اليوم اتصلوا بية ... وبشروني ... بعد سنة و6 اشهر انتظار!!!!!!

[Safaa Alkhrkhy]

اليوم وفي وقت الغروب تماما حسب توقيت بغداد رن الهاتف ... واذا به رقم من الاردن .. طبعا اني كلت هذولة اكيد جماعة الIOM المهم ... الو ... منو معاي الاستاذ صفاء ... نعم.... طبعا الموضوع كان حول تحديد مقابلة لغرض اضافة طفلي الجديد وكانت يوم 13 كانون الاول ((بعد 17 يوم )) ... ورة ماكمل الموظف سألتهة ((حبيبي اريد اسالك على الملف مالتي ؟؟ الطابوكة النايمة عليه بعدهة لو لا؟؟؟)) الموظف جاوبني ((انتة مخلص كلشي الفحص الطبي والموافقة الامنية موجودة بس باقيلك انه المحلف ايشوف البيبي ووراهة ينختم ملفك وتتحدد الولاية وانكلك الله وياك روح والهوة بظهرك!!!!)) .... المهم انه هوة كلي انه مقابلتك راح اتكون بنفس المكان اللي قابلت بي المقابلة الثانية ... طبعا اني كتلهة اني قابلت من زمااااااااااااااااان من بداية شهر شباط وكانت من يم فندق الرشيد .. هوة صفن ... كلي احنهة عودين اندزلك ايميل !! اخواني ... هسة المقابلات منين ؟؟ الرجاء اللي عندهة معلومات اينورني بيهة .... يعني من اي بوابة بالضبط وياريت بالتفاصيل ... واشكركم مقدما احبابي.... اخوكم صفاء الكرخي

[volca]

شايف كل الخير وانشاء الله نحديد الولايه موعد السفر


تحياتي

[ayadkoo]

مبروووووووووك والففففففففف ميروك وانشاء يوم السفر

[نهاد احمد]

الف الف مبروك
وان شاء الله يوم يحددون موعد السفر
والموفقيه للجميع

نهاد ابو علي

[ابو خالد]

الله يسهل عليك اخوي صفاء وبالتوفيق وانشالله نسمع بخبر سفرك واعطائك الموعد ..وبالنسبه لسؤالك انشالله جماعة بغداد يجاوبونك

[بغداد بقلبي]

الف مبروك وبالموفقيه يارب اتسافر باسرع وقت

[abu shahed]

الف الف مبروك اخي العزيز صفاء انشاء الله يسر امركم ونفرح بسفركم القريب بأذن الله



                     اخوك
               79 النرجس

[ريم عبد]

الف الف مبرووووووووووووووك اخونا صفاااااااء
والحمد لله خلصت شغلتك كبل متصير مثل الصوره
عيني الدخول على قصر الازدهار
اتفر ساحة النسور وتتوجه على جهة الحارثيه واتروح بتكسي او احد ايوصلك لان متكدر اتوكف السياره هناك
راح تلكي حرس واكفين يم الجدار الاسمنتي
تدخل من يمهم بس ادكلهم عندي مقابله
وهم تاخذ وياك هويتين او باسبورت وهويه
وياربي ايسهلها عليك
وايوفقكم

[Revolver]

اخوية صفاء شايف كل الخير ان شاء الله وياربي يسهل امورك وتسافر وترتاح ان شاء الله .

ريفولفر

[ام فائز]

الففففففففففف مبروك الموافقه الامنيه وعيني هسه عد ايام وكول يا الله
موفق  اخونا العزيز

[abomagid]

السلام عليكم
بالنسبه الى مكان المقابله هو بالقصر الي يسمى حاليا معسكر ( الازدهار ) ليش سموه بهذا الاسم ماادري هو وين الازدهار ماادري ؟؟ المهم مكانه بساحة النسور هذا الطريق الي ايدي الى الحارثيه والى الساعه بالبديه اكو صبات كونكريتيه اكو فد فتحه اصغيره واكفين بيهاجنود عراقين طب بيها بعد ما اتكللهم عندي مقابله هسه افتشوك واطب هو الطريق باخذك الى ماتوصل مكان المقابله حوالي يمكن خمس سيطرات هذا كله مشي بس يعني مش قليل مو هوايه واكو شي لا تنساه لازم تاخذ الجوازات مال كل فرد وياك اضافه الى هوية الاحوال مال كل شخص وياك همين يعني كل شخص وياه هويات اثنين تعريفيه الجواز وهويه اخرى
اخوكم
ابو ماجد
تحياتي

