الى اصحاب الاختصاص بهذا الموضوع

[maek30]

اولا انا لاجئ في السويد بدرجة لجوء جيدة جدا
ثانيا كم هي الفترة التي استيطع بها الحصول على وثيقة السفر الى كل دول العالم
ثانيا هل توجد طريقة للدخول للعراق بدون ماتعرف دولة اللجوء السويد

[maek30]

يرفع

[عكعك التطوى]

صديق جان عنده جوازين مسلم واحد ومخلي واحد ويروح ويجي

وصديق ايضا في بلجيكا كانت اقامته على كارت وليس على الجواز  وراح للعراق عن طريق الجواز

[maek30]

صديق جان عنده جوازين مسلم واحد ومخلي واحد ويروح ويجي

وصديق ايضا في بلجيكا كانت اقامته على كارت وليس على الجواز  وراح للعراق عن طريق الجواز

اخوية اني عندي جواز جي العراقي
لكن من سافرت للسويد من لبنان اعطوني جواز لبناني صالح لسفرة واحده وهو عليه الاقامة السويدية شنو الحل

[عكعك التطوى]

الحل ارجع لاي دوله مجاوره سوريا تركيا بوثيقه او جواز مؤقت وادخل بجوازك العراقي للعراق

[maek30]

زين المطار هم راح يكلي انت وين كنت انت دخلت لبيروت وهسه اجيت من سوريا وجوازك ماعليه الاقامة السورية ولا عليه مكتوب عليه خروج  من سوريا

[Baghdady73]

اخي العزيز ترجع بجوازك اللي بيهة الاقامة السويدية للبنان ومناك تستعمل جواز الجي وتروح بيه الى بغداد وترجع..
العراقيين اللي يجون من السويد يجي يترك جوازة اللي بيه الاقامة بسورية ويدخل بالجواز العراقي الجديد اللي ما بيه اي ختم ويبقى الجواز الاصلي مختوم دخولية ومن يرجع لسورية يترك العراقي ويستعمل الاصلي..
تحياتي

[maek30]

اخي العزيز ترجع بجوازك اللي بيهة الاقامة السويدية للبنان ومناك تستعمل جواز الجي وتروح بيه الى بغداد وترجع..
العراقيين اللي يجون من السويد يجي يترك جوازة اللي بيه الاقامة بسورية ويدخل بالجواز العراقي الجديد اللي ما بيه اي ختم ويبقى الجواز الاصلي مختوم دخولية ومن يرجع لسورية يترك العراقي ويستعمل الاصلي..
تحياتي

اخي اني بعد مااكدر ادخل لبنان لمدة خمس سوات مكتوب بالجواز وسوريا راح ادخله بوثيقة السفر اي مراح يشرون على جوازي العراقي جي

[maek30]

يرفع

[Baghdady73]

اكو حل ان تاخذ الفيزة السورية على جوازك العراقي من السويد وتدخل بيه لسورية والعراق ومن اتريد اتسافر من العراق تطلع بالجواز العراقي وبالحدود السورية تظهر جوازك لمؤقت حتى يتاشر عليه دخولية

[maek30]

اخوية التاشيرة مال الاقامة على الجواز المؤقت اللبناني وثانيا اني درجة لجوئي اي ثري سياسي اي يردون جاوزي العراقي بيوم الجنسية

[نور الزهراء]

مرحبا
كل عام وانتم بالف خير وانشاء الله السنة الجديدة سنة خير وبركة وفرج  للعراق ولكل العراقيين بكل مكان
واحب اقدم شكري  للاداريين والقائمين على هذا الموقع الرائع والمفيد جدا
واحب ايضا ان اهنئ الاخوة المسيحيين بالعيد وانشاء الله  عيد خير وبركةوتحقيق الاماني للجميع
سؤالي اذا شخص عنده جواز لاجئ وعليه اقامة مفتوحة ولديه ايضا جواز عراقي جديد حرف ج حاصل عليه عن طريق السفارة العراقية في احد الدول الاوربية وبشكل اصولي وقانوني ويريد ايسافر للعراق لامر ضروري وطارئ هل يستطيع الدخول للعراق بالجواز العراقي عن طريق سوريا وهو خالي من اي اقامة وعليه ختم السفارة العراقية  هل هناك مشكلة بالحدود اذا يريد يدخل للعراق  يعني هم احد يساءل ليش مابيه ختم  خروج ودخول
علما يستطيع ان يسافر بالجواز الخاص باللجوء مكتوب بيه كل الدول ماعدا العراق فالمشكلة يعني الدخول والخروج من العراق اكو فد طريقة امينة ولكم جزيل الشكر

[Baghdady73]

اختي العزيز اني رحت للعراق قبل كم شهر وكان وياية شخص عراقي مقيم بالسويد ومن دخلنا الحدود العراقية "البرية" اظهر جوازه العراقي الفارغ من اي ختم وموظف الجوازات العراقي استدعى موظف اعلى منه وبعد شرح الموضوع لاقل من دقيقة بان ختم الجواز السويدي سيكون فيه مضرة لصاحب الشان, وافق الضابط على ختم الجواز العراقي بالدخولية ولكن عليكي ان تنتبهي بان العودة الى سورية ستكون بالجواز العراقي ويجب ان تحصلي على تقرير طبي مختوم ومصدق من السفارة من اجل دخولك الاراضي السورية

بغدادي

[نور