فورمات كندا

[الباحث عن الامل]

السلام عليكم جميعا ايها الاخوة الافاضل
فتحت هذا الموضوع للناس  اللي لهم نفس تجربتي ,سواء مازالت او ربك حلها
الرجاء ابداء الراي
وخصوصو اصحاب المشكلة
السؤال.......؟
أكو ناس تحول ملفهم من المفوضية الى السفارة الكندية منذ اكثر 9-10 اشهر ولحد الان ما مستلمين فورمات؟؟؟؟
وهل يعني هذا رفض ,لأن حسب علمي الفورمات تنعطى خلال 2شهر
الرجاء الكتابة بتجاربكم المشابهة مع تقديري للجميع

[الباحث عن الامل]

السلام عليكم
وهذه وردة هدية للجميع
بس فهمونا

[عراقية مغتربة]

والله يااخونة احنة محولين الى كندا من 14_9 ولحد الان لاحس ولاخبر
دننتظر والله كريم
ربي ييسر امور الجميع

[اينشتاين العراقي]

بالبدايه السلام عليكم
اخويه العزيز اذا السفاره الكنديه رفضت ملفك لازم اما تعلمك او تعلم اليو ان
بس تبقى بعد اليو ان عدهم هوايه خربطات فاذا تكدر خابر اليو ان وسألهم فاذا كلولك ملفك بعده بالسفاره فلتخاف انشالله مسالت وقت ويدزولك الفورمات بس مثل متعرف السفاره الكنديه مزعجه بالانتضار
واني صارلي تقريبا 3 اشهر من فحصت الفحص الطبي ورى القبول ولي هسه ما اتصلو بيه
بس بالنهايه يتصلون لتخاف انشالله
وطبعا اني مسامع اكو واحد انرفض على السفاره الكنديه فهاي شغله حلوه بيهم فلتخاف اخويه العزيز وانشالله ربك يسرهه للجميع ونسمع بيك مسافر ودتشتغل بكندا
بس ممكن استفسار اخويه انت بيا بلد مصر؟؟ الاردن لو سوريا
اذا مصر فتتأخر الفورمات اكثر شي يلا يطوكياها بس اني بالأردن معضم الكيسات متتأخر اكثر من شهرين
وانشالله الله يقدملك الي بي مصلحتك





اخوك اينشتاين

[dodo micheal]

اولا شكرا للاخ الباحث عن الامل للموضوع
انا ملفي راح للسفارة بتاريخ 10-7-2009 واستلمت الفورمات بتاريخ 2-9 -2009 ولحد الان ماكو شي
يارب تفرج عليكم

الله معاكم

اختكم
dodo micheal

[الباحث عن الامل]

شكرا لجميع اللي ابدوا ردودهم , والحقيقة توجد مجموعة ليست قليلة ,
اليو ان خبروهم انهم مرسلين ملفاتهم للسفارة الكندية ولم يستلموا فورمات لحد الان
وهم حائرين مثلي
طبعا نحن في الاردن
وتمنياتنا بمزيد من التعاون والردود وخصوصا من الاخوة اصحاب المشكلة او ذوي الخبرة
مع تقديري للجميع

[мαяyαи]

الى الأخ الباحث عن الامل احنا من 19 / 8 اتحولنا عالسفارة الكندية وليهسة لا حس ولا خبر بأستلام الفورمات واحنا بالاردن وهسة انوبة جتي الاعياد والكرسمس بعد راحت عالسنة الجديدة يارب يفرجها عالجميع

[ام عبداللة العراقية]

الله ان شاءالله يفرجها على الكل

[ammarbattal]

السلام عليكم انا من سوريا استلمت فورمات 10/2009 من السفاره الكنديه        وعملت فحص طبي 20/11 يعني ما اكو تاخير ورغم  كان كثير ناس متاخرين عليهم بتسليم الفورمات وثاني شي اكو ناس كثار على المقابلات وعلى الفحص الطبي يعني زخم مو طبيعي ....

وارجو من رب العلمين يسهل امر العراقيين ..... اخوووكم ammar

[الباحث عن الامل]

السلام عليكم
شكرا لجميع اللذين ردوا على الموضوع
واحب اسال ممكن واحد يتصل بالسفارة بسوريا من عمان قبل ما اخذ فورمات
واذا امكن سؤال؟؟
هو كم اخر مدة ممكن واحصل على الجواب
تقديري للجميع

[اينشتاين العراقي]

