عاجل عاجل جدا بخصوص نتيجة المحلف يوم 5/12

[عراقي وافتخر 4]

السلام عليكم اخواني وتحية لهذا المنتدى الرائع من ادارة والى كل الاعضاء

اخواني الاعزاء حبيت اسالكم واستشيركم وارجوا الرد باقرب وقت ممكن ..قابلنا محلفين في عمان/الاردن وطبعا توطين احنا وعددنا5في يوم 2/11وعلى ان نستلم المغلف يوم 5/12 واليوم فوجئنا باتصال من قبل الهجرة على تلفون الوالدة  وكان كاللاتي (حضرتك ن اي اسم الوالدة تغير الموعد من 5/12 الى يوم 8/12الساعة 8صباحا وطبعا الوالدة من وقع الصدمة نسيت ان تسالها هل اتي فقط وحدي ام انا وزوجي واولادي ؟؟؟لان الوالدة كانت تنتظر يوم 5/12 بفارغ الصبر وانتم تعرفون حق المعرفة ما هو العامل النفسي والضغط النفسي في مثل هذه الامور مما ادى الى ارتفاع صغطها والان هي طريحة الفراش لان اتصلت بكل من تعرف من الاصدقاء والاقارب بان يوم الثلاثاء هو يوم الرفض وعلما انا حاولت مرارا بالاتصال على الهجرة مرة ثانية للاستفسار فقط امي تاتي يوم الثلاثاء ام نحن ابنائها والوالد ايضا علما بان الملف كان في المفوضية قبل الدخول مرحلة الهجرة باسم الوالدة والغريبة في الامر بعد مقابلة المحلفين 2/11 اتصلوا على الوالدة وطلبوا من انا ابنها واخوتي بان نعمل الفحوصات الطبية طبعا بدون الوالد والوالدة ولا اعلم لماذا؟؟؟ وعلما بان ملفنا وقضيتنا خالية من اي انتمائات عسكرية او سياسية او حزبية وكان سبب الخروج حال كل العراقيين التهديد والاضطهاد والعنف الطائفي ..علما بانا خرجنا من العراق 2004 ورجعنا للعراق نفس السنة مرتان ومن ثم سافرنا ولم نعد الى العراق منذ ذالك الوقت... اخواني الاعزاء ارجو التكرم بالرد بسرعة لاريح قلب والدتي المريضة شاكرا وممتننا صبركم في قراءة رسالتي وبارك الله بيكم والسلام عليكم

[rafid82]

اخي الكريمة
انت ليش تخلون الصورة الاسؤا في بالكم  قولي للوالدة الله موجود وما ينسى عباده وترة الصحة والعافية تسوه أبو امريكا أني هم سامع الثلاثاء رفض ولكن مو شرط يمكن اكو زخم لان اني قابلت يوم 9\11 محلف  وهم اعطوني 5\12 يعني هواي عوائل وانت تقول سويتوا فحص وهاي علامة جيدة اخي الكريمة اهم شئ صحة الوالدة والافضل الواحد مايستعجل الامور وثاني شئ ترة مو نهاية العالم  ياسامح الله رفض تقدرون تقدمون أستئناف  او لغير بلد  صحيح صبر و انتظار

بس ترة والله من قرأت الراسلة مالتك انقهرت على الوالدة وقول لها الصحة اهم شئ وان شاء الله خير يمكن يسون اعادة محلف لها او يردون يتأكدون من شئ 
طبعا يوم الاستلام يكون فقط صاحب القضية يروح يستلم الملف ولكن نصيحة وبهاي حالة الوالدة يفضل يكون واحد وياهه  ماعده الا العافية والصحة ان شاء الله
والله موجود
اخوك رافد 

[salah-eng]

اخي العزيز والف سلامة للوالدة والله ما يسوى ولا تتعب بهاي الطريقة
من حقها تخاف وتقلق وتتاثر وهاذا شي مو هين بس انتم لا تبنون الامر بهاي الطريقة يا اخي اكو زخم استلام ضروف مو طبيعي لانه راح تكون اعداد كبيرة متواجدة وصار التقسيم بهاي الصورة وحاولوا تهدون الوالدة وخوفا على صحتها الي تسوى الدنيا وما بيها وتفالوا بالخير وربك كريم يا اخي وانشالله الف سلامة للوالدة ونشوف ضحكتهة وراسها العالي
وبنفس الوقت بما انك تقول انك سويت فحص طبي انت واخوانك حاول تحصلهم اقصد المنظمة بالتلفون يوم السبت او ارسل ايميل من الصبح او هسا حول حظوركم انتم الي فحصتوا وتواجدكم يوم السبت بالمنظمة وبنفس الوقت واذا ما جاوبوكم خلي واحد يحضر يوم السبت ويكون متواجد واستفسر من الامر
وربنا ارحم الراحمين وبلغ سلامنا للوالدة والله قلبي صار يوجعني عليها وما يكون عندها الا العافية
ونسمع فرحت القبول اللعائلة ولجميع المنتظرين واخوانا بالمنتدى والليلة جمعة وانشالله الدعاء بيها مستجاب
واني راح ادعي للوالدة بالصحة والشفاء وتيسير امرها يارب
اخوك مهندس صلاح

[عراقي وافتخر 4]

