استضافة مطبخ عنكاوة

[njmat_alba7r]

مرحبا


اليوم طبعا حبيت اسوي فكره جديده لمنتدى الطبخ


و طبعا اكييييييد نتعرف على طاقات اعضائنا و مشرفينا بالطبخ


و شلونه طبخهم طيب لا 



ولذلك يومية رح نستضيف احد من الاعضاء او المشرفين ويعرفنا عن نفسه اكثر


في المطبخ




و طبعا اول شئ رح نستقبل الغاليه والادارية الرايعية


"" نهرا  ""





وهي بدورها تختار بعدها عضو  للمشاركة بالموضوع

يلا حضري ادواتك و دخلي ويانا للمطبخ







و نبدي بالاسئله






من انتِ بالمطبخ ........طباخه ماهرة او شخص عادي ؟؟؟؟




شنو اول اكله سويتيها بحياتك و شكد كان عمرك ؟؟؟؟؟؟




هل واجهتي صعوبات عند دخولك المطبخ اول مرة ؟؟؟؟




منو علمك تطبخين ؟؟؟؟لو تعلمتي بوحدكِ؟؟؟؟؟


هل اغلب اوقاتكِ بالمطبخ .....يعني مثل مايقولون البنية موقعها المطبخ ...(شنو رايج بهذا القول)؟؟



كم ساعه تبقين بالمطبخ اذا تريدين تطبخين اكله جديده؟؟؟




شنو اطيب /اكره..........اكله بحياتك؟؟؟؟؟





اتفضلين الاكل العراقي لو الغير عراقي اكثر ؟؟؟؟





عندك اكل خاص محدد لو الاكل العادي ؟؟؟؟؟





تحبين تاكلين من المطاعم .....؟؟؟؟شنو رايج بالوجبات السريعه؟؟؟؟؟




لازم تاكلين اكل بيتي لو من اي مطعم اذا مستعجله تاكلين ؟؟؟؟






اذا عجبت اكله ....راسا تروحين اطبقيها حتى لو كانت مكلفه ؟؟؟؟



انطيني اكله تحبيها مو عراقيه ؟؟؟؟



هل تحبين تتطلعين على اكلات شعوب اخرى لو تكتفين باالاكل العراقي؟؟؟





تعتبرين الاكل نفس............ لو ضبط مقادير ؟؟؟؟

المهم عندج الشكل بالاكل لو الطعم ....يعني اذا اكل شكله مو حلو تاكليه؟؟؟




انطينا مقادير اكله تحبيها ........؟؟؟؟؟


اذا شخص عزيز عليك طلب منك تسوين اكله و انتي ما تعرفيها ......تروحين تتعلميها علموده ....لو تكوليله ما اكدر ؟؟؟؟




رح انطيج اسم خمس اكلات عراقيه و كل اكله اعزمي عليها واحد من اعضاء المنتدى


1 دولمة


2 مقلوبه

3 قيمة


4 برياني


5 باجه






و اخيرا و ليس اخرا


حطيلنا صورة اكله اتحبيها

 واحنا بانتضار طبختكي ^_^



.................................................. ...............


يا رب اتكون الاستضافه عجبتك

و اتكون الاسئله خفيفه عليج

[nuhra]

من انتِ بالمطبخ ........طباخه ماهرة او شخص عادي ؟؟؟؟




شنو اول اكله سويتيها بحياتك و شكد كان عمرك ؟؟؟؟؟؟

طبخت تمن بس ماتذكر عمري شكد كان بس كنت بالمرحلة الاعدادية بالمدرسة



هل واجهتي صعوبات عند دخولك المطبخ اول مرة ؟؟؟؟
لا سهلة ماكو صعوبات




منو علمك تطبخين ؟؟؟؟لو تعلمتي بوحدكِ؟؟؟؟؟
امي واختي

هل اغلب اوقاتكِ بالمطبخ .....يعني مثل مايقولون البنية موقعها المطبخ ...(شنو رايج بهذا القول)؟؟
اولا اني ضد هذا المثل تماما لان المارة اثبتت امكانية تواجدها في الكثير من الاماكن جنبا الى جنب مع الرجل عاملة متازة
واوقاتي الي اقضيها بالمطبخ قلييييييييييييلة جدا لووول


