اسافر لو ما اسافر البيضه من الدجاجه لو الدجاجه من البيضه

[cricket]

السلام عليكم
قبل فتره قريت موضوععن اخ يريد يبيع سيارته لان راح يرجع من امريكا للعراق الغالي وسألوه بعض اعضاء المنتدى عن سبب رجعته فتطرق لمواضيع مثل الشغل ماكو ومشكلة كثرة السود والمكسيكيين ونقاط اخرى هو ادرجها ضمن اسباب عودته والاخ هو النورس الحزين ودعو للاخ بالتوفيق في كل قراراته ودائما اقره مواضيع تدور حول اسافر لو ما اسافر امريكا افضل لو المكان الي اني بيه سواء كان العراق او اي بلد احنا مغتربين بيه ... ومن خبرتي المتواضعه احب انطي ( راي شخصي ) واكرر ( راي شخصي ) ان هذا السؤال لا يمكن لاي احد في العالم من اذكى واحد ( اعتقد هو انشتاين ) الى اغبى واحد يكرم القارئ ( اعتقد لو مستر بن لو الشخصيه الكارتونيه سنفور غبي ) محد يكدر يجاوب على السؤال لان طبيعة الجواب تختلف حسب منظور كل شخص وحسب ضروفه ولا يمكن ان تتشابه ضروف شخصين بالعالم واذا تشابهة يبقى اختلاف المشاعر والاحاسيس وكل هل الامور لذلك اخواني واخواتي الي يرغبون بالهجره الى امريكا لا تسأل احد يابه اجي لو ما اجي لان انته ادرى بظروفك وللتوضيح اكثر اعطيكم بعض الامثله
جيت الى لاس فيغاس للعلم ما اعرف اي احد في امريكا يعني وحدي والمشكله انهو جنت فرحان عود اطكطك انكليزي ثاني يوم سالتهم اني بامريكا لو بالمكسيك اشو وين ما اروح يحجون مكسيكي حتى بدوائر الدوله هي لغه ثانيه يعني يصيحون اسمك ورقمك بالانكليزي وبعدين بالاسباني ( الاسبانيه هي لغه المكسيك و22 دوله بالعالم ويتحدثها اكثر من 500 مليون حول العالم ) اروح مقابلات العمل اشوف الي يتحدث الاسبانيه ويه الانكليزي يفضلوه زين كلت ويه نفسي معقوله ذولي الي يحجون اسباتي بالعالم ال (500 ) مليون كلهم اذكى مني عل الاقل خلي يطلع ترتيبي 4999999 فقررت ان استفاد من مدة المساعدات واستغليتها بتعلم اللغه الاسبانيه بجوار ما اقوي نفسي بالانكليزي  وهسه ماخذ راحتي يريدون مني انكليزي اسباني    ما يهمني زين اكدر اني هسه اعمم تجربتي واكول وانصح الناس يجون لو ما يجون طبعا لا لان كل ولايه تختلف والمشاكل تتنوع مو بس الي يخص اللغه وكذلك قدرتكم انتو اخواني على حلها او عدم حلها ايضا تختلف باختلاف ظروفكم هسه اني الي اشوف فرصي ب لاس فيغاس ممتازه غيري يشوفها شبه مستحيله وطبعا اني صح وهو صح ومثال اخر فقط على سبيل المثال ولي الحصر انهو الناس تسال عن السود وهم كثره لو قله  وانا اقول لاني اتحدث مع بعض السود جيراني اشوفهم طيبين وصديق لي تشاجر مع احدهم وصلناها للشرطه ( عراققيين ما نكعد راحه )يشوفهم هوايه ومو زينيين ونوبات اسال نفسي اذا اجا عراقي اصيل من البصره يعني اخويه الذهب ابو سمره وطبعا جان بالعراق ما يحس باي فرق لان هو هذا شعور كل عراقي  كلنا عرلقيين وكعد بمنطقه كلها بيض وطبعا هوم ما يعرفون شنو بصره ويين صايره راح يكول ابو سمره الذهب انعل ابو امريكا كلها بيض ومشاكل  الله تعالى اعلم طولت عليكم اسف بس ارجع واكول كل انسان ادرى بنفسه واتمنى ان تكون قراراتكم من السفر او عدمه نابع من تقديركم الشخصي ة وليس على ما يصوره لكم الخريين واحتراماتي للجميع

[cricket]

السطر الاخير ( ما يصوره الاخريين ) وعذرا للاملاء لان بورد عربي ما عندي

[ابو عبد الله التكساسي]

مو مبالغه
بس والله من اجمل ما قرات بالمنتدى
الله يبارك بيك
سرد جميل تحليل اجمل و كلام صحيح ميه بالميه
سلمت ايدك