[Abu Dana]

اخوية العزيز عيدكم مبارك عليك وعلى كل الاخوان والاخوات في المنتدى
بس اريد اؤكد على المكان اللي ذكروه الاخوان مظبوط ...يعني اذا جاي من البياع لازم تعبر ساحة النسور  واذا جاي من العلاوي تنزل قبل الساحة مقابل مديرية الدفاع المدني...اكو صبات كونكريت وبيهه جنود عراقين...ربي يسهل امرك

[العامري2]

الف الف مبروك انشالله يوم السفر ومثل ماكالولك الاخوه على سؤالك جهه ساحه النسور جنك رايح للحارثيه يم الصبات الكونكريتيه تاخذ وياك اكثر من هويه طبعا انته تعرف هاي الامور اكيد راح تضل تمر بمراحل تفتيش لحد ما توصل للاستعلامات وهناك يجون ياخذوك ارجو الك التوفيق يارب

[عكعك التطوى]

الف مبروك ابو الصوف وبالتوفيق ان شاء الله

كطايه 

[untitled.man]

الف مبروك اخي العزيز...

الظاهر انه انت مكمل كل شي بس هاي المقابلة الاخيرة واللي هي مجرد تأكيد...
انشالله نسمع اخبار طيبة منك باسرع وقت...
وأؤكد على المكان اللي ذكروه الاخوان قبلي...

تحياتي وتقبل مروري

[angie-dawood]

الف مبروك انشاءللة تكمل كل الاجرات وانشاءللة تبشرنا بموعد سفرك ربي يوفقك

[ابو عبد الله التكساسي]

اخوية صفاء الكرخي شايف كل الخير ان شاء الله وياربي يسهل امورك وتسافر وترتاح ان شاء الله .

[lionofiraq]

الف الف مبروك صفاء بس اهم شيء بس المهم ابنك يكون مخادم عسكرية و لا مشترك بالأنفال ههههههههههههههههههههههههه ترة اتشاقة و الله الف مبروك على الثنين المقابلة و الطفل الجميل

بس ممكن سؤال شنو طبيعة الفحص الطبي و كم يوم و شكد طولتلوا ورة المحلفين يلة فحصتوا؟؟يييي

تقبل مرور اخييييييك

[الله...محبة]

اخ صفاء الف الف مبروك والرب يكمل وياك للنهاية
الهنا حي وما ينسى احد


† الله ♥فعلا♥ محبة †

[Wingo]

ألأف ألف مبروك عيني
إن شاء الله كل الموفقية

[abomagid]

السلام عليكم
الاخ العزيز
بالنسبه للمكان وانت جاي من مستشفى اليرموك بأتجاه ساحة النسور تنزل بنفس الساحه باوع على اليمنى هسه اتشوف القصر مال صدام الي جان بيه الاصنام (مال الروس ) هسه اتذكرت لو لا ؟؟؟
هوه على طول السياج مالته اكو صبات كونكريتيه اكو فتحه بالبديه بيها جنود عراقيين روح يمهم وكلهم عندي مقابله هسه افتشوك وبعدين الطريق هو ياخذك ... لا تنسى الجوازات والهويه الاحوال لكل فرد من عائلتك
واكو شئ مهم لا تروح بالسياره مالتك لان ماكو موقف نهائيا اتحير بيها يعني روح بالتكسي
 وهمين اكو شئ لاخ روح بالموعد المضبوط لا زايد ولا ناقص
والا تنسى الحجي الي حجيته بالمقابله الاولى لان نفسه راحح اعيده عليك المحلف الامريكي وبغير صيغ دير بالك يعني نوبات اوكوعون بالحجي فمن اجوب ركز علمود الحجي ايكون متتطابق
والله ايسهل عليك
اخوكم
ابو ماجد
تحياتي

[اين انا 2]

بيها الخير اخ صفاء  انشالله  مكضية شغلتك بحيل الله .....

[راهب الحب]

الف الف مبروووك اخوية العزيز  صفاء الكرخي ...
الله عّوض صبرك بالفرج ويا رب توصل بالسلامة مُقــدّمـاً ودمت بألف الف خيـــر ......  †





                          أخـوكــُم / وسـام بهنـام داؤد الخابـــوري

[يمتى الفرج]

مبرررررررررررررررررررةك اخي العزيز ويوم السفر انشاءالله

[يوجد امل]

الف الف مبروك
الله يكمل معاك بك خير
اخوك يوجد امل