سؤال عن الفحص الطبي لحبايبي جماعة بغداد ولاهل الخبرة رجاءأ

[ابو الحسن]

عمي السلام عليكم
ااول شي كل عام والجميع بالف الف خير
عمي بعيد عنكم وصحة عافية عندي سؤال
عندنا اقاربنا مقدم اي او ام بغداد
وهسة الفحص الطبي مالته ورة العيد
والمشكلة شنو
زوجته اسم الله عليها عندها فايروس كبد ( بي ) من النوع الخامل
وهاي قبل 14 سنة من اتزوجوا وهمه كل سنة يسوون تحاليل والاطباء يكولون ماكو شي نوع خامل وعيشو حياتكم
السؤال هو
هذا بالفحص الطبي اكيد راح يبين والجماعة خايفين مايسفروهم لامريكا لان الزوجة بيها النوع الخامل ؟
ارجو النصحية والراي لان وعدتهم اخذ رايكم وان شاء الله ماتقصرون يا طيبين
الف شكر للجميع
ابو الحسن - ماليزيا

[نهاد احمد]

السلام عليكم
عمي ابو الحسن كل عام وانتو بخير وعيد سعيد
بالنسبه للفحص هو عباره عن فحص الصدر اولا بعد ذالك فحص شامل واخذ عينه من الدم ليس له اي علاقه بفايروس الكبد بس هي الدكتوره راح تسئله بادق التفاصيل واذا ذكرت انها عده اي شي لازم اجيب تقرير من المستشفى حتى تعالج واذا ماكو علاج فهذا ما يوثر على السفر ان شاء الله
والموفقيه للجميع

نهاد ابو علي

[زيونة]

الاخ العزيز أبو الحسن
كل عام و أنت و جميع الاعضاء بخير بمناسبة عيد الفطر المبارك و أعياد الميلاد و السنة الجديدة لآخواننا المسيحيين ( ولو شوية من وكت بس متظر هههههههههههه )على حد علمي ما أعتقد يؤثر لآن الغاية هي علاج الحالات المرضية أو التي توثر على السفر مثل أرتفاع الضغط على سبيل المثال , بس عندي أستفسار أذا أمكن ؟ أنا قابلت مقابلة أولى بشهر أيلول 2009 و كالو لي سنتصل بك بخصوص الفحص الطبي و لحد الان لم يتصلو . اذا ممكن أعلامنا  كم هي الفترة  من المقابلة الاولى تم تحديد موعد الفحص الطبي مع الشكر .


                                                                          أخوكم زيونة

[rafid82]

عمي أبو الحسن

طبعا بالبداية هذا المرض مارح أثر أبد على سفرهم او عدم سفرهم بس اني اعتقد انه خلي يقولون عن هذا المرض لان اتصور الفحوصات اللي راح اسووه بامريكا راح تبين عدهم ويمكن ينطوهم علاج بس من ناحية السفر مايقدم ولاأخر
رافد

[fddd]

السلام عليكم عمى ابو الحسن الفحص هو اشعة للصدر والفحص الثانى هو اخذ عينة من الدم لفحصها لمعرفة اذا الشخص مصاب بالايدز وفحص يكون الضغط والنظر وفحص اعضاء الجسم من قبل طبيب يعنى فحص سريع ويسال الطبيب اذا اكو مشكلة او مرض وعدد العمليات الى مسويها وشنو هى واذا الانسان يحتاج متابعة لازم يذكرها علمود تدونها لان هذا الفايل يروح وى الاوراق للمنظمة المسؤلة بامريكا هذا الى كتبتة عن تجربة الفحص الى سوا النا بعد موافقة المحلفين

[ابو الحسن]

حبايبي السلام عليكم
الف شكر على ردودكم الكريمة وبارك الله بيكم
خابرت الولد قرايبنا لبغداد ونقلت اله كلامك ونصاحئكم وشوية ارتاح نفسيا وكتله عمي خليها على الله كن فيكون واللي يريده ربنا يصير
الف شكر للجميع وصحة وعافية
ابو الحسن - ماليزيا