الاعضاء الكرام ارجو المشورة

[الصابرة]

اخواني واخواتي في هذا المنتدى الرائع طبعا اني جدا خجلانة منكم ومن تعاونكم وياية في ابداء الاراء التي تخصنا والي  تؤدي بالتالي الى مساعدتي في اتخاذ القرارات علما اني جدا جاهلة بامور الهجرة والسفر واحيانا اقرة المواضيع وماعندي اي اجابات على استفسار الاخوة بس اخواني اني اكو ن شاكرة الكم اذا قدمتو رئيكم في موضوعنا اني وزوجي لان احنا قررنا وبعونه تعالى اذا الله راد احنا نغلق ملفنا باليمن ونسافر الى الاردن ونقدم منجديد برئيكم هذا الشي جائز او لا اذا قدمنا من البداية واذا ميصير كلنا نكعد باليمن ونسكت وننتضر رحمة الله علما احنا هنا واصلين مرحلة مقابلة المحلفين وصارلنا اكثر من سنتينت وبصراحة طولت الشغلة ومندري شلون نتصرف  لان كلما نتصل بيهم يكولون مندري شوكت ومتاجلة الى اشعار اخر قدوم لجنة المحلفين بسبب وضع اليمن الراهن وعلى هذا الوضع صارلنا اكثر من ست اشهر اعرف انو هناك اشخاص الهم فوك الثلاث سنوات واكثر بس حبيت  اطرح موضوعي واشوف رئيكم بس اني اريد اعرف هل يجوز نبدي من البداية في الاردن لو ميصير واشكركم جزيل الشكر اخواني واسفة جدا على الاطالة

[ام فائز]

ختنا الصابره كل عام وانت بالف خير والعائله الكريمه ايضا
انت صدك صابره وان شاء الله ان ينتج صبرج عن نتيجه جيده  اني مع الاسف مراح اكدر اجاوبج على الاستفسار واشك ان اي من الاعضاء عنده الجواب الشافي الدقيق لك
لكننننننننن اني اشوف انو انت تتصلين بيهم او تكتبين الهم ئيميل تشرحين وضعج وتسالين اذا يصير تنتقلين الى عمان لان اذا تغلقين ملفج باليمن الخوف انو راح تبدين من الاول وجديد ابعمان
فاتكدي وان شاء الله الي يعرف الاجابه من الاعضاء راح ما يقصر وياج
اختج ام فائز

[الصابرة]

اشكرج اختي ام فائز على الرد السريع وانتم اشاء الله بالف خير
واحنا بصراحة هنا باليمن مو مثل باقي الدول الاخرى يتجاوبون ويانة همينة مينطون الخبر او اي شي الا بالشافعات بس احنا كلنا نجرب ونشوف حضنا مرة اخرى بعد ما قالت انا ام زوجتي  كالتنا روحو لعمان وشوفو وقدمو من البداية واحنا كلنا ناخذ بعض الاراء وقبل كل هذا طبعا توفيق ربن العالمين وبارداته الكريمة وشكرا الج مرة اخرى اختي العزيزة

[john simon]

عزيزتي الاخت الصابرة
تحية طيبة وبعد,
بالنسبة الى الاردن وسورية اتصور بالنسبة الى العراقيين اشويا اسهل اذا قدمو بيها, لانه من الممكن اذا ان ارفضو من تقديم طلب اللجوء الى امريكا ممكن ان يحولوهم الى اوربا, لذا مثل ما كالت الاخت كبلي حاولي ان تسألين منهم اذا تكدرين ان اتحولين الملف مالتج من اليمن الى الاردن لانه في اليمن الاوضاع متدهورة عسى ان يحالفكم الحظ او تضبط وياكم تقبلي احر التحيات.

جوسي البغدادي نشاط في حقوق اللاجئين والمهاجرين المانيا

[drlexa]

الاخت العزيزة
اول شي كل عام وانتو بخير ان شاء الله ربي تفرج عليكم باقرب وقت.
حضرتج كلتي انه اليمن مو متعاونين وياكم بلاستفسارات...نصيحيتي حاولي تتصلين ب iom عمان لانه الصراحه والواحد يحجيهه لالله متعاونين الناس...وسأليهم بلنسبه لنقل الملف الى عمان شلون وشنو وشوكت...يجوز تلكين عدهم الجواب الشافي... ابعثيلهم ايميل وهمه نفس اليوم او بعد يوم يومين يجاوبوج واذا ما جاوبو خابريهم.
الايميل هو ic@iom.int 
رقم التلفون 0096265625080
  0096265625426

تحياتي وتمنياتي بلتوفيق
اختكم من عمـــّـــان drlexa

[الصابرة]

اشكرم اخي john simon  واختي drlexa واشكر مروركم وتعاونكم معي وانشاء الله راح نحاول نتصل بيهم ويارب يوفقكم ويوفق كل العراقيين اجمعين على روح التعاون والاخوة فيما بينهم واشكركم مرة اخرى اعزائي

[angie-dawood]

اختي العزيزة الصابرة
اني برائي قبل ما تروحي تقدمين بالاردن خابري اليو ان مال اردن واساليهم يصير تنقلين ملفك هناك واذا وافقوا انقلي ملفك احسن ما تقدمين من البداية وربي يوفقك

[الحياوي]

راح احاول اسالك بعد العيد اليو ان الي بعمان
وانشاالله خير واسال اصدقائي بعمان علئ موضوعج
ابشري

[الصابرة]

اشكرك اخوية الحياوي وتسلم على المساعدة والله يبارك بيك ومتقصر اخي العزيز واحب اشكر ايضا اختنا انجي ايضا على تقديم الرئي وانشاء الله هذا كله في ميزان حسناتكم وتحياتي الكم وين متكونون

[الحياوي]

الاخت صابره المحترمه
السلام عليكم
اخي بالنسبه الئ اليمن  والمنظمه الي بيها تختلف  كلياعن الي موجوده في /عمان وسوريا مصر  هذه  دول
نفس الاجراات  اما اليمن تختلق في اجراتها
يعني تقديم جديد
واشوف لو تنتظرون هاي الفتره بلكي تتغتر الامور
واي شي جديد راح اخبركم
طبعا سالت موظف  في الاي او ام عمان

[الصابرة]

السلام عليكم اخي الحياوي شكرا على ردك الكريم وتعبناك ويانا ومقصرت الله يبارك بيك دنيا واخرة ويسهل امرك انشاء الله
واحنا انشاء الله مثل متفضلت حضرتك راح ننتضر شوية ونطي نفسنا فرصة اخرى هنا في اليمن ونشوف النتيجة وياهم وتاليهة وية اليو ان في اليمن وانشاء الله الله يحفظكم ويحفظ العراقيين اجمعين وشكرا الك مرة اخرى اخي العزيز