شغله معقده وشائكه اتوجهه بيه لاهل الخبره بال IOM

[wamidh77]

موضوعي شائك شويه ويرادله صفنه وحبيت اشارك بيه بهالمنتدى الجميل الاعتبره رافد مينقطع من المعلومات

حبايبي اني مقيم بدوله خليجيه وعندي كيس مع اي او ام بغداد من اكثر من سنه وحولته لعمان واجاني موعد مقابله اولى شهر القادم
بالكيس مالتي اني وزوجتي فقط
لكن عندي ام واب واخت تحت ال20 سنه ايظا فيمقيمين في احد الدول الخليجيه ولظروف عائليه يطول شرحهه ماكدر اجيبهم وياي رائسا علما انو اني كفيلهم وعندي اثباتات رسميه من محكمه بهالموضوع
سوالي:
هل ممكن افتحلهم كيس ثاني وياخذ مساره الروتيني على كيفه بحيث انو اذا الله راد اسافر واستقر ثم همه يجون ومقدر انو ممكن يرحون غير ولايه ماعندي مشكله بهالموضوع
او هل ممكن انو بعد ماروح واستقر واحصل على الكرين كارت بعد سنه او اكثر ان اسحبهم لو الكيش مالتي رح تنقفل
يعني باختصار شديد ماريد اخذهم كلهم سويه ويايه فشنو الحل
وبنفس الوقت مامستعد اخليهم بهالدوله الخليجيه اكثر من سنه

فياريت من اهل الخبره ينصحونه ويوجهونه وجدا مشكور

[wamidh77]

وين ردودكم حبايب
ادري الموضوع صعب بس ميصعب عليكم 

[ابو عبد الله التكساسي]

هل ممكن افتحلهم كيس ثاني وياخذ مساره الروتيني على كيفه بحيث انو اذا الله راد اسافر واستقر ثم همه يجون ومقدر انو ممكن يرحون غير ولايه ماعندي مشكله بهالموضوع

الله اعلم بس اعتقدممكن مو متاكد 100 بال 100
هاي الحاله اتصير بالاس اي في بس ما اعرف عن الاي او ام

ياريت اذا ابو اندرو يكدر يجاوب او عكعك التطوى

[ام فائز]

اخونا العزيز اعتقد بمعلوماتي المتواضعه انو من تفتحلهم كيس جديده لازم هما يكونون موجودي لان قابل تفتح كيس على بعد لا مستحيل  ما يصير هسه يكلولك خليهم يجون  لان احنا باول تسجيل على اليو ان ابعمان ردنا انسجل اخت زوجي الي هي وحدانيه وما عدها احد اشترطو ان اتكون موجوده والمشكله انت اتكول ان اهلك ما يقدرو يجون العمان حاليا فاني اشوف ان يجون حالما يستطيعون وتطلب اضافتهم بربط خفيف مو قوي حتى من انت تكمل معاملتك اتروح وهم يجون وراك وارجو ان يصححلي الاخوان اذا كان رائي غير صحيح

[geb]

اخي العزيز يصير اتسويلهم كيس جديد اذا اصلا انتة كيسك على اي او ام لان عندي صديق سوة هيج يعني من هسة خلي يقدمون بس انتة دزلهم كل اوراقك الي على اساسهة سويت الكيس مالتك وعادي تمشي معاملتهم

[ريم عبد]

اخي wamidh77
هوه موضوعك مو شائك عادي كل العوائل ايقدمون لاهلهم وياهم وايسوون كيسين منفصلين بربط ضعيف
يعني اي واحد تخلص قضيته ايسافر وانت اتكون صاحب الكيس الرئيسي
لتخليها بعد متسافر لان اذا سافرت ومفاتحلهم كيس معك لازم اتسوي معاملة لم شمل وهاي اتطول سنين طويله مو اقل من 7 او 8 سنين
المشكله الوحيده الي عندك وجودهم في دول الخليج وانت في عمان
هاي تسال بيها المنظمه في عمان هل تفتحلهم كيس من خلال ال يو ان الي بدول الخليج ام يجب حضورهم معك في عمان وهمه راح ينطوك الخبر اليقين
اني هاي المعلومات الي اعرفها وياريت الاخوان الي عدهم معلومات اكثر ايضيفولنياها وايصححولي اذا اكو غلط
وياربي ايسهلك الصعب وايحلها باحسن الحلول

