بشرى من قبل مكتب الجوازات

[امير البابلي]

اخواني اعضاء المنتدى السلام عليكم باركولي اليوم استلمت الجواز من فئة A بعد عناء طويل حيث باشر مكتب جوازات بغداد بصرف الجوازات الى المواطنين ولاكن بصعوبة بسبب كثرة المتقدمين .
اخواني بأمكانكم الان الذهاب الى مكتب الجوازات واي استفسار اني حاضر

[الحياوي]

انشالله وجهه خير عليك
والف مبروك
ونشالله بعد ماكو _____جواز جديد

[Anwar Al-ardiny]

1000 الف مبروك
و نحن من هذا المنبر ندعو السادة المسؤولين عن اللغة الانگليزية بتقليل الاحرف الهجائية الانگليزية رحمة بالمواطنين العراقيين لتفادي المزيد من النسخ الجديدة من الجوازات العراقية ..... آميــــــــــــــــــــــــن

انور ألأرادني

[bareen24]

مبروك اخي على الجواز
بس نكدر نطلع جواز من العراق بس احنا بدولة اخرى منو راح يساعدنا
لان السفارة راح تاخذ سنة واكثر يلا يطلع جواز واحنا نريد نسافر

[عاشق تراب العراق]

مبروك و شايف كل الخير على الجواز الجديد و ان شاء الله يكون وجهة خير عليك

[lionofiraq]

   الف الف مبروك و ان شاء الله يتربى بعزك ههههههههههههههههه بس ممكن اعرف شكد مدة صلاحيته


تقبل مرور اخوك من ماليزيا التعبانة

[امير البابلي]

اشكركم اخواني للعلم مدة صلاحية الجواز 8 سنين وشكرا

[بت بطوطة]

بالخير عليك الجواز والحمدلله خلصت من هذه المعاملة المزعجة ل8 سنوات قادمة وهذا انجاز كبير فالف الف مبرووووووووك واني مقدرة فرحتك لان مريت بهذي الازمة قبل فترة وعانيت الى ان طلع المدلول .. الله لايعوزنا على احد انشالله ويسهل امورنا واموركم ياااااااارب

اتنمالك الموفقية والسفر العاجل باذن الله .. تحياتي

[alen franso]

اخوان السنة الجاية لح ينزل جواز حرف I  بخمس لغات
انكليزي وعربي وكردي وكلداني وارمني  وبعد خمس سنوات لح ينزل جواز بكل لغات العالم