملكياه وموثوق به فالامر اعتيادي يبقى يستلمه بس لازم اتسويلا شهاده حياه من السفاره كل بدايه سنه جديده
اما اذا انت تستلمه من مصر بواسطه البنك الرافدين
فهنا اعتقد مشكله لان لازم اتحوله الى بغداد وتعمل وكاله خاصه لاحد الاشخاص لاستلام الراتب وتقوم مديريه التقاعد بعمل هويه جديده تتضمن صورتك وصوره الوكيل والي اني اعمل به الان حيث يقوم اخويا باستلامه من العراق ولديه هويه صفحه صورتي وصفحه صورته

[ريم عبد]

اخي Maroon
الراتب التقاعدي الي تستلمه بالعراق ماله علاقه بالراتب التقاعدي الي اتصرفه من الحكومه الامريكيه
اذا عندك راتب تقاعدي بالعراق اتسوي وكاله لاحد يستلمه وايدزلكياه باي طريقه  من طرق التحويل المعروفه
وكل سنه اتسوي شهادة حياة مصدقه من السفاره العراقيه بواشنطن او القنصليات العرقيه الموجوده بالولايات الاخرى  ويحتاجون منك مستمسكات مصوره مو شرط اصليه لهوية الاحوال المدنيه وغيرها
اما التقاعد الامريكي فهذا تاخذه عند تجاوز الستين من العمر والتحديد حسب الولايات و ايكون بحدود ال600دولار اكثر شويه او اقل ممتاكده وميتاثر بحصولك على التقاعد العراقي
ارجو ان اكون وضحتلك سؤالك واذا احد من الاخوه عنده معلومات اكثر او تصحيح ايضيفنياه مشكورا
والله ايوفق الجميع

[Maroon]

اخواني اشكركم على اجاباتكم الي وآني ممنون منكم واللاه يسهل امورنا واموركم ويوفق الجميع