[wamidh77]

اجبائي واعزائي اعظاء المنتدى الراقي والجميل
اول شي احب اشكر مشاركاتكم الجميله
خصوصا ام فائز وريم وشوقي وجيب واحب اوضحلكم
انو اني الكيس مالتي تقديم مباشر على الاي او ام مو على اليون ان
واني ايظا مقيم بدلة خليجيه يعني ويه اهلي بس رح اسافر لعمان لان مثل مكتلكم حولت الكيس مالتي من بغداد لعمان والله سهله ومشت بشكل اسرع يعني رح اروح على المقابله وارجع
فكلت اخذ وياي اوراقهم  وجوازاتهم واحاول اظيفهم على الكيس بس حبايبي ممكن تكلولي شون الطريقه يعني المن اسال الناس الرح يقابلوني لو بالاي او ام الموظفين اكلهم اريد اظيف اهلي برابط ظعيف لو شنو؟ اكو فد صيغه معينه بالكلام لو فقط اشرحلهم الحاله
وياريت يفيدنه اخونه عكعك الططوطي لان ردوده وافيه وحلوه ولايهونون الجماعه


وشكرا مقدما

[wamidh77]

.

[ريم عبد]

اخي wamidh77
يعني انت من قدمت عن طريق الايميل؟؟؟
اذا قدمت بايميل وحولتها عن طريق الايميل فايظا تكدر اتضيف اهلك للكيس عن طريق الايميل
انت ادكول هسه رايح يعني انت راح اتروح وحدك تحضر للمقابله وماخذ وياك الاوراق؟؟؟
المفروض ايحضرون معاك كل افراد العائله؟؟
انت اتضيف البايوغرافييداتا لكل من افراد عائلتك حتى ايحضروهم للمقابله ومن اتروح بس تنطيهم الاوراق اينظمولكم الفايل
واتسوي ربط ضعيف بين الحالتين وعند المقابله اسالهم اذا ايصير اتحول قضيتهم للخليج
ياريت اتوضحلي الحاله اكثر حتى اكدر اجاوبك بالتفصيل
واذا الاخوان عدهم علم بهاي الطريقه من التقديم ياريت ايفيدونا وهمه ميقصرون
اختك ريم

[عكعك التطوى]

اخي الفاضل  wamidh77 تحيه طيبه


 راح الخص لك الكلام الي اتفضل بي الاخوه

 اخي ما دام انته تقديم مباشر فيحق لاهلك التقديم متى شاءوا سواء اثناء مقابلاتك او اثناء انتظار الامنيه وحتى بعد وصولك الى امريكا انشاءالله بيوم واحد وممكن ان تقدم اوراقهم في مقابلتك الاولى ولكن سوف يطلبون حضورهم لاضافتهم ولا يتم اي اجراء بخصوصهم الى حين حضورهم الى عمان وتكدر تبلغهم بانهم عدهم اسباب تمنعهم من الحضور بالفتره الحاليه وانهم سوف يقدمون بعد ما تنتهي اسبابهم راح يبلغوك بان متى ما يكونون مستعدين يبلغونا حتى نحددلهم موعد للمقابله فانته شوف شو الي يناسبك واختاره

 بصراحه انته توهتني شويه بردك الاخير لان ماعرف اذا كنت تريد تقدملهم وياك او لا ولكن من خلال الاجابه ممكن تعرف الجواب