كم ساعه تبقين بالمطبخ اذا تريدين تطبخين اكله جديده؟؟؟

حسب الي تطلبة الاكلة من وقت


شنو اطيب /اكره..........اكله بحياتك؟؟؟؟؟

اطيب \ تبسي دجااااج من ايد امي
اكره \اسبيناخ



اتفضلين الاكل العراقي لو الغير عراقي اكثر ؟؟؟؟

الاثنين احبهم احب الاكل العراقي وان اجرب اكلات اخرى



عندك اكل خاص محدد لو الاكل العادي ؟؟؟؟؟

لا ما احدد بالاكل لان دائما احب اتذوق الطعام واتعرف عليه وان كان ميعجبني



تحبين تاكلين من المطاعم .....؟؟؟؟شنو رايج بالوجبات السريعه؟؟؟؟؟

اااي احب اكل المطاعم ودائما اغير بطلب الاكلات واختار الجديد ...واكيد احب الاكلات السريعة


لازم تاكلين اكل بيتي لو من اي مطعم اذا مستعجله تاكلين ؟؟؟؟


لا  مو لازم اكل عادي



اذا عجبت اكله ....راسا تروحين اطبقيها حتى لو كانت مكلفه ؟؟؟؟

لا ماطبقها مو بسبب التكلفة ولكن بس احب اعرف شنو مكوناتها اذا بيوم حبيت اطبقها

انطيني اكله تحبيها مو عراقيه ؟؟؟؟

كوردن بلو بالدجاج

هل تحبين تتطلعين على اكلات شعوب اخرى لو تكتفين باالاكل العراقي؟؟؟

احب اطلع على اكلات جديدة ومنوعة



تعتبرين الاكل نفس............ لو ضبط مقادير ؟؟؟؟

الاثنين

المهم عندج الشكل بالاكل لو الطعم ....يعني اذا اكل شكله مو حلو تاكليه؟؟؟

اي احاول




انطينا مقادير اكله تحبيها ........؟؟؟؟؟


اذا شخص عزيز عليك طلب منك تسوين اكله و انتي ما تعرفيها ......تروحين تتعلميها علموده ....لو تكوليله ما اكدر ؟؟؟؟

ههههههههههههه اكول ماكدر بس اذا شخص كلش عزيز اروح ادور واطبقها


رح انطيج اسم خمس اكلات عراقيه و كل اكله اعزمي عليها واحد من اعضاء المنتدى


1 دولمة... اعزمج ساندي عالدولمة


2 مقلوبه... اعزم  نادية حنا

3 قيمة ... اعزم اوليفر


4 برياني..... اعزم هيوي لان تسوي اطيب برياني


5 باجه .... اعزم الكل






و اخيرا و ليس اخرا


حطيلنا صورة اكله اتحبيها
احب الهمبركر سهلة وطيبة

[njmat_alba7r]

شكرا ياوردة على مروركي الرايع 


 بس نسيتي اتعزمين عضو  وراكي خخ

[nuhra]

شكراا عزيزتي على دعوتك الي للمشاركة وعاشت ايدج عالموضوع
 

اختارج الج تشاركين وتحجيلنا عن طبخاتج يلا نننتظر مشاركتج

تحياتي

[★M a r t i n a★]

موضوع حلو ومميز وفكرة حلوة جدا مشكورة على المجهود الحلو

وعلى الاسئلة الحلوة

تحياتي الج

[njmat_alba7r]

لوووو لـــــــ  تدللين ياوردة

من انتِ بالمطبخ ........طباخه ماهرة او شخص عادي ؟؟؟؟


طبعا اني طباخة ماهرة 

شنو اول اكله سويتيها بحياتك و شكد كان عمرك ؟؟؟؟؟؟

اولــ اكلة سويتها كانت كركر بدجاج وكان عمري 15 سنة تمام


هل واجهتي صعوبات عند دخولك المطبخ اول مرة ؟؟؟؟

لا  ماوجهت اي صعوبة عادي


منو علمك تطبخين ؟؟؟؟لو تعلمتي بوحدكِ؟؟؟؟؟


  شوية مني وشوية من الماما

هل اغلب اوقاتكِ بالمطبخ .....يعني مثل مايقولون البنية موقعها المطبخ ...(شنو رايج بهذا القول)؟؟