حبيبي الباحث عن الأمل
من خلال تعاملي ويه السفاره الكنديه فاكدر اكلك ماكو احد يكدر ينطيق وقت مضبوط هاي غير طبعا كل بلد اله وضعه بالنسبه للوقت يعني الي بالاردن يختلف عن الي بسوريا والي بسوريا يختلف عن مصر وهيج
واذا تريد تخابر عادي خابر على السفاره الي مقرها بسوريا وهذا رقمها 00963116116692   
واسالهم اذا عدهم خبر عن ملفك راح يجاووبوك
وتره ماكو مده محدده والشغله تعتمد على الضغط الي عليهم بالسفاره يعني اني بالمقابله كلتلي القابلتني سفرك خلال اربع اشهر وصارلي3 اشهر ولي هسه لا مسلم جوازات ولاداخل دوره تثقيفيه
واي استفسار اني جاهز اخويه



اخوك اينشتاين

[الباحث عن الامل]

شكرا اخي اينشتاين
اتصل بالسفارة , خبرتني ارسل فاكس واشرح قضيتك
وانا اخاف خطوة تكون ضدي
مع تقديري للجميع
وتسلم ايدك على مساهماتك

[الباحث عن الامل]

السلام عليكم
اخوان شلونكم
سمعت اول امس بحدود 30 عائلة استلمت فورمات ,شنو الأخبار اخوتي المتاخرين
منو استلم فورمات , منو عنده معلومات

[الباحث عن الامل]

تحية طيبة لجميع الاخوان اللي بالمنتدى
اتمنى جميع الاخوة اللي ما مستلمين فولرمات يشاركونا بهذا الموضوع
على الاقل نريد نعرف راسنا من رجلينه , مثل ما يقولون
اجدد تحياتي للجميع

[اريد وطن]

اخونا العزيز

اني من شهر 12/2007 اتصلو بيه وكالو ملفك حنحوله الى كندا وبي شهر 3/2008 عبيت فورمات وبشهر 9/2009 سويت مقابله وبنفس اليوم اطوني ورقه فحص الطبي ومثل اخونا انشتاين بالضبط اني بالمقابله كلتلي 2 ومكن اقكثر شي 3 اشهر تسافرولغايه اليوم ماكو شي لاتخاف واتوكل على الله هذول الجماعه يرادلهم صبر هوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووويه

لاتتضوج وتقلق من اولها وبعد ميحجون وياك على تعبئه الفورمات ان شاء الله اي مساعده اني حاضر


اختي دودي ميشيل انتي مثلي بشهر 13/7 فتحوه الملف السفاره وب 2/9/2009 سويت مقابله بلكت الله نكون اني وياج واخونا انشتاين وجميع اخوان المنتضرين بطياره وحده بله تاملو خير وبلكت واحد يكول من السفاره كنديه ويسويها ويكول يسوينه هديه العياده المجيده النا ويسويها ونحتفل بكندا يارب للجميع

اريد وطن / مضيع الوطن وين الوطن الاكيه

[الباحث عن الامل]

السلام عليكم
شكرا اخي اريد وطن لردك الكريم
شوف يا اخي انت ضمن التسلسل الطبيعي للأمور
بعد 3 أشهر فورمات , وبعد 6 اشهر مقابلة
وهذا ضمن الطبيعي
بس مو 10 أشهر وماكو رد ولا فورمات
بصراحة انا بديت اشك باليو ان , انهم ارسلوا الفايلالى كندا واتوقع اكو مشكلة او زحمة او نسيان
رغم الكمبيوتر يوكد انه في السفارة
ولكن من المستحيل كندا اتاخر 10 اشهر بدو فورمات
لا اعرف ماذا افعل
احس بالضياع
ارجوا النصح , مع التقدير

[اريد وطن]

اخويه الباحث عن الامل

يارب يكون الامل قريب والفرج قريب

اخي جماعه يو ان شكلوللك اذا محوليه للكنديه يعني انه تحت الدراسه واتوقع بشهر الاول او الثاني يتصلون للمقابله

اخي جماعه كندا مينسون احد بس همه بطيئين بالروتين واتصور عدهم ضغط كبير جدا اعرف جماعه من العام الماضي بشهر 10/2008 عبو الفورمات وبشهر 9/2009 عملو المقابله وهذا الكلام اني متاكد معه لانه هاي الجماعه قابلو ويايه وسوو الفحص الطبي معي

عمي لاتخاف واتوكل على الله الموضوع يرادله صبر هوايه مو شويه اني بالنسبه الي اسميه سفاره السلحفات( الكنديه ) بس همه عدم ضغط شديد واعداد هوايه يعني مرواك وقت بعد ولازم تتعلم على الصبر ماللك الى الدعاء وترك الامر لله  هو احسن من الكل

وعمي ان شاء الله بعد كرسمس بنهايه واحد او شهر 2/2010 اتوقع ان شاء الله المقابله وتسافر ويصير هذا كلام ذكريات وبس يتصلون بيك للمقابله اني حاضر لاي استفسار
الموضوع وقت مو اكثر وسهله انشاء الله

اريد وطن - انتضار سفاره السلحفات ( الكنديه )