ماهي المناشدة؟؟ رجاءا مساعدة من الاخوان؟

[chicho]

مرحبا اخواني الاعزاء

نصحوني بعمل مناشدة لتحريك قضيتي في اليو ان

 اريد اعرف شنو يكتبون بالمناشدة ؟؟

يعني اكو صيغ متعارف عليها لو نكتب بكيفنا ؟

وشكد الفترة اللي لازم نرسل بيها المناشدة ؟ يعني كل اسبوع لو كل شهر لو شكد؟

وهل نرسل نفس الرسالة الاولى لو لازم كل مرة نغير بيها حتى يهتمون اكثر؟

 رجاءا اخوان اذا اي واحد عندة خبرة بهالموضوع يساعدني 

 ومشكورين مقدما

[الحياوي]

كل ا سبوع وحده
طبعا تعنون الئ مدير المفوضيه الساميه
او الئ قسم الحمايه  اذا ما موطن
اوالئ قسم التوطين اذا متاخر
 اناشدكم بالنظر لقضيتي والباقي عليكم
الاسم ورقم الملف
واي اضافه راح يساعدوكم الاخوه الاعضاء

[chicho]

اخي العزيز الحياوي


اشكرك على الرد وفي انتظار المساعدة  من باقي الاخوة في محتوى رسالة المناشدة

[salah-eng]

السلام عليكم اخي العزيز
المناشدة ضرورية ومرة من المرات لمن كنت اتصل على المفوضية لغاية الاستفسار وكالعادة رد على استفساري ما كو شي جديد قلت اله والحل رد علي قال اخوية بيك وما بيك ابعث مناشدات ترى هذي تحرك الامور بعض الاحيان
اخي حاول ترتب ورقة المناشدة طبعا تبدي معنونة فوق اول الورقة الى القسم الي تريد مناشدته
وترتيبات بداية الكلام اذا حاب تبديه بالسلام او التحية او ما تراه مناسبا وتكتب سبب مناشدتك وحاول تختصر حتى لاينحسب عليك كلام من ضمن قضيتك اعطي رووس اقلام مفهومة وطبعا اذا كان عندك جديد لموضوعك تضيفه وهذا من صالحك وخليه رووس اقلام ويعتبر مثبت عندهم يذكرونك به خلال المقابلات بعد ما تخلص هالمواضيع بالرسالة تختمهه بالسلام او التحية وشكا طبعا يعني من هال السوالف الي يكيفون عليها واطلب بالرد السريع على رسالتك وموضوعها وهم دايما اخر الاسبوع يتصلون على هذه الطلبات
اخر الرسالة وبالزاوية وهذا ضروري تكتب اسمك وجواه رقم الملف وجواه رقم التلفون المثبت عندهم وهذا مهم
وبعدها تلف الورقة وتخليها بضرف وتغلقه او تلزكة وبرة الضرف تكتب اسم القسم الي تريد تخاطبه بالمفوضية واسمك ورقم الملف ورقم تلفونك وهذا ايضا مهم
وهذه الامور نتيجة تجارب اخوتنا وسوالنا لموضفين المفوضية مع شكري وتقبل مروري
اخوك صلاح

[chicho]

اخي العزيز

صلاح


 الف شكر على الرد الوافي  واعطائي فكرة موسعة عن المناشدة وطريقة ارسالها وتفاصيلها الداخلية

 وانشاء الله التوفيق للجميع والكل يوصلون الى البلد اللي يريدوه

 تحياتي لكل الاعضاء

[salah-eng]

اخي العزيز
اسف بس نسيت اذكرك شي للفائدة قبل ما ترسل المناشدة استنسخها وخلي نسخة عندك للحاجة او تراجع الامور الي ذكرتها الهم ايام المقابلات وشي مهم لا تنسى ان تكتب التاريخ اي تاريخ المناشدة عند خانة الاسم ورقم الملف ورقم التلفون وثم خلي التاريخ اسف اني نسيت اذكرهن بس حبيت المساعدة وربنا يوفقك ويسهل امرك
 
اخوك  مهندس صلاح

[ابو الحسن]

عمي شنو هاي المناشدة الله يخليكم ؟
واكو كليشة جاهزة ؟لو احنا نكتبها ؟
الف شكر
ابو الحسن -ماليزيا

[الله...محبة]

عمي الكبير ابو حسن
الاخ صلاح مشكورا جاوب بصورة سهلة وشاملة جدا على طبيعة المناشدة

والرب يسهل امورك وامور كل اهلنا

الله محبة

[alqaragulli]

ما دام مدريدي تستاهل كللللللللللللللل خير

[أبن خير]

أخي الكريم

شكرا للأخ  صلاح على الشرح الوافي .
أني برأيي المتواضع أعرف منو اللي قابلك أول مقابلة باليو أن من أستلمت
كارت اليو أن وحاول تتصل بالشخص وتتكلم معاه مباشرة وهذه طريقة هواية تفيد
واشرح الظروف اللي دتمر بيها واللي واجهتك وحاول تقنع هذا الشخص بطلب مقابلة
معه لأجل وضع النقاط على الحروف بالنسبة لملفك .
هذا الكلام بخصوص عدم أستفادتك من أرسال الرسائل أسبوعيا لليو أن ..
تحياتي وأرجو الفائدة ..

أبن خير

[chicho]

تسلمون اخوان وماقصرتوا

والف شكر للجميع