الاشياء الضرورية بالايام الاولى في امريكا

[الاصيل222]

تحية طيبة لكم جميعا ....
وكل عام وانتم بالف خير واتمنى للجميع السعادة وتحقيق الاماني
طبعا كلنا بحاجة ماسة الى خبرات اخوتنا الذين سبقونا بالسفر
والموضوع قد يبدو مكررا ولكن لفائدة الجميع ....
نسأل اخوتنا الموجودين في امريكا ....
عن ماهي الاشياء الضرورية التي نستطيع اخذها معنا الى امريكا
والتي نحتاجها في البيت ولحياتنا اليومية ..... مثل ادوات المطبخ ,الادوية
,الادوات الصحية ,سمعت احد الاصدقاء انة اخذ ستائر لانها غالية وغير متوفرة ؟؟؟
والملابس و الاحذية (وخاصة حسب الجو)
وايضا مبلغ النقد الكافي لحين استلام الفود ستامب وغيرها....؟؟؟
اخواني ...
الموضوع غير محدود ويمكن لكل الاعضاء الاضافة



ولكم جزيل الشكر

اخوكم   الاصيل  

[lionofiraq]

و انت بالف خير الأصيل و ان شاء الله الأعضاء الي في امريكا يفيدونا بالمعلومات التي اتفيدنا جميعا


تقبل تحيات اخوك طيف من ماليزيا التعبانة

[جورجيا]

عيني اخويه الاصيل 222
الي اعرفه والي سافروا كالولي انو قوري الجاي نادر وجوده وان وجد غالي يطلعله اب 25 دولار تقريبا.
وتعرف احنه العراقين الجاي كلش مهم عدنه فنصيحتي الك ان تاخذ قوري مال جاي امعدل وحلو وخفيف ورخيص.
وكل متشربلك استكان اذكرلي وادعيلي بلخير.
جورجيا

[ريم عبد]

اخويه العزيز
تعتمد على توفر الوزن عندك ومثل مكالت اخت جورجيا القوري ممتوفر بكل الولايات ودلة القهوه ايضا
وبعض العده البسيطه مثل درنفيس متعدد الرؤس
اذا عندك مجال بالجنطه اخذ بطانيه
كل الاكسسوارات للكومبيتر مثل الهيد فون والبلوتوث والكاميرا والميموري ستك  والاحرف العربي وطبعا سيديات
وهاي تلكي تفصيلاتها بموضوع القلاقيل
البردات مو كلش مهمه لان الشقه ايكون بيها بردات ولو خفيفه بعدين حملها او وزنها ثقيل
الادويه طبعا مهمه وتشمل كل انواع الانتيبايتك والمسكنات وادوية المعده وبعض المراهم الضروريه وكل مايخص الجروح والحروق والحساسيه هاي اضافه للادويه الي اتخص حالتكم
الملابس  والاحذيه لتحاول اتكثر منها اخذ بس الضروري لاول فتره
المحجبات ياخذون وياهم ملابسهم الخاصه وملاعيب الحجاب لان ان وجدت فتكون انواع محدده وغاليه
وهذا رابط راح تتونس بيه ايفيدك لهذا الموضوع
http://www.ankawa.com/forum/index.php/topic,308359.0.html
واي استفسار اخر احنا بالخدمه

[عاشق تراب العراق]

اخوي الاصيل فعلا الواحد يرادلة كونتينر وياه من يروح بس موضوع اخونة شبح بغداد بالمواضيع الثابتة اللي هو القلاقيل كلشي بي و كلش حلو اقرا و استفاد منة

تحياتي

[دنفش]

واللة ياخوان اذا على الاحتياحات احنا العراقيين المفروض يحطونا بكتاب كينيس للارقام القياسية بالشغلات اللي نشتريها خاف نحتاجها في يوم ما لان الحروب اللي مرينا بيها والحتياطات اللي جنا نسويها اعطتنا تجربة يفتقر لها بقية الشعوب واني لو ما الوزن جان اخذت كل قلاقيل بيتي يا اخوان اذا بنتي وحدها الاشياء اللي قررت تاخذها ب 30 كيلو واللة من هسة دادور جنط كلش خفيفة  المهم يا اخوان اكو ناس اعرفهم في امريكا متندمين على الشغلات اللي عافوها وما اخذوها وياهم  وطبعا اكو اولويات بالموضوع      تحياتي

[ريم عبد]

