شرح لفتره المساعدات بالنسبه للاجئين و (SIV) عن تجربه في تكساس

[Falcon1982]

أخوتي الاعزاء اسف على غيابي الطويل وذالك لانشغالي في امور الحياه .

حبيت اعطيكم معلومه عن فتره المساعدات ونوعيه المساعدات.

خلينا نبدي بالاصل سنه 1996 صدر قانون في امريكا يمنع اي مساعدات فدراليه للداخلين للولايات المتحده الامريكيه باي صفه كانت ( كل الفئات عدا حاملين الجنسيه) لمده خمس سنوات من تاريخ الدخول.

سنه 2000 صدر قانون يستثني الاجئين من القانون السابق لمده 5 سنوات.

سنه 2006 صدر قانون يستثني SIV  من قانون المنع لمده 6 اشهر يعني بعدها يطبق عليهم قانون المنع .

سنه 2008 صدر قانون يستثني SIV  العراقيين فقط من قانون المنع لمده 8 اشهر بعدها تقطع المساعدات .

علمود نكون واضحين هذا المنع يشمل المساعدات الفدراليه او مساعدات الولايه الي يدخل فيها اموال فدراليه  يعني يحق لكل شخص الحصول على المساعدات بشرط ما يكون فيها نسبه من الاموال الفدراليه .

هذا الشئ يعتمد على الولايه لان كل ولايه تختلف برامجها يعني اكو ولايه بيها الفود ستام  مابيه نسبه من الاموال الفدراليه او ولايات ثانيه بيها برنامج الفود ستام بيه نسبه فدراليه وهذا ينطبق على كل البرامج وماكو فرق بين طفل او بالغ.

اخوكم فالكون1982

[show]

حيا الله اخونا فالكون
اشرقت و انورت
هذا الخبر صار كم يوم يفتر بالمنتدى و يبدو ان مساله المساعدات تختلف من المهاجر الى اللاجء

شكرا للتوضيح و مرحبا بك مره اخرى

بالتوفيق للجميع

[Revolver]

عاش من شافك اخ فالكون, والف شكر على الموضوع .

ريفولفر

[ابو عبد الله التكساسي]

شكرا

[dento_10000]

شكرا اخي فالكون عالشرح بس اكو سؤال..بالنسبه للاجئ الي دخل لامريكا واستلم مساعدات ل8 اشهر بعدين حصل على الكرين كارد بهاي الحاله يكدر يقدم عالمساعدات من جديد؟ يعني اللاجئ الي ياخذ كرين كارد شنو حيكون وضعه..

[عكعك التطوى]

تحيه طيبه اخ فالكون وسعيدين بوجودك مره اخرى وشكرا على المعلومه بس مو خوش سالفه

تحياتي

شكرا اخي فالكون عالشرح بس اكو سؤال..بالنسبه للاجئ الي دخل لامريكا واستلم مساعدات ل8 اشهر بعدين حصل على الكرين كارد بهاي الحاله يكدر يقدم عالمساعدات من جديد؟ يعني اللاجئ الي ياخذ كرين كارد شنو حيكون وضعه..

اخي بشكل عام المساعدات تنقطع بعد 8 اشهر وقسم اقل وقسم اكثر حسب الولايه اما الفود ستامب يستمر وينقطع اذا واحد اشتغل وراتبه يوصل بحدود 2500-3000 $ واذا بطل من الشغل يكدر يقدم من جديد عليه وهذا الكلام سواء عندك كرين كارد او لا


وهذا جواب الاخ فالكون

سنه 2000 صدر قانون يستثني الاجئين من القانون السابق لمده 5 سنوات.

تحياتي للجميع
[/color]

[dento_10000]

شكرا  اخي عكعك جوابك صحيح بس بحاله اذا شخصين متزوجين وماعدهم اطفال يحقلهم يرجعون يقدمون عالمساعدات اذا فقدوا شغلهم؟ اعتقد ميصير بس مو اكيد.

[شبعت من الاهرامات]

السلام عليكم
فقط عندي توضيح على الفود ستامب .
مو بكل الولايات الفود ستامب يستمر ,اكو ولايات الفود ستامب 6 اشهر وينقطع اذا الشخص اشتغل او مشتغل (وهذا كلان من لاجئيين صارلهم اقل السنه بامريكا بولايات غاليه ) ومن راجعوا منظمة الفود ستامب كالولهم هذا النظام ماشي هنا الفود ستامب للاجئ فقط 6 اشهر. واكو ولايات مينقطع الفود ستامب الا يصير دخل العائله مبلغ تحدده دائرة الفود ستامب (واقل شي لعائله 3 نفرات يحددون 2000 دولار بالشهر)ومن ضمن هاي الولايات تكساس مينقطع الفود ستامب الا دخل العائله يعبر الرقم المحدد
وان شاءالله الموفقيه للجميع

[أبن خير]

كل الهلا بيك أخونا العزيز فالكون والله ألك وحشة .. مشتاقين لكلامك الجميل والرائع ربِ
حفظكم ويهنيكم .. شكرا ألك على هذه المعلومات القيّمة .. بس كولت أخونا عكعك مو خوش
تحياتي للجميع وشكرا لك ..

أخوك أبن خير

[ســـرى]

شكرا لك على المعلومات سؤالي انه اذا واحد siv وطالع لأمريكا على حسابه ينشمل بالمساعدات اذا قدم عليها من أمريكا من يوصل لولا؟ وشنو المطلوب من عنده؟

[دنفش]

الرجاء من اللي عندة معلومات على المنضمات في نورث كارولاينا وفترة المساعدات فيها مع الشكر