الشكر الجزيل يااخ rafid82 على ردك السريع وعلى شعورك الطيب والله يحفظ والدتك واهلك ويشفيلك كل مريض ومو غريبة عليك وعلى كل العراقيين احنا الطيبة والنخوة والشهامة والوفى طبعنا..والله احنا متوكلين وخاليه يم الله ومثل ماتفضلت الصحة والعافية اهم بس حضرتك تعرف الضغط النفسي وتاثيره والله احنا شباب نتحمل ولو بعض الاحيان نشعر ان الامر اصبح فوق طاقتنا خصوصا الانتظار صعب وقلق نفسي مابالك اسم الله عليك كبار السن الوالد والوالدة اصحاب الامراض المزمنة مثل الضغط والسكر...والله يااخ رافد اليوم صار عدنا انذار وعلى اعصابنا حيل توترنا مو على موعد التاجيل بس على الوالدة الحمد الله على كل حال بس شي يعني اكثر من طاقتك وحال كل العراقيين في هاي المرحلة يعني وصلنا مفترق الطريق ادعو من الله الموفقية بالقبول لحضرتك والى كل  اعضاء المنتدى والى كل العراقيين بنتيجة القبول والسفر السريع ...شكرا لحضرتك والى كل اعضاء وادارة المنتدى الرائع

[عراقي وافتخر 4]

الشكر الجزيل اخي salah-eng مهندس صلاح على الرد السريع وعلى شعورك النبيل الله يسلم قلبك ياطيب ويحفظ والدتك والدك واهلك وينطيك الصحة والعافية ودوم راسك عالي يارب وصل سلامك ياطيب والله يبشرك بالخير يارب ايكون هذا السبب التاجيل هو الزخم والله الحمدالله ارتفعت المعنويات شوية ... ومثل ماتفضلت هو الموضوع موهين والصحة اهم بس تعرف احنا بشر ... شباب نتحمل بس الكبار بالسن وعدهم امراض مزمنة اسم الله عليك اتحملوا بمافيه الكفاية ... مثل ما تفضلت علينا ان نكثر من الدعاء وخصوصا الليلة ليلة جمعة يارب الله يشفي كل مريض و  يفرجها عليك بالقبول والسفر السريع و على كل اعضاء المنتدى الرائع امين يارب ...ومرة اخرى يااخي اشكرك الشكر الجزيل والله يحفظك ويوفقك ويسر امورك

[yousifwasim]

اخوية عراقي,
اني نفس الحالة صارت بينة قبل 3 اشهر, احنة استلمنة الظرف يوم السبت و الوالدة الثلاثاء و كان كل اللي استلموا قيد الدراسة.
ببعدها ب 3 اسابيع خابرونة و كالو انو المحلف وافق و احنة هسة بانتظار موعد السفر.
ان شاء الله ما عدهة الا العافية و الله يطمن قلوبكم

[عراقي وافتخر 4]

الشكر الجزيل يااخي yousifwasim على ردك السريع والله يحفظك  وينطيك الصحة والعافية الك والاهلك والله يبشرك بالف خير والله كاعد على اعصابي انتظر من حضرتكم الردود والله رفعتوا معنوياتنا ان شاء الله يارب الله يوفقكم ويسهل امركم بالسفر السريع وعلى كل اعضاء المنتدى المنتظرين امين يارب

[abo abo]

السلام عليكم اخويه والله من قريت موضوعك ما اعرف شصار بيه الله يدري شلون تالمت عله وموضوع الوالده والله يشافيه من كل مكروه اخويه العزيز انت اهم شي كله للوالد العافيه تسوه ملك الدنيا ولتهتم شوف هيه كله حرك اعصاب وشيصير نكول الحمدلله عله كل حال شوف اخويه اني اتصلت بجماعه وكالو همه دياخرون معاملات الاعمارهم كبيرة وديفضلون الشباب لان اقتصادهم ميتحمل يجي واحد عمرة كبير ويصرفون عليه فلوس وميشتغل الحيصير حسب مسمعت من جماعه انو يدزوكم انت واخوتك ومن تستقرون صيرون انتو كفلاء الاهلكم والعلم عند رب العالمين هذا والله الفتهمته ومرة ثانيه الف الحمد والشكر عله سلامت الوالده اهم شي


اخوك ابو علي

[toteraad]

لا تقلق انشاللة خير






رعد العراقي

[عراقي وافتخر 4]

الشكر الجزيل يااخي abo abo ابو علي على الرد وعلى اهتمامك بالموضوع وعلى شعورك النبيل والله يحفظ والدتك واهلك وينطيك الصحة والعافية...والله مثل ماتفضلت احنا هم سمعنا انهو ايفضلون صغار السن على كبار السن بس والله انا اعرف ناس اعمارها 75سنة سافرت واعرف ناس كانت تعاني اسم الله عليك وعلى كل السامعين من امراض سرطانية وسافروا...ماادري النظام والا جرات مالتهم شلون يشتغل هل هية مسالة حظ ؟؟؟والله مااعرف بالله احنا شباب نتحمل بس كبار السن مثل الوالد والوالدة وخصوصا اسم الله عليك ايعانون من امراض العصر الضغط والسكر اتحملوا بما فيه الكفاية وصارلنا سنتين بهاي الاجرات وية عامل الضغط النفسي حرك اعصابنا والله ..ان شاء الله خير ويارب تفرج عليك وعلينا بنتيجة القبول وعلى كل اعضاء هذا المنتدى الرائع والسفر السريع ان شاء الله امين يارب

[عراقي وافتخر 4]

اشكرك اخي  toteraad رعد العراقي على مشاركتك وان شاء الله خير ويارب تفرج عليك وعلينا وعلى كل اعضاء المنتدى المنتظرين بنتيجة القبول والسفر السريع ان شاء الله