منو عنده ايميل(UNHCR) في الاردن يكلي عليه

[الحديقه]

السلام عليكم...

أرجو من لديه ايميل(UNHCR) في الاردن يكلي عليه اني بالحقيقه دزيتلهم ايميل على العنوان الموجود بورقة اليوأن joram@unhcr.org
والايميل من أدزه يطلع غلط وحاولت كم مره وهم ميوصل الى ان دزيت أيميل لل (IOM) على ic@iom.int و     AmmanInfoCenter@iom.int و CairoInfoCenter@iom.int وتصلو بيه ال (IOM) هاتفيا ثاني يوم وكالولي ملفي مواصل اللهم وكلتلي نفس الارقام الي اني متصل بيه على (UNHCR) ومقدم شكوه بيه وكتله اني من الشهر الثالث قابلت بال (UNHCR) وبعد اسبوعين خابرتني السوت ويايه المقابله وكالت دزيت ملفكم للتوطين (IOM) ولحد قبل يومين الى ان دزيت ايميل لل (IOM) واتصلو بيه مواصل ملفي الهم.

أخوتي الي عنده أيميل ال (UNHCR) في الاردن ليبخل عليه لان مااعرف لحد الان شنو مصيري وشسوي وجماله بدون شغل بس الله سبحانه وتعالى مصبرنه....

أخوكم
الحديقه-عمان

[bee bee]

همه ماأعتقد عدهم ايميل غير هذا اللي يورقة ال يو أن
حاول تتأكد منه مرة لخ ليكون كاتب حرف غلط منا منا
أو خابرهم ..لأن أول وتالي ماراح يجاوبوك

تحياتي
ب ب

[drlexa]

الاخ حديقة...
ماعندي فكرة عن ايميل ال UNHCR بس عندي رقمهم راح انطيك اياه شويه بصعوبه يتحصل بس يتحصل وتطلعلك مشين تكولك اذا دتسال عن التوطين دوس فلان رقم اذا دتسال عل خدمه الاجتماعيه دوس فلان رقم وهكذا..فانصحك تخابرهم وان شاء الله يفيدوك
الرقم هو   96265502141

تحياتي وتمنياتي بلتوفيق.

اختكم من عمـــّـــان drlexa

[الحديقه]

أشكرك أخويه bee bee  اني كتبت ايميلهم حرف حرف كل يوم ادزلهم خمسة أيميلات ولمدة أسبوع بس الظاهر همه قافليه الايميل.

مشكور على مروك وردك.........


أشكرج أختي drlexa على ردج بس اني متصل بهذا الرقم ومسجل بيه شكاوي أثنين ويكلولي أنتظر الرد يوم الخميس وصار اكثر من اربع أشهر وأني أنتظر كل خميس يم التلفون حتى يتصلون بيه.

أشكرج أختي على ردج الي ومرورج......


التوفيق للجميع أنشاءالله

أخوكم
الحديقه-عمان