اعادة الفحص الطبي (مساعدة عاجلة )

[ابو يويو]

السلام عليكم

حبيت اطرح موضوع عليكم ياريت تفيدوني بيه او تساعدوني
وهو انه اني كملت والحمد لله كلشي الموافقة الامنية جتي والدورة التثقيفية قبل اسبوع خلصتها واتصلوا بيه اليوم على فحص طبي ثاني ياريت الي عنده اي معلومة بهذا الشي يكدر يفيدني بيها

اخوكم ابو يويو  عمان

[rafid82]

الاخ أبو يويو
حسب معلوماتي القليلة انه اعادة الفحص للاشخاص اللي تتأخر الموافقة الامنية مالتهم يعني من اتزيد مدة الفحص عن 6 أشهر  يسون اعادة فحص وهي شغلة عادية لاتقلق سوي الفحص مادام انت مخلص كلشي يعني اطمان سفرك مضمون  بس هاي اجرائات عادية واني من سويت فحص قبل يومين هم كانوا ويانه جماعة  اعادة فحص لان صارلهم فترة طويلة منتظرين الموافقة الامنية
ان شاء الله تسافر عن قريب وهو الفحص مو مشكلة
اخوك رافد

[كرم كوكو]

وعليكم السلام اخوية ابو يويو ممكن اتكول انت من اي دولة  وبالنسبة لااعادة الفحص عادي وانا سامع اهوية ام  سوين اعادة الفحص يعني يطلع من يمهم غلط او شي مواضح  ويتاكدون منه حسب علمي

[ginger]

السلام عليكم الاخ ابو يو يو  حسب معرفتي واطلاعي على الكثير من ردود الاعضاءا لكرام انه تعاد في حالتين انه اولا اتاخرت الموافقه الامنيه وثانيا انه السفر محدد وقبل السفر  يعمل فحص سريع وها ذا حسب الحاجه فلا يوجد شيء يدعو للقلق  اختكم ام يوسف

[ابو يويو]

مشكورين اخوان على كل الردود وانشاء انروح وانشوف شنو السالفه

اخوكم ابو يويو

[y.a.r.a]

اخي ابو يويو
هذا الفحص الطبي الاخير مو اعاده للفحص الطبي
وانما كل الي ايخلصون قبل سفرهم ايسوون اخر تجييك
وهذا يشمل بس الضغط واسئله وينطوك حبايتين تبلع وبس
وياربي ايسهل امرك

[ابو يويو]

السلام عليكم

اختي y.a.r.a شكرا عالرد بس اريد اوضح شغلة انه من اتصلوا بيه كلولي هذا الفحص الثاني وبعدين اني بعدني ممنطيني موعد السفر لسة دا انتظر والحبايتين ناخذها بيوم السفر لان كل الي سافروا اخذوها بيومها واني هسة بلغتهم انه زوجتي حامل


اخوكم ابو يويو  عمان