[نهاد احمد]

السلام عليكم
والله تسلم ايدك على هذا الموضوع
وكلامك صح 100% حسب رأي الشخصي
والموفقيه للجميع

نهاد ابو علي من مصر

[ريم عبد]

اخي العزيز cricket
كانك في قلبي هوه هذا مادائما ندعو الاخوان له ان الشخص ينضر لامكانياته اولا

بس ملاحضه اخي العزيز اذا اردت ان اتعدل الاملاء تكدر ترجع لنفس موضوعك وادوس على كلمة تعديل واتصلح السطر وترجع اتسوي حفظ وميحتاج اتضيفها في رد ثاني
وياربي ايوفقك على هذا الكلام الجميل

[Revolver]

أخي العزيز كركت,

اول شي احب اهنيك واباركلك بلعيد السعيد واتمنالك الموفقية والصحة والعافية وراحة البال, ان جان عيد الامة الاسلامية او الامة المسيحية او اي امة, بلعيد واحد واحب اهنيك عليه,

ثانياً انت كلت شي وهوة :

كلت ويه نفسي معقوله ذولي الي يحجون اسباتي بالعالم ال (500 ) مليون كلهم اذكى مني عل الاقل خلي يطلع ترتيبي 4999999 فقررت ان استفاد من مدة المساعدات واستغليتها بتعلم اللغه الاسبانيه بجوار ما اقوي نفسي بالانكليزي

أذن انت صممت على شي واني اتمنالك كل الموفقية ان شاء الله واتعيش مُعزز مُكرم وربي يفتحها بوجهك وتشوف كل الخير, واتمنى وأتمنى واتمنى الف مرة, من اخوتنا الي ديترددون بلبقاء بلولايات المتحدة وحابين يرجعون , يقرون هاي الاسطر الي حددتهة بلأحمر ويشوفون انو الانسان اذا صمم على شي واتوكل على رب العالمين, راح رب العالمين يساعدة على محنتة ويخفف عنة ورب الجلالة والعزة كال

بسم الله الرحمن الرحيم

ومن يتوكل على الله فهو حسبه

صدق الله العظيم

اخوية العزيز صاحب المقال اتمنالك كل الموفقية وادعيلك من قلبي الله يوفقك, ويساعد كل المهمومين واولهم الاخ نورس ...


ريفولفر

[ابو عبد الله التكساسي]

لا عاب حلكك ريفولفر
حجيك ذهب و خليت ايدك عالجرح لان كل الاخوان مرات وليس في كل الاحيان ينسون رحمه الله تعالى وينسون بانه هو الرزاق وهو الي بيده كلشي مو اي احد بس الله يريد منا ان نعزم على الامر ونصمم ونتحرك وهو الموفق

[cricket]

اشكركم اخوان بس نحاول نساعد بقدر المستطاع والله المعين

الخت ريم شكرا للملاحظه لان اني علاقتي بالحاسبات ضعيفه من جيت اهنا يله بديت شويه اتعلم لانشغالي بامور الحياة فارسلت الموضوع بعدين انتبهت عل الخطأ وانشالله منكم نستفيد واكرر شكري يا اختي على ردك

[أبن خير]

بارك الله فيك أخي الكريم ..
كلام جدا منطقي .. لك الشكر والثناء
التوفيق للجميع من رب العالمين
وتذكر أيها العبد أن ربك مايخلي حمل مطروح
تحياتي

[الله...محبة]

كلام اكثر من منطقي
والمسألة تبقى نسبية وما يحكمها قانون او عادة

اما تجربتك بتعلم لغة ثالثة فتستحق الوقوف والتصفيق... وان تكون درس النا كلنا من شقين
اولا ماكو خطوة مستحيلة في اميركا طالما تتجه نحو التقدم
وثانيا كلنا نمتلك طاقات (قيد الدراسة) وهي تنتظر من عدنا تحريكها

الف تحية لك ولكل من ساهم هنا

† الله ♥فعلا♥ محبة †

[ام فائز]

اخونا كريكت
بارك اله فيك على شجاعتك وايمانك  وتصميمك تره للعلم الاسبانيه من اللغات الصعبه
واكيد انت راح تكون مثال وقدوه صالحه ليس لاولادك وحسب بل لكل العراقيين
تمياتي لك بالموفقيه

[عبد العولمه]