اخي دنفش
صح الي كلته اكو ناس اتندموا عل الشغلات الي اخذوها واكو اتندموا على الشغلات الي مااخذوها
واكثرهم ايكولون قللوا الهدوم والاحذيه
 بس جيبوا غراض المطبخ الناعمه
 يعني اذا بنتك لمت 30 كيلو لازم امها تلم 40 كيلو بس الشغلات الي تستعملها بالمطبخ لان باول ايام متكدر تنزل للاسواق وتشتري وهاي مزرف رفيع
لان صح مطبخهم مؤثث بس بالشغلات الضروريه جدا والجداري والطاوات نوعيه رديئه
والي ايروحون دائما اسالهم شنو الشغلات الي اتندمتوا لان اخذتوها وبالعكس الي اتندمتوا لان مااخذتوها
حتى انقلل منا وانزيد منا لان محدودين بالوزن
لو اندور فد طريقة شحن نشحن الضروريات قبل الوقت
وياربي ايسهل عليكم

[MAGGIC]

اخي العزيز  الاصيل 222

كل ماخف وفاد مثل
الملابس النسائيه المحجبات
بعض ملابس الكبار والاطفال
الادويه للاطفال والكبار التي تستعمل دائما
الادوات المنزليه مثل ماذكرو الاخوان البسيطه ابرق شاي قهوة جدر للمرق تمن وبعض الاطباق الخاصه
السجائر والنارقيله
بعض البطانيات الخفيفه
اكسسوارات الحاسبه

ويوجد موضوع يتضمن بالتفصيل المواد كما ذكرو الاخوان

كل عام وانت بخير

تقبل مروري

[ابو خالد]

كل عام وانت بخير يااخونا الاصيل ...

احنا نريدك تسمعنا البشاره وتكول انطوني موعد سفر هاي اهم من كل القلاقيل بشرنا انطوك موعد سفر ومخليها سكته ههههههه

[الاصيل222]

اولا شكرا جزيلا لجميع
الاخوان اللي شاركو بالموضوع
و وضحو بعض الامور..
اما اخي ابوخالد...
اسعدتني مشاركتك واهتمامك
وانا الى الان ما حددولي موعد سفر
بس اتصلت عليهم وقالوا انشالله بالفتره
المقبله وانشالله اذا اعطوني موعد السفر اكيد راح اخبركم ...

[ابو خالد]

آمين يارب يسهل عليك يااخونا الاصيل لان انت عانيت الكثير وانشالله هانت وفات الكثير ومابقى غير القليل وكل عام وانت بألف خير

[ابو عبد الله التكساسي]

اخي الاصيل 222
مع فائق تحياتي واحترامي لشخصك الكريم انت وكل الاعضاء
من تجي جيب وياك فلوس نقد فقط
مره لخ
فلوس نقد فقط
وهاي نصيحتي الك واني احجيلك عن تجربه خاصه بيه
الوول مارت حتى اصغر الاشياء الي ما تتخيلهه موجود (( و من ضمنهه قوري شاي ))
محلات الملابس مزبله و كلش رخيصه واكو غاليه وحسب رغبتك
كل الادويه الي نستخدمها في بغداد موجوده و بنفس الصيغه - ابو الوصفه ينطوكياه بوصفه والي ميحتاج تاخذه من الصيدليات
كل وافضل الالعاب تلكاها اهنا - بلي ستيشن واكس بوكس وهاي الاشياء
افضل جوده للمواد الي ممكن تشوفهه بحياتك لان صناعتهم كله درجه اولـى وحتى الصيني هم درجه اولى ولا يقل كفاءه عن الصناعات الامريكيه
اغلى شي بالاستهلاك هي السكائر الباكيت اهنا بسعر تكه بغداد
السيارات حدث ولا  حرج
الاواني الفخاريه و اواني المطبخ (( جدور المركه وغيرهه)) مكوووووووووووووووووومه اهنا بالوول مارت
ملابس ابد لا تجيب ولا تعب نفسك
البردات مكومه وباي سعر تريد ومن كل النوعيات
ولو ابقى احجيلك للصبح ما اخلص لان العروض اهنا كلش هوايه ومغريه وكلهه تحتاج فلوس وبس

جيب الاشياء الي تحتاجهه فقط اول ايام يعني مثل راديو زغيرون يسليكم بالبدايه
سجاده مال صلاه اذا تريد
اذا عندك لابتوب البدايه جيبه وياك لان حييييييييييييييييييييييييييييييييييل مهم حتى لو قديم وبي وايرلس

هذا ولك مني خاص الدعوات بالتوفيق في وطنك الجديد

اخوك ابو عبد الله التكساسي