مو اغلب اوقاتي بس وقت الطبخ يعني صبح وضهر وعشيا خخخ

لااكيد البنية مو موقعها المطبخ

كم ساعه تبقين بالمطبخ اذا تريدين تطبخين اكله جديده؟؟؟

يعني حسب الاكلة اذا بيها قلي هواية اكيد  يرادلها وقت هواية


شنو اطيب /اكره..........اكله بحياتك؟؟؟؟؟

اطيب اكلة  وتعجبني حيل حيل بيتزة  اكره اكلة معندي  اكرة اكلة



اتفضلين الاكل العراقي لو الغير عراقي اكثر ؟؟؟؟

نفس الشي ماكو فرق المهم يكون طيب



عندك اكل خاص محدد لو الاكل العادي ؟؟؟؟؟


عادي


تحبين تاكلين من المطاعم .....؟؟؟؟شنو رايج بالوجبات السريعه؟؟؟؟؟


اكيد احب اكلـــ المطاعم مابيهم تعب غير للجيب ههههه   

الوجبات السريعة هم طيبة

لازم تاكلين اكل بيتي لو من اي مطعم اذا مستعجله تاكلين ؟؟؟؟

عادي  اذا مستعجلة اكل من المطاعم




اذا عجبت اكله ....راسا تروحين اطبقيها حتى لو كانت مكلفه ؟؟؟؟

لا ماطبقها راسا ليش شعندي هههه  بس اذا عجبتني اكيد اطبقها حتى لو تكون مكلفة


انطيني اكله تحبيها مو عراقيه ؟؟؟؟

سباكتي بريمافيرا

هل تحبين تتطلعين على اكلات شعوب اخرى لو تكتفين باالاكل العراقي؟؟؟


اكيد احب اشوف شياكلون بغير دول ^_^


تعتبرين الاكل نفس............ لو ضبط مقادير ؟؟؟؟
 الاثنين سوة

المهم عندج الشكل بالاكل لو الطعم ....يعني اذا اكل شكله مو حلو تاكليه؟؟؟


الشكل والطعم





اذا شخص عزيز عليك طلب منك تسوين اكله و انتي ما تعرفيها ......تروحين تتعلميها علموده ....لو تكوليله ما اكدر ؟؟؟؟
 لا اتعلمها علمودة لان هو عزيز عليا شسوي يعني خخخ


رح انطيج اسم خمس اكلات عراقيه و كل اكله اعزمي عليها واحد من اعضاء المنتدى


1 دولمة
 اعزم نهرا  هه لان عازمتني ناكل سوية ههه


2 مقلوبه
اعزم شارو

3 قيمة
اعزم نهرا وخطيبها

4 برياني
اعزم اختي


5 باجه
 اعزم البعدي ههه

وادعو من بعدي hannan.s family

وهاي الاكلة التي تعجبني كلش

[★M a r t i n a★]

اشكرك نجومة على استضافتي في  مطبخكي الرائع
 ومشاركات جميلة منكم

وهذه مشاركتي








من انتِ بالمطبخ ........طباخه ماهرة او شخص عادي ؟؟؟؟

طباخة اعرف اسوي اي نوع من الاكل .




شنو اول اكله سويتيها بحياتك و شكد كان عمرك ؟؟؟؟؟؟

يمكن رز احمر وجان عمري صغير كلش بس ما اتذكر بلضبط .




هل واجهتي صعوبات عند دخولك المطبخ اول مرة ؟؟؟؟

لا بلعكس حسته سهل جدا .



منو علمك تطبخين ؟؟؟؟لو تعلمتي بوحدكِ؟؟؟؟؟

جنت  دائما ورا امي بلمطخ ارافقها بكل شي .




هل اغلب اوقاتكِ بالمطبخ .....يعني مثل مايقولون البنية موقعها المطبخ ...(شنو رايج بهذا القول)؟؟

صح اغلب الوقت اقضيه بلمطبخ . والمثل حلو وصح لان اكثرية الشغل بلمطبخ يكون .





كم ساعه تبقين بالمطبخ اذا تريدين تطبخين اكله جديده؟؟؟

تقريبا ساعة .




شنو اطيب /اكره..........اكله بحياتك؟؟؟؟؟

اطيب اكلة دولمة .

ماكو اكره اكلة يمي  .





اتفضلين الاكل العراقي لو الغير عراقي اكثر ؟؟؟؟

العراااااقي اكيد .





عندك اكل خاص محدد لو الاكل العادي ؟؟؟؟؟

عادي .





تحبين تاكلين من المطاعم .....؟؟؟؟شنو رايج بالوجبات السريعه؟؟؟؟؟

بصراحة ما احب اكل بلمطاعم هواية افضل اكل يكون دسم علمود اشتهي .




لازم تاكلين اكل بيتي لو من اي مطعم اذا مستعجله تاكلين ؟؟؟؟

اكل بيتي طبعا .






اذا عجبت اكله ....راسا تروحين اطبقيها حتى لو كانت مكلفه ؟؟؟؟

اطبقها لو حتى كانت مكلفة .



انطيني اكله تحبيها مو عراقيه ؟؟؟؟

بريدو اكلة مكسيكية .





هل تحبين تتطلعين على اكلات شعوب اخرى لو تكتفين باالاكل العراقي؟؟؟

اطلع على كل الاكلات .





تعتبرين الاكل نفس............ لو ضبط مقادير ؟؟؟؟

اكل النفس .




