ليش بس يدفعون ايجار شهر واحد؟؟؟؟؟؟؟

[MAMA MIA]

الى الاخوة والاخوات في المنتدى مساعد رجاء

اني مسجل على برنامج الاس اي في
هسه الفايل يم منظمة الرابس نت
والمنظمة حولت الفايل على جمعية بفرجينيا لانه اني طلبت اسكن هناك بالقرب من اصدقائي
هذه الجمعية اسمها كاثلك جريتي واتصلو باصدقائنا كالولهم راح يدفعولنه الايجار بس لمدة شهر واحد
زين ليش هيجي مو المفروض 8 اشهر واحنه مقدمين على مزايا اللاجئين

المصيبة اليوم لازم نحدد اما نقبل بهذا العرض او نرفضه

اكو اي شي يثبت النه حق يدفعولنه ايجار مال 8 اشهر لو لاء

الرجاء المساعدة السريعه

[starxb]

اخي العزيز اني على نفس المنضمه ولاكن في ولاية تينيسي . نفس الشي يدفعولك شهر واحد لحين  تحديد برنامج المساعدات الي انته راح اتكون عليه يوجد برنامجين الاول ينطوك مبلغ من المال وانته تحتار بامرك يعني انته تدفع الايجار والكهرباء وباقي الامور والبرنامج الثاني همه ايدفعولك الاجار لمدة اربع اشهر قابله للتمديد ويدفعولك كهرباء شهر واحد وبعدين انته اتكوم تدفع  الكهرباء وينطون لكل شخص بالغ 200 دولار بالشهر ولكل طفل 40 دولار طبعا البرنامجين زينات وهاي المنضمه كلش زينه . وطبعا منغير الفود ستامب . ولا اتخاف اخي اتوكل على الله .


                                              اخوك ابو مريم

[ام فائز]

اخونا العزيز
اني بنتي ابفرجينيا راحت قبل سنه وبس دفعولها ايجار  شهر واحد وهذا يعتمد على الولايه واشكد عدهم فلوس
 وماكو اي قانون يحكمهم بدفع ايجار ثماني اشهر كل ولايه وامكانياتها الماديه  وماكو اي قانون يلزمهم بتقديم اي شي بس هما ورحمتهم  هاي طبعا عدا الفود ستامب
واني اشوف ودود اصدقاء الك بالمكان مفيد