ماقبل السفر الررررررررررجاء المساعدة من الاعزاء

[melad80]

الاخوات والاخوة الاعزة بس اريد اعرف جواب مفصل عن موضوع الغرامات الباقية على اللي مباشر على iom عمان يعني ميسلم الجواز للمفوضية وهيه تتكفل , ايروح هوه ابنفسة لدائرة الاقامة الاردنية ويتكفل بالشغلة لو iom  ايحلهه علما ايكولون اكو تعليمات جديدة بس مدا احصل جواب ولا اتصال بيهم مع الشكر مقدما

اخوكم ميلاد العراقي

[Revolver]

عيوني,

جيك هذا الرابط وان شاء الله يفيدك .....


http://www.ankawa.com/forum/index.php?topic=367086.0



ريفولفر

[melad80]

اشكرك اخوية العزيز على المبادرة الحلوة بس الكلام قديم اولا ويخص جماعة الامم المتحدة المفوضية واني سؤالي على المباشر يعني عن دور ال iom مع المحبة
اخوكم ميلاد العراقي

[ام عبداللة العراقية]

اخويه اتوقع ال iom يحلها حتى لو انت مقدم مباشر عليهم
واتوقع همه لازم يفهموك بهذا الشي
اتصل بيهم او ابعث ايميل الهم

الموفقيه ان شاءالله

[drlexa]

الاخ العزيز
اذا حضرتك تقديم مباشر عل iom فما يحتاج تسلم جوازك لل UN بدير غبار...تبقيه يمك الى يوم السفر...اما بلنسبه للغرامات فنعم لازم تروح بنفسك للاقامة والحدود بتلاع العلي و انت تختار يا اما تدفع الغرامات المترتبه عليك يا اما تسوي ابعاد...يعني تسقط الغرامات عنك بس ما يسمح الك دخول الاردن 5 سنين....وبعد اكمال احد هاي الاجراءات ينطوك اسبوع لازم بخلالها تغادر البلد....واذا اضطريت تدخلهه قبل الخميس سنين فتكدر تلكيلك كفيل اردني يكفلك وطبعا تدفع الغرامات يله تكدر تفوت للاردن مره ثانيه...اما عن القوانين الجديده الي حضرتك دتكول عليهه فتعذرني ماعندي علم بيهه.

تمنياتي بلموفقيه.

اختكم من عمــّـــان drlexa

[ام فائز]

اخونا العزيز اؤيد كلام الدكتوره لان عدنا اصدقاء كان تقديمهم مباشر يعني ما الهم علاقه بالمفوضيه الساميه للاجئين وكانت غراماتهم كبيره لانهم اربعة انفار فراح الرجل قبل يوم من السفر الى مديريه الحدود بتلاع العلي وسوه ابعاد
ومن الله التوفيق

[osama5477]

اخي العزيز حسب معلوماتي واني هم من الناس التقديم المباشر وسئلت ال IOM وكالوا ما الهم اي علاقة بالغرامات يعني انته تروح لو تدفعه لو تسوي ابعاد ، وبالمناسبة التعليمات الجديدة تخص الي يسافرون عن طريق اليو ان ، بسبب تقليص ميزانية ال UNHCR فهمة مراح ايدفعون الغرامات ابتداءاً من شهر ال 12 والكل راح يسوله ابعاد لو هوة يدفع الغرامات

[mothna]

سلام عليكم اخواني
تحيه الى الاخ اسامه
ممكن  اعرف منين جبت هاي المعلومه لان عندي اصدقاء بعد اربعة ايام يسافرون وهمه عن طريق اليو ان ومحد بلغهم بدفع الغرامه ولا الابعاد ممكن تتاكدلي من المعلومه
اخوكم مثنى من عمان

[drlexa]

ولو الحجي صار بعيد عن موضوع الاخ ميلاد
بس حبيت اصحح معلومات الاخ اسامه...اليوم رحت لليو ان وسلمت جوازي واستفسرت عن هذا الموضوع وقال لي الموظف انه قبل فتره كانو يسوون ابعاد للمتجاوزين بس من حوالي شهرين بدت المفوضيه تدفع الغرامات ومايسوون ابعاد.

اختكم من عمـــّــان drlexa

[melad80]

 تحية مع الشكر الجزيل للاخوة والاخوات اللي ردو على الاستفسارات والسبب ان تلفونات الجماعة iom متتحصل والضاهر ماكو غير الروحة للاقامة ودفع الغرامات الثقيلة , بس سؤال اخير على كيس ال om اللي يحوي الاوراق الثبوتية لكل واحد انراجعهم قبل ابيوم لو نستلمه بالمطار ؟ مع الامنيات الحلوة والموفقية للجميع

[drlexa]

الاخ ميلاد
الكيس تستلمه بلمطار...روحة ال iom بيوم السفر هي بس حتى توقع على عقد اتصور مال دفع فلوس الطياره بلاقساط وينطوك مثل كارت بيه لاستيك حتى تعلكه بلجنط مال سفر....بس الكيس بلمطار يكون اكو مندوب من عدهم يجي ويسلمنه الاكياس.

بلسلامه ان شاء الله

اختكم من عمــّـــان drlexa

[ام محمد]

يا جماعة اني تقديم مباشر وقبل فترة خلصت اقامتي وخابرت على iomوكالتلي لازم تدفعون الفلوس لو ابعاد قبل السفر لان مقدمين عليهم بس الي مقدم على اليو ان همه يتكفلون بكل التكاليف وبع ما اعرف شنو التطورات الجديدة

ام محمد

عمان