المهم عندج الشكل بالاكل لو الطعم ....يعني اذا اكل شكله مو حلو تاكليه؟؟؟

بصراحة لا ما اكله .




انطينا مقادير اكله تحبيها ........؟؟؟؟؟

الدولمة

مقادير حشوة الدولمة:

. ويمكن عمل نفس المقادير ولكن دون اللحم للنباتيين وفرم معاها لب الكوسا وكرفس وشبنت وكراث كل حسب ذوقه لكن مع دولمة اللحم لا اضع الشبنت .
3 كوب رز مغسول وعلي عدد الاكواب نضع كمية الماء للدولمة
3 كوب لحم دهين غنم مفروم
2 ملعقة معجون طماطة
1 طماطة مقشرة ومقطعة ناعم
2 كوب معدنوس مفروم
1 بصلة مفرومة ناعم

الطريقة :

انتبهي للبهارات رشة ملح ثلاثة ارباع ملعقة اكل ملح الليمون او الليمون دوزي رشة فلفل اسود رشة فلفل احمر رشة كمون رشة هيل رشة دارسين ( قرفة ) رشة بهارات مشكلة رشة جوز الطيب 2 ملعقة شاي سكر رشة تندوري باودر 2 ملعقة دبس الرمان تخلطين الحشوة كلها مع بعض وتتذوقين طعمها يجب ان تكون حامض حلوة حارة وتضعين علي الحشوة 1ملعقة دهن حر او زيت عادي
الخضار للحشو =
4كوسة صغيرة محفورة 4باذنجان صغير محفور ومقشر بالطول كي يمتص الملوحة والحموضة تبع الحشوة 1 طماطة صغيرة مفرغة الداخل 3 خيارناعم محفور 1 فلفلة حارة 1 فلفلة باردة جزرة محفورة بطاطة واحدة صغيرة محفورة نصف كيلو بصل ناعم نعمل له شق من الراس الي القاعدة دون ان نقسمها بعد ان نرفع راسها ننقعه في ماء مغلي مدة ربع ساعة كي نفصل اجزاء البصل للحشو ونصف شدة سلق او كمية ورق عنب مغمور في ماء مغلي 10 دقائق
الصلصة كوب تمر هند منقوع ومصفي رشة ملح رشة فلفل اسود رشة تندوري رشة سكر ملعقة دبس الرمان و3 كوب ماء مغلي ورشة كمون
نحضر الطنجرة نصف فيها حسب الرغبة ضلوع غنم و2ملعقة دهن او زيت ونقوم بحشو الخضار ونصفه بالتسلسلا ولا طبقة البصل وبعده بالتناوب الكوسا والباذنجان والخيار والفلفل واجزرة والبطاطة واخيرا الطماطة واخر طبقة هي السلق او ورق العنب ونضعها علي النار 10 دقائق الي ان ينحمس اللحم او اذا لم يكن اللحم موجود تنحمس طبقة البصل اي نسمع الفرقعة ثم نسكب الصلصة ونضع فوقة صحن كي لا تتهشم الخضار ويخرب شكل الدولمة ونتركها علي نار عالية ربع ساعة ثه نخفف النار الي الوسط ونتركها حتي ينشف مائها ونطفئ النار ونتركها نصف ساعة قبل التقديم كي تكون قالب وعند التقديم نسخن زيت ونضيفه فوق الدولمة قبل سكبها ونقلبها في صينية او صحن واسع وغير عميق وتقدم والف عافية ملاحظة يجب عدم تعبئة اخضار بالحشوة يجب ان نضع مجال لتمدد الرز واستوائه وعمل غطاء من الخضار لسد الخضار بعد الحشوة .
الف عافية.....





اذا شخص عزيز عليك طلب منك تسوين اكله و انتي ما تعرفيها ......تروحين تتعلميها علموده ....لو تكوليله ما اكدر ؟؟؟؟

اتعلمها واسويها .


رح انطيج اسم خمس اكلات عراقيه و كل اكله اعزمي عليها واحد من اعضاء المنتدى


1 دولمة

روز ماري.


2 مقلوبه

العراقي الغيور .

3 قيمة

نجومة .


4 برياني

هيوي .


5 باجه

نهرا .






و اخيرا و ليس اخرا


حطيلنا صورة اكله اتحبيها


وهاي صورة اكلة مفضلة عندي مقلوبة .





اتمنى ان تكون عجبتكم الاجوبة وننتضر مزيد من الاعضاء


وهسة اختار المتالقة (( حنان ايشو  ))

[njmat_alba7r]

شكرا ياوردة على المشاركة الحلوة