معلومات عن الشهادة ؟؟

[قلب القوش]

مرحباااااا شلونكم اخواني وخواتي الاحباء
احبائي قبل ايام قريت موضوع عن تعديل الشهادة بامريكا بس شويا مفتهمت كلشي فياريت لو تقدمولي خدمة وتساعدوني
اني هسا بلبنان وسوينا فحوصات 26/11/2009وانشاء الله عن قريب نوصل لامريكا واني اريد اعدل شهاتي هناك
وجايب وياي فقط وثيقة التخرج مصدقة من الوزارة العليا من بغداد ومترجمة  وبيها درجاتي خلال الاربعة سنين والمواد الي درستها بكل مرحلة
فسؤالي هو شنو الي لازم اجيبا وياي بعد من المستمسكات الي راح احتاجها؟؟؟؟؟

وشكراااااااا
تحياتي لكل اهل الخي وللطيبين

[lionofiraq]

السلام عليكم اخوية اسف راح اسالك سؤال خارج الموضوع

شكد طول موعد السفر بعد اكمال الفحوصات الطبية؟؟؟؟؟

هل و سبق ان عملت مع قوات التحالف لو لا؟؟؟؟؟؟

[ميكانو]

السلام عليكم

حبي قلب القرش اني راح اكولك الي صار ويه صديقي في اميركا

هوطبعا خريج هندسة جامعة بغداد قدم على احدى افضل الجامعات في اميركا وطلبوا منه

1- وثيقة تخرج مترجمة ومصدقة من الخارجية العراقية
2- وثقية جدارية مصدقة
3- وثيقة اعدادية مصدقة ايضا

ولما قدم كالوله انتي مستوفي ومتحتاج معادلة شهادة لان جميع المواد والوحدات مطابقة لجامعتنه  وحته انطوا رقم وايميل الجامعهكالوله اذا تحب تقدم على اي شغل انطيهم هذا الرقم والايميل واحنهنؤيد لهم انه انته شهادتك معادلة للشهادة الي تمنحهه الجامعه

وبقه فقط يمتحن توفل ويمتحن جي ار اي ويقدم عالماستر

هاي حسب معلومات صديقي والله اعلم

وتحياتي الك

اخوك ميكانو

ينتظر الفرج

[قلب القوش]

السلام عليكم اخوية اسف راح اسالك سؤال خارج الموضوع

شكد طول موعد السفر بعد اكمال الفحوصات الطبية؟؟؟؟؟

هل و سبق ان عملت مع قوات التحالف لو لا؟؟؟؟؟؟

اخوي العزيز اني بعد ممسافر بس سويت الفحوصات ودانتظر نتيجة الموافقة
وكلا لم اعمل مع قوات التحالف

[قلب القوش]

شكرا اخ العزيز ميكانو على المعلومات راح احاول ان يدزولي الشهادة الاعدادية والجدارية وشكرا الك اخوي
واتمنى ممن يعرف اكثر شنو لمستمسكات الي اجيبها بعد ؟؟؟ علما انا خريج تربية قسم رياضيات

تحياتي الكم

[eng.a7med]

السلام عليكم

اخي العزيز اني ايد كلام الاخوة و ازيد علية انه يفضل لو عندك رسالة ركومنديشن من احد اساتذتك بالجامعة بالعراق معنونة الى الجامعة الي راغب تدرس بيها .

تقبل مروري

[قلب القوش]

السلام عليكم

اخي العزيز اني ايد كلام الاخوة و ازيد علية انه يفضل لو عندك رسالة ركومنديشن من احد اساتذتك بالجامعة بالعراق معنونة الى الجامعة الي راغب تدرس بيها .

تقبل مروري

شكرا اختي العزيزة بس شنو يعني رساله ركومنديشن؟؟ يعني شنو يكتب الاستاذ بيها ممكن توضحيلي
وتحياتي الج

[eng.a7med]

اخوية العزيز اول شي ان اخوك مو اختك و اتصور مبين من الاسم eng.a7med 

المهم رسالة توصية يكتبها احد اساتذتك او رئيس القسم بيها توصية انه انته خوش طالب و ينصح بان اتكمل دراستك و الكليشة ايعرفوها الاساتذة و اكو من كتب عنها بالمنتدى قبل

تحياتي

اخـــــــــــــــــــــــــــــــــــــوك احمد

[قلب القوش]

اوكي اخوي العزيز  واسف مو عن قصد بس منتبهت
وشكرا الك على التوضيح
تحياتي الك ياورد

[Aouss]

اخواني مو جان اكو موقع او منظمه ترسل عليها شهادتك من جامعتك مباشرة للمنظمه وهي تحدد تتعادل الشهادة لولا؟

[شبعت من الاهرامات]

السلام عليكم
اخي العزيز اذا تحب تشتغل باختصاصك فجيب كل الي كالولك عليه الاخوه بالاضافه الى فد ورقه تثبت انت مشتغل بهذا الاختصاص ومن تجي بخير وسلامه تكدر تقدم على معلم او مدرس بالمدارس العربيه وان شاءالله يقبلوك بدون معادلة شهاده
وان شاءالله الموفقيه

[الدكتور هندسه]

الاخوة الاعزاء في منتدى عينكاوا بالنسبة الى معادلة الشهادة اود ان اوضح مايلي:
 يجب الحصول على الوثائق بالدرجات باللغة الانكليزية لكافة المراحل الدراسية بعد الاعدادية
ويجب الحصول على الجداريه باللغة العربية, الحصول على الاستمارات الخاصة من الموقع عبر الانترنيت وملئها حسب ما هو مثبت بالاستمارة, هناك عدة مواقع لمعادلة الشهادة بعضها محدد بولايات معينه وبعضه لكافة الولايات حسب راي الشخصي افضل موقعين هما http://www.wes.org/  و http://www.ierf.org/ لكل موقع متطلبات معينة وخاصة
وهذه المعلومات حسب خبرتي البسيطة عسى ان تفي بالمطلوب ومن الله التوفيق