اللغه الاسبانيه في الولايات المتحده

[جورجيا]

اخواني واخواتي الاعزاء اليوم اخونه crecket طرح موضوع بخصوص اللغه الاسبانيه في امريكا واني باعتباري  دارسه هاي اللغه 5 سنين  بلجامعه بس من يوم الي اتخرجت بي لليوم لم امارسها لان تعرفون هنا متمشي عدنه حتى سبيت اليوم الاسود الي خلاني ادرسه وراحن اعيوني من القرايه  وبدون اي فائده .وطبعا اني صارلي هوايه متخرجه ودوخت الجهال والبيت نستني منها هوايه بس يرادلي مراجعه بسيطه  واتذكر وممارسه هم شويه واصير اوكي بيها وشويه يمها انكليوزي انطكطك بي .اني دوختكم ابقصتي ويه اللغه الاسبانيه بس اريد اعرف شنو مجالات العمل الي تنفتحلك بارض الاحلام اذا كنت تجيد اللغه الاسبانيه بلاضافه الى الانكليزيه وشكد الراتب ايزيد؟ حتى يصيرلي واهس ابدي اقره من هسه واصير انكلو اسبانيه ههههه  بللغه.
تقبلوا تحياتي
جورجيا

[ريم عبد]

حبيبتي جورجيا
ضروري اتراجعين وتتذكرين لان كلش مهمه هاي اللغه هناك
لان الي يتحدث الانكليزيه هاي شي عادي بس الي يعرف لغه ثانيه حتى العربي يعتبر متحدث بلغتين
حتى ايزيدون سعر الساعه مالته
يعني الي بس يعرف انكليزي اذا ساعته ب7ونص الي يعرف وياها عربي ينطوا 9دولار مثلا
فكيف الي ايجد 3 لغات
يعني اتوكلي على الله ورجعي احيي هاي اللغه بذاكرتج
واي سلاح ايفيد وايحسن من وضعج
وياربي ايوفقج

[blackwater]

فرصج بالعمل تزيد اكثر بكثير من الاخرين ..

واذا تجين لهيوستن راح تتعلمين وتتذكرين اللغة باقل من ستة شهور

[cricket]

الاخت العزيزه

اللغه الاسبانيه هي اللغه الثانيه في امريكا وقد تكون مساويه للاولى في الغرب الامريكي واكثر مناطق الجنوب فلذلك تزداد فرص العمل لمتحدثيها بهوايه من البقيه وبما انهو انتي دارستها فطبعا هذا يسهل هوايه امور في البدايه شفتها صعبه بس مثل ما اوردت سابقا هي تحتوي على اكثر من خمسة الاف كلمه من اصل عربي لتاثير الدوله الاندلسيه في حينها وكثير من الكلمات ايضا مشتقه من الانكليزيه وبمثل ضروفك ودراستك لها مراح تلاقين صعوبه في تذكرها وشكرا جزيلا  ( موتشاس كراسياس )

[ethan texas]

السلام عليكم اختي العزيزة

بالنسبة لولاية رود ايلاند فة اللغة الرسمية الثانية هية اللغة الاسبانية وكثير اتلاكيين اسبانين

وبكل مكان بمحلات وبمطاعم مستشفيات كل مكان

فة هنا تحصليين  عمل اذا كان عندك انكليزي عربي واسباني تشتغلين مترجمة هنا مثل مديسوون هنا العراقيين والعرب

وتاخذين بالساعة 50 دولار  25 الج و25 للشركة الي مسوية وياها عقد

لان كثير من الاسبانيين ميعرفون يحجون انكليزي وكثير من العربي ميعرفون يحجون انكليزي فة رح تستفادين من هذة الشغلة اما الشغل العادي فية الاسباني اذا عندج تكدريين اتحلصيين اي شغل حتى لو بمطعم حتى لو بسوبر ماركت   

طبعا بالنسبة للعقد اشون اسويين

اني المترجمة مالتي ماعدهة عقد
راحت للانترنشنل ستيوت
ما اعرف اشون بصراحة سوت  شهادة انطوهة طبعا اكيد امتحان وراها انطوهة شهادة وراحت اشتغلت بشركة 


واذا اتحبين اسئلهة اني ماعندي اعتراض

ارجو ان افدتج اخوج جوزيف