تمت المقابله على خير (والحمدلله)..بس......

[ام عبداللة العراقية]

مرحبا يااطيب ناس شلونكم ان شاءالله بالف خير
احب اطمن كل واحد الي معاملته مثل معاملت والدي والي هي (معاملة العسكرين)
طبعا راح اليوم والدي لل un طبعا مقابلته الساعه عشره الصبح هو راح الساعه ثمانيه
هو باب المفوضيه
طبعا بعد ما مر الوقت طلعتله مستشاره اجنبيه ومعاها مترجمه عربيه (شي اكيد)ههههه
ودخلته بلش الخوف
كانت المقابله من الساعه العاشره صباحا الى الساعه الواحد والنصف ظهرا يعني
(ثلاث ساعات ونصف)
طبعا المقابله كانت كلها بخصوص العسكريه يعني بصراحه
(نبشوا نبش لابويه)
طبعا حتى خارطه المستشاره جايبه تكله ل بابا راويني على الخارطه
وين تكون فلان منطقه وفلان منطقه.........
وكل فتره طلعه ل بابا يرتاح وبعدين يرجعله
وسالته كل شي يخطر على بالكم بخصوص العسكريه يعني حتى من ظمن الاسئله
الناس الي بلشارع تسمعهم يسبون النظام السبق وانتوا تخيلوا الاسئله الباقيه شلون تكون
وسالته انت مريض وشنو مرضك ونضاف شي جديد على قضيتكم
وبلنهايه كلتله هذا الملف راح يرفع ومن يرجع احنه نتصل بيكم
وكالت بس ما اعرف المده شكد لانه في زحم كبير على التوطين
وبلاضافه ماكالت وين ترفع بس اتوقع لامريكا حتى لو وافقوا على الملف
تروح لل iom
وطبعا احب اضيف انو المستشاره كانت ضابطه بلجيش الامريكي طبعا هي الي كالت
واسفه جداجدا على الاطاله بس حبيت اكتب كلت بلكي افيدكم بشي
واتمنى الموفقيه للجميع

[rafid82]

الاخت ام عبد الله ان شاء الله خير و هذا ترة اجراء عادي  من قبلهم وخاصة للعسكريين لان تعرفين هو المحلف امريكي وهاي مسؤولية من ادخل شخص الى بلده  وهو الشخص العادي يسألوه كلشي بعد اذا كان عسكري فأن شاء الله خير  وما الك بس الصبر من الله

اخوك رافد

[عكعك التطوى]

ان شاء الله خير اختي ام عبدالله والله يتممها بالخير باذن الله والملف اختي يرفع الى لبنان للمصادقه على الملف والعمليه تاخذلها المفروض بين 4-10 اسابيع لرجوعها الى ال UN ومن ثم تحويلها على IOM

اتمنالكم الفرج والتوفيق

تحياتي

[MAGGIC]

ها شكلنا اخي العزيزة ام عبداللة العراقية

اقري ردي على موضوعك الي كتبتي قبل مقابله الوالد وراح تعرفين البقيه

المهم الغ مبروك وشايفين الخير


تحياتي

[ام محمد]

الف مبروك وشايفين كل الخير والتساهيل من رب العالمين

ام محمد

[عاشق تراب العراق]

بيهة الخير اختي ام عبد الله بس اريد اسال سؤال الوالد بالحرب الاخيرة كان بالخدمة لو لا ؟؟؟؟؟

[Revolver]

اختنة العزيزة ام عبدالله,

شايفة كل الخير ان شاء الله, واتمنالكم الموفقية وربي يحفظكم ويرزقكم راحة البال ..

ريفولفر

[ايات]

الف مبروكوان شاء الله خلصت هذه المرحلة والمراحل الباقية هم بسرعة بس  نصيحة اختي خلي الوالد يكتب كل الي كاله لان هذه نفسها راح يعيدها مرتين بالمنظمة ومقابلة المحلف الاخيرة  ..........اختك ايات

[الحياوي]

الحمد لله
كنت خايف من الرفض وطول المسئله
الله يصبره ويسهله عليكم
الف مبروك

[نهاد احمد]

اختي ام عبدالله
الف مبروك وشايفه كل الخير وان شاء الله يوم سفركم
والموفقيه للجميع

اخوكم نهاد ابو علي
من مصر

[y.a.r.a]

الحمد لله والشكر خلصت وان شاء الله خير ياربي
وشكرا لان نقلتي كل التفصيلات
عسى ان اتفيد الي عدهم حالات مماثله
وياربي ان شاء الله باقرب وقت يوصلكم الرد وترتاحون
وايوفقكم وايسهل امركم

[اين انا 2]

الف مبروك لل اخت ام عبدلله عل اتمام المقابلة بخير وسلام...

[abo abo]

الف مبروك اختي عل هل خبر الحلو وانشالله الله يتممه عليكم بالف خير ونسمع عن قريب اخبار بعد احسن يارب عن ملف والدك



اخوكم ابو علي

[violin]

الف الف مبروك اختي العزيزة
انشاءالله الموفقية وتشوفون كل الخير . يارب ايسهلهه عليكم وعلينة
تحيايي

[ابو خالد]

الله يسهلها على والدج انشالله واطمئني ام عبدالله ترى ماتطول الشغله وراح يدزون على ابوك انشالله بس خلي يحفظ الكلام الي كاله حتى بالمقابلات الباقيه يصير تطابق بالكلام

[ok_ok755]

انشاء الله يا ربي يتممها عليكم بالخير.

[ام عبداللة العراقية]

طبعا اولا  كل عام وانتوا بالف الف خير ان شاءالله تحقيق الاماني
لانه بعض الاخوه والخوات ما عايدتهم
ثاني شي الف شكر الكم على ردودكم الي طمن الواحد وتريحه
ثالث شي سالني الاخ عاشق تراب العراق انو والدي مشارك بالحرب الاخيره او لا
اي والدي مشارك بالحرب
الموفقيه للجميع

[عراقي وافتخر 4]

الف مبروك اخت ام عبد الله والله يفرجها ويسهلها عليكم بالسفر السريع

[ام عبداللة العراقية]

الف شكر للاخ عراق وافتخر 4
الله ان شاءالله يوفقك ويسهل امرك

[salah-eng]

بالتوفيق اختنا والمهم انتو عرفتوا هسا السالفة حتى تطمنون اكثر ومثل ما شفتي موضوع روتيني يجري على كل الضباط وهية بس مسالة وقت لا اكثر وتفرج انشالله ونسمع اخباركم الطيبة انشالله


اخوك مهندس صلاح

[الناسك]

بالتوفيق وربي يفتحهة بوجهكم
وان شاء الله يوم السفر والوصول
النــــــــــــــــــــــاسك

[الله...محبة]

مبرووووووووووووك والله يسهل الامر ومتحسون الا ويوم السفر جاي
الهنا عظيم ومينسى عباده

الله محبة