محتاجة جوابكم؟؟؟؟

[joooj baby88]

ممكن سؤال اختي عمرها 20 سنة واني اكبر منها بسنة شراح يسألونه بالمقبلات وراح يركزون بالأسئلة لو تكون اسئلة عادية ؟
وشكرا مقدماً

[راهب الحب]

عزيزتي الاخت جوووج :::
ممكن توضحين شتقصدين بالأسئلة من يا ناحية  ؟؟؟
حتى نعرف نجاوبج بشكل دقيق ...؟؟؟

[بغداد بقلبي]

مرحبا اول شيء اسئله عاديه وما بيها اي اشكال والجواب نعم او لا وبعدين ايطلعون اسئله من قصتك الي انتي ذاكرتها وهاي وهيه السالفه لاتدوخين ولا ترتبكين وما ايلحون لانكم بنات باسرع وقت من بعد الفحص ان شاء الله اتسافرون بس اذا امكن اذكريلي هل انتم عائله او وحدكم وباي بلد علمود اكدر اجاوبك بوضوح وان شاء الله موفقه يارب

[ام فائز]

عيوني جووج
يعني يسالون عن مدرستكم وكليتكم اذا كنتم متخرجين  وعن العائله واحد واحد وعن القصه الي انتو ذاكريها  وليش انتو اتخافون ترجعون للعراق واذا ترجعون شيصير وياكم  لكن انتي ما ذكرتي انتو المقابله اي مرحله هل هي التوطين او الاي او ان او المحلفين
رائي ان اتسجلون كل هاي المعلومات بورقه واتراجعوها سويه انت واختج وديرو بالكم على التواريخ وعلى اي تفصيل وتكلمو الحقيقه وابد لا اتكذبون لان الكذاب حشاكم احيانا ينسى كذبته ويخربط
موفقين

[joooj baby88]

احنا مقدمين ع IOM وبعدنا بالمقابلة الاولة احنا عائلة ماما و 4 خوات احنا هسه بالاردن صارلنا تقريبا 3 اشهر بس محتاجة نصيحة منكم
اختي جانت تشتغل بشركة امريكية هي ضافتنا وياها بالمعاملة المشكلة سألوها تريد رابط قوي او ضعيف واحنا محتارين وباجر يريدون الجواب وهي عدها مقابلة 6/12 وطبعا هي عائلة ومتزوجة.... وتسلمون مقدما
تحياتي 

[drlexa]

حبيبتي جووج...
المقابله الاولى هي مقابله تعريفيه يعني ياخذون الهستري الكامل مالتكم حتى المدارس الابتدائيه الي جنتو بيهه والمناطق الي عشتو بيهه ابغداد وابعمان ...المقابله الثانيه هي تحجون قصتكم الكامله بكل التفاصيل واما مقابلة المحلف فهي اسئله عن القصه مالتكم وانتو شابات صغيرات ماتصور يلحون وياكم بلاسئله. بس اهم شي القصه كلكم تحجون نفس التفاصيل يعني لازم تتفقون عل حجي قبل المقابلات حتى ليصير اختلاف وعبالهم دتكذبون.
اما بلنسبه للربط فهذا شي بس انتو تكدرون تقرروه...بس هوايه مرات يصير تعطيل للعائله كلهه من وره شخص واحد بس مجايه امنيته. فيمكن الربط ضعيف تسووه احسن والي تكمل معاملاته يسافر..بس انتو الي تعرفون ظروفكم وتكدرون تقررون هلشي.

امنياتي بلموفقيه لكٍ وللعائله

اختكم من عمــّــان drlexa

[joooj baby88]

حبيبتي drlexa
اختي من راحت ع المقابلة التعريفية حجتلهم علينا يعني انتطلهم التفاصيل ومن خابروها انطولها الموعد كلولها دزي الجوازات حتى نبدي نفتحلهم ملف .. سؤالي هم احنا راح يسوولنا مقابلة تعريفية؟

[drlexa]

والله بصراحه ما ادري بلنسبه لحالتكم...احتمال يسوولكم هاي المقابله واحتمال يدمجون اول مقابلتين سوه...ماعندي فكرة ..... ان شاء الله اذا احد من الاخوه الاعضاء يدري اكيد ماراح يقصر بلجواب.


تحياتي وتمنياتي بلتوفيق.

اختكم من عمـــّــان drlexa

[rafid82]

اختي الكريمة
نصيحة انه كلكم اتوحدون جواباتكم وتتفقون من هسة شنو راح تحجون وشلون اتجاوبون و تحفظون كلكم التواريخ لان متاكد راح يدخلون واحد واحد أذا كان عمره اكثر من 18 سنة فلازم تكون اجاباتكم  واحدة حتى لااتصير  خربطة ترة اكو حالات هم مثلكم  و أذا واحد من العائلة خربط ياسامح الله ترة ترفضون فلازم تحفظون جميع تواريخ قصتكم وشنو صار وياكم للجميع
اخوك رافد

[y.a.r.a]

حبيبتي جوووج
اذا الوالده وياكم بالكيس ميسالوكم الكم بس ايسالون الوالده وانتوا اتحضرون متفرجين
اما اذا بس انتوا بالقضيه فيسالون الي عمره 21 سنه فقط والي اصغر ايكون مدموج بالقضيه
اذا انتوا بنات وحدكم واتريدون اتسافرون بدون الوالده فالافضل اتسوون ربط قوي  مع عائلة اختج المتزوجه حتى ليطلعوكم وحدكم
لان اذا جتي موافقتكم قبل اختج احتمال اتطلعون قبلها
اما اذا انتوا ميهمكم اذا اتطلعون وحدكم واكو من ينتضركم هناك فسووا الربط ضعيف حتى اي واحد تكمل قضيته يطلع بدون ان ينتضر الثاني
واي شي تحتاجين احنا حاضرين ولتترديين بالسؤال
وياربي ايسهل عليكم

[joooj baby88]

تسلمولي يا احلى اعضاء وشكرا على المساعدة
بس ماما ويانة يعني راح يكون التركيز عليها؟
زين سؤال ولو ضوجتكم يا حبايب
اذا سوينة الرابط قوي وصارت المقابلات ولا سامح الله غلطنة راح تأثر على كل العائلة وراح ننرفض كلنا لو شلون؟

[y.a.r.a]

حبيبتي جوووج
اذا الماما وياكم يعني هيه راح تحجي قصة التهديد الي اتعرضتوله
اما الباقين فاسالتهم عاديه الاسم والعمر والمدارس والشهادات والاعمال والسفر
يعني تقرير عن حياة كل شخص
واكيد المفروض اتكون كل الاجوبه صحيحه ومابيها اي مراوغه لان من ينكشف شغله مو صحيحه راسا يجيكم رفض
اما الربط القوي والضعيف ماله علاقه بالرفض والقبول
الربط القوي هوه عدم السفر منفردين واربط الضعيف يعني ياهو الي ايكمل معاملته يطلع
واذا صار غلط باحدى الكيسات تنرفض وحدها
والنصيحه الشي الي راح تحجوا كتبيه بورقه على النت وطبعيه وانطيه لكل واحد نسخه حتى ايحفظوا وتتفقون متحجون غير بس هذا الحجي حتى اتضمنون ميصير اختلاف بالطرح
وحبيبتي اي شي تحتاجين اسالي من البدايه واحنا حاضرين الكل مستعدين ايساعدوج وايجاوبوج على اي تسائل
والله ايسهلها عليكم
اختك يارا