سلام من الاخت مياده من فينكس

[بغداد1975]

مساءالخير جميعا
وبفضل دعائكم وصلنا سالمين و الله سخانا ناس حباببين واولهم ميادة ام حنين واكيد انتو تعرفوها اول وصولي ثاني يوم هي اجتني للبيت وشرحتلي اهواية امور ونبهتني من اهوايه امور وقوت عزيمتي لان مثل ماتعرفون اني اجيت وعفت ماما وهاي اول مرة تحصل بالتاريخ اني اعوف ماما فالصراحة لقيتها اخت وام وصديقه ودتنا لبيتهم مجمعهم احسن من مجمعنا بيه ناس وحركه لان المثل ينقال جنه بلا اوادم ماتنراد فمجمعهم حلو والناس بيه متكاتفه ويارب دوم هيجي فنصحتني ان ااجر يمها وهذا اللي اني انشاءالله مفكرة بيه بالمستقبل طبعا اكوناس تريد تجي لفينكس فمجمعنا اسمه woodbridge يعني الجسر الخشبي
ومجمع مياده اسمه wllow springمادري شنو الربيع هي طبعا تسلم عليكم اهواية اهوايه بس للاسف الونودز مالتها انكليزي وهذا اللي ديعيقها بالمراسله وياكم وهي بس تخلي الونودوز العربي رح تكون وياكم اول باول
وهذا سلام منها ومن عائلتها ونريد دعائكم الها بان تكمل اجراءات الموافقه الامنية لبنتها ولاميييييييييييييييييييييييييي
اختكم عبير بغداد1975

[Revolver]

اختنة العزيزة,

الف الحمدلله على سلامتج واتمنالكم الموفقية وراحة البال والاستقرار واتمنالكم السعادة وعُمر جديد بأذن الله . ومنسمع منكم غير الاخبار الحلوة .

ريفولفر

[ابو خالد]

نشكرك اختي عبير على نقل سلام اختنا مياده والحمدلله انكم التقيتو مع بعض لكي تشد من عزيمتك وانشالله تصل والدتك لك عن قريب ونتمنى ان تنتقلي الى مجمع اختك مياده لكي تخف عنك هواي امور بجمعة الاحباب ...وانشالله يكون عقد الشقه مالتج مو فتره طويله حتى تتمكني من الانتقال بسهوله والله يوفقك وبلغي سلامنا الى اختنا مياده والله يوفقها انشالله

[عاشق تراب العراق]

شكرا اخت بغداد على ايصال السلام و يا رب ترتاحون و تستقرون خصوصا اذا اجرتي يمهم احسن حتى اعضاء عنكاوا ميتفرقون سلامنا و تحياتنا الهة و لعائلتهة و ان شاء الله توصل موافقة الوالدة باسرع وقت

[Leo_friend]

بدايتا الف الحمد لله على سلامتكم والله يوفقكم ويحرسمك ويوكف الكم ولد الحلال ويبعد عنكم كل ولد الحراهز
يا اخت عبير انا اسمي علي الاسدي من مدينة البصرة وراح اسافر الى ولاية اريزونا مدينة فينكس وجدا حاب اتعرف عليكم هناك واسكن يمكم, انا حاب اتعرف على اي شخص عراقي هناك وخصوصا في مدينة فينكس انا هذا ايميلي اذا ممكن حتى نتواصل سوة ومن الله التوفيق a_moaid2000@yahoo.com

[Leo_friend]

بدايتا الف الحمد لله على سلامتكم والله يوفقكم ويحرسمك ويوكف الكم ولد الحلال ويبعد عنكم كل ولد الحراهز
يا اخت عبير انا اسمي علي الاسدي من مدينة البصرة وراح اسافر الى ولاية اريزونا مدينة فينكس وجدا حاب اتعرف عليكم هناك واسكن يمكم, انا حاب اتعرف على اي شخص عراقي هناك وخصوصا في مدينة فينكس انا هذا ايميلي اذا ممكن حتى نتواصل سوة ومن الله التوفيق a_moaid2000@yahoo.com

[ريم عبد]

حبيبتي عبير
اتنقلين تحياتنا لاختنا الحبيبه مياده وعائلتها الكريمه
ونشكرج لنقل المعلومه وياربي ايسهل عليكم اثنينكم مصاعب الغربه
ويجمعكم باحبابكم بالقريب العاجل
اختك ريم

[الامبراطورة]

اختي الحبيبه بغداد
أشكركِ على نقل سلام اختنا الغاليه
مياده
وان شاء التوفيق لكما
وفي أقرب وقت والدتنا تكون معكِ
وتلاقين الحياة هناك بمصاعبها وسهولتها جميله
 وتلاقي السعاده الأبديه
دعواتي وسلامي لكِ ولأختنا مياده الحبيبه

اختكِ الأمبراطورة _مصر

[ابو عبد الله التكساسي]

أشكركِ اختي عبير على نقل سلام اختنا الغاليه مياده
 
وان شاء التوفيق والسعاده بالوطن الجديد

بالمناسبه wllow spring ما الها ترجمه لان الاسم الاول هو اسم علم ... للايضاح فقط

اخوج ابو عبد الله التكساسي

[Baghdady73]

حمدلله على سلامة الوصول وتحياتنا الى الاخت ميادة وانشاءالله تتسهل امور الوالدة وتنجمعون سوا في القريب العاجل
تحياتي

بغدادي

[haneen2009]

حياتي بغداد الف الحمد لله على سلامتج ويارب يوم ماتنجمعين بوالدتك عن قريب
حبيبي اني دائما ادزلج سلام بيد ماما وتسلمين على دعواتج الي
ان شاء الله نكون اني ووالدتك بنفس الطياره وتنجمعين بيها وانجمع باهلي امين يا رب
اختج حنين\ام مصطفى

[عكعك التطوى]

حمدالله على سلامتكم وانشاء الله ينجمع شملكم عن قريب وتحياتنا للاخت مياده وان شاء الله نسمع الاخبار الطيبه عنكم

تحياتي

[angie-dawood]

حمدالله على سلامتكم وانشاء الله ينجمع شملكم عن قريب  وان شاء الله نسمع الاخبار الطيبه عنكم  وربي يوفقكم سلامي للغالية ميادة
                         

[ام عبداللة العراقية]

كل عام وانتوا بالف خير ان شاءالله من العايدين
والف الحمدلله على سلامة وصولكم وان شاءالله عن قريب تنجمعون انتوا ولماما
والله ان شاءالله يوفقكم ويسهل امركم

[سوسن كليانه]

الحمدلله عالسلامه اختي البغداديه وانشاءالله بالموفقيه,,,وبارك الله بالاخت مياده لوكفتها الحلوه وياج,,,وانشاءالله ربي يلم شمل كل العراقيين الاصلاء ومايحرمهم من بعض امين يارب

[hopeforall]

الف مبروك الوصول وتحيه الى الاخت مياده على الموقف النبيل  وبارك الله فيها,وصدك لو خليت قلبت
 
بالتوفيق ان شاء الله