 وبالنسبه لسؤلك ممكن تكلولي شون الطريقه يعني المن اسال الناس الرح يقابلوني لو بالاي او ام الموظفين اكلهم اريد اظيف اهلي برابط ظعيف لو شنو؟ اكو فد صيغه معينه بالكلام لو فقط اشرحلهم الحاله

انته من راح تقابل همه راح يسالوك تفاصيل عن اهلك ويكلولك اذا تحب اتضيف اهلك واخوتك وياك على قضيتك واحجي كلشي الي تريده واي استفسار وياهم

تحياتي وتمنياتي لك بالتوفيق

[wamidh77]

شكرا ريم وياهلا بعكوعوك الورد جنت انتظرك تدخل على الموضوع مالتي عمود تجاوبني عليه حبي
اني نعم مقدم على الاي او ام بالايميل ومقدم فقط اني وزوجتي مثل ماوضحت ومن خابروني على المقابله طلبو حظوري اني وزوجتي

واريد اظيف امي وابويه واختي  لكن هنا مفترق الطرق مثل مكلت اني ماريد اتقيد بيهم يعني ماريد نكون كلنه بنفس الكيس ونسافر سويه لاسباب طويله منها وهلى سبيل المثال انو اختي دتدرس بالجامعه ومتخلص منا لسنه
فاريد ان افتحلهم كيس واخلي شغلتي تمشي واذا الله راد ومشت الامور وسافرت ممكن وره سنه اواقل كمثال همه يجون ورايه واكون بهالاثناء اني مرتب الامور وعرفت شنو الموضوع بامريكا احسن ماخذهم كلهم جفت وماعرف شنو الرح يواجهنه هناك
اتمنه هسه وضحت الموضوع اكثر
واكيد ماكو مشكله بحظوور اهلي (امي وابي واختي ) لعمان مثلا ويه مقابلتي القادمه كمثال لان اكيد اني رح اقابل اكثر من مره خوما بس هالمره صح؟

وشكرا اخوكم
وميض

[عكعك التطوى]

شكرا ريم وياهلا بعكوعوك الورد جنت انتظرك تدخل على الموضوع مالتي عمود تجاوبني عليه حبي
اني نعم مقدم على الاي او ام بالايميل ومقدم فقط اني وزوجتي مثل ماوضحت ومن خابروني على المقابله طلبو حظوري اني وزوجتي

واريد اظيف امي وابويه واختي  لكن هنا مفترق الطرق مثل مكلت اني ماريد اتقيد بيهم يعني ماريد نكون كلنه بنفس الكيس ونسافر سويه لاسباب طويله منها وهلى سبيل المثال انو اختي دتدرس بالجامعه ومتخلص منا لسنه
فاريد ان افتحلهم كيس واخلي شغلتي تمشي واذا الله راد ومشت الامور وسافرت ممكن وره سنه اواقل كمثال همه يجون ورايه واكون بهالاثناء اني مرتب الامور وعرفت شنو الموضوع بامريكا احسن ماخذهم كلهم جفت وماعرف شنو الرح يواجهنه هناك
اتمنه هسه وضحت الموضوع اكثر
واكيد ماكو مشكله بحظوور اهلي (امي وابي واختي ) لعمان مثلا ويه مقابلتي القادمه كمثال لان اكيد اني رح اقابل اكثر من مره خوما بس هالمره صح؟

وشكرا اخوكم
وميض

اخي الفاضل wamidh77 ما دام اختك بالجامعه ده تدرس منا لسنه وتريد تروح قبلهم  فمن الافضل اهلك يقدمون قبل متخلص الدراسه ب 4 او خمسه اشهر لان ممكن اذا قابلوا وياك قد تطلع موافقتهم قبلك ويحددولهم موعد سفر قبلك واذا رفضوا السفر راح تكون الحاله حرجه فحاول تاخر تقديمهم لحين صدور موافقتك الامنيه

تحياتي