تحياتي
موضوع فلسفي من ادب الرحلات والسفر ...تجربة عملية وممتازة وبالتأكيد الامر بالهجرة والسفر هو جدلية العلاقة بين ماكنت عليه في العراق وما انت عليه الان في الغربة ويبقى هذا الصراع يخمد تارة ويشتعل تارة حسب الظرف النفسي والبيئة العامة المتغيرة حسب الزمن لكن في النهاية الجميع يبقى ولا يعود سوى 1% الى بلدهم عدا الذين يعودون بسبب ظرف خارجي كالطرد والترحيل.. او لان المكان الذي هم به لا يسمح بالاندماج لاسباب قانونية واقتصادية..اما بخصوص الدجاجة لو البيضة فأكيد البيضة من الدجاجة . تقبل احترامي

[راهب الحب]

حبيبي الغالي كريكت ::
بصراحة موضوعك شيّق ومفيد للجميع وعندك روح التحدّي والتصميم والإرادة وهذا من اهم الامور إللي يجب ان يتحلّى بيها اللاجيء حتى ينجح في بلد مثل أمريكــا  وأكو مقولة جداً حلوة إللي يتمعن بيها ويطبقهـا ينجح دوم وهي ::
((( المتشائم : شخص يرى ان التاء آخر حرف في كلمة (موت) دون ان يربطها لتكون آخر حرف في كلمة (حياة) ))) ..
تمنياتي إلك بالتوفيق ويا صديقي آني ما ناسي وعدك إلي بالرسالة الشخصية عن شغل المنظمتين والوضع من كل الجوانب  ومنتظرك على احّر من الجمـر وإذا ما رديت علية الحكك إهنـاك وأصعدك للـ ,, big shot ,, وانتحر آني وياك سوية   ....





                             أخــوكــُم / وسـام بهنـام داؤد الخابــوري

[cricket]

اشكر الاخوه والاخوات على ردودهم واشكر الاخت ام فائز على دعائها الي انشالله يتحقق دعائك بعد ما اتزوج بالنسبه لقولك ان الاسبانيه صعبه فايضا حسب منظور الشخص لان بالبدايه شفتها صعبه واهملتها بس بعدين عرفت عنها معلومات اكثر من خمسة الاف كلمه مشتقه من العربيه بسبب التاثير العربي المعروف عليهم ابان الدوله الاندلسيه والاف الكلمات الاخرى ماخوذه من الانكليزيه وهاي المعلومات شجعتني على المضي قدما بتعلمها علما اني لا ازال ب منتصف الطريق يعني ما اتحدثها بطلاقه بس ماشي حالي بيها سواء في عملي او محل سكني واتمنى للجميع الموفقيه

[ابو عبد الله التكساسي]

ايامك سعيده وكل عام وانت بخير وعيدك مبارك
واسال الله ان يسهل امرك بالاسبني والانكليزي ويفتحهه بوجهك اليوم قبل باجر

[زيوس]

بارك الله بيك اخي وفعلا كلامك منطقي جدا واني اضم صوتي الى بقية الاخوة والاخوات بانه المسألة نسبية و تعتمد على القدرات الفردية لكل شخص

تقبل مروري

[US2010]

والله موضوعك اكثر من رائع

ونصيحة للجميع الحياه قرارات وماكو احد ياخذ قرارتكم

لازم نتحلى بالشجاعه ونقرر نذهب او لا

موكل الناس الله كاتب لها رزق بامريكا والعكس صحيح

وامريكا لمن يريد تطوير نفسه فهي بلد التعلم الاول

وبالنسبة للاخوان الي يتخوفون من اللغه الانجليزيه هذا الموضوع اكبر دليل على ان تعلم اي لغه ليست بالامر الصعب

ماكو اصعب من اللغة العربيه وقواعدها

خخخخ فلاتخافون

وتوكلو على رب العالمين

[جورجيا]

si si si ......tenga razon mi hermano  cricketooo
tu hermana
جورجيا

[بت بطوطة]

والله تجربتك واصرارك يستحقون الثناء والاعجاب ولازم تكون فخور بنفسك لان تعلم اللغة من الصفر مو شيء هين .. بارك الله بيك واتمنالك الموفقية والنجاح بكل خطوة بحياتك انشالله

تقبل مروري

[الله...محبة]

Esto nos anima
Dios es amor

 

[اريد وطن]

والله ياخويه كلامك ذهب وصحيح مليون بالميه


فعلن  لكل انسان ضروفه وهو وحده ممكن يقدر وضعه ويعرف يحدد

لم تترك مجال للاظافه لانك قلت كل شي وبارك الله بيك

اخوك اريد وطن

[ok_ok755]

اخي العزيز شكرا على موضوعك وبارك الله بيك

[ملك الحيرة]

مشكور اخوي
اني استفاديت بهاي المعلومة عن لاس فيجاس لأن اني حددولي مدينة بلو دايموند -قريبة من لاس فيجاس
تمنياتي الك بالموفقية وارجو منك دوام الاستمرار بالمنتدى وانشاءالله نلتقي بلاس فيجاس

السلام عليكم
قبل فتره قريت موضوععن اخ يريد يبيع سيارته لان راح يرجع من امريكا للعراق الغالي وسألوه بعض اعضاء المنتدى عن سبب رجعته فتطرق لمواضيع مثل الشغل ماكو ومشكلة كثرة السود والمكسيكيين ونقاط اخرى هو ادرجها ضمن اسباب عودته والاخ هو النورس الحزين ودعو للاخ بالتوفيق في كل قراراته ودائما اقره مواضيع تدور حول اسافر لو ما اسافر امريكا افضل لو المكان الي اني بيه سواء كان العراق او اي بلد احنا مغتربين بيه ... ومن خبرتي المتواضعه احب انطي ( راي شخصي ) واكرر ( راي شخصي ) ان هذا السؤال لا يمكن لاي احد في العالم من اذكى واحد ( اعتقد هو انشتاين ) الى اغبى واحد يكرم القارئ ( اعتقد لو مستر بن لو الشخصيه الكارتونيه سنفور غبي ) محد يكدر يجاوب على السؤال لان طبيعة الجواب تختلف حسب منظور كل شخص وحسب ضروفه ولا يمكن ان تتشابه ضروف شخصين بالعالم واذا تشابهة يبقى اختلاف المشاعر والاحاسيس وكل هل الامور لذلك اخواني واخواتي الي يرغبون بالهجره الى امريكا لا تسأل احد يابه اجي لو ما اجي لان انته ادرى بظروفك وللتوضيح اكثر اعطيكم بعض الامثله
جيت الى لاس فيغاس للعلم ما اعرف اي احد في امريكا يعني وحدي والمشكله انهو جنت فرحان عود اطكطك انكليزي ثاني يوم سالتهم اني بامريكا لو بالمكسيك اشو وين ما اروح يحجون مكسيكي حتى بدوائر الدوله هي لغه ثانيه يعني يصيحون اسمك ورقمك بالانكليزي وبعدين بالاسباني ( الاسبانيه هي لغه المكسيك و22 دوله بالعالم ويتحدثها اكثر من 500 مليون حول العالم ) اروح مقابلات العمل اشوف الي يتحدث الاسبانيه ويه الانكليزي يفضلوه زين كلت ويه نفسي معقوله ذولي الي يحجون اسباتي بالعالم ال (500 ) مليون كلهم اذكى مني عل الاقل خلي يطلع ترتيبي 4999999 فقررت ان استفاد من مدة المساعدات واستغليتها بتعلم اللغه الاسبانيه بجوار ما اقوي نفسي بالانكليزي  وهسه ماخذ راحتي يريدون مني انكليزي اسباني    ما يهمني زين اكدر اني هسه اعمم تجربتي واكول وانصح الناس يجون لو ما يجون طبعا لا لان كل ولايه تختلف والمشاكل تتنوع مو بس الي يخص اللغه وكذلك قدرتكم انتو اخواني على حلها او عدم حلها ايضا تختلف باختلاف ظروفكم هسه اني الي اشوف فرصي ب لاس فيغاس ممتازه غيري يشوفها شبه مستحيله وطبعا اني صح وهو صح ومثال اخر فقط على سبيل المثال ولي الحصر انهو الناس تسال عن السود وهم كثره لو قله  وانا اقول لاني اتحدث مع بعض السود جيراني اشوفهم طيبين وصديق لي تشاجر مع احدهم وصلناها للشرطه ( عراققيين ما نكعد راحه )يشوفهم هوايه ومو زينيين ونوبات اسال نفسي اذا اجا عراقي اصيل من البصره يعني اخويه الذهب ابو سمره وطبعا جان بالعراق ما يحس باي فرق لان هو هذا شعور كل عراقي  كلنا عرلقيين وكعد بمنطقه كلها بيض وطبعا هوم ما يعرفون شنو بصره ويين صايره راح يكول ابو سمره الذهب انعل ابو امريكا كلها بيض ومشاكل  الله تعالى اعلم طولت عليكم اسف بس ارجع واكول كل انسان ادرى بنفسه واتمنى ان تكون قراراتكم من السفر او عدمه نابع من تقديركم الشخصي ة وليس على ما يصوره لكم الخريين واحتراماتي للجميع

[السومري]

وفقك الله اخي على هذه الكلمات الجميلة

[cricket]

اخوان مشكورين على المرور الكريم والتعليقات اللطيفه اتمنالكم الموفقيه

اخي انشالله نلتقي بلاس فيغاس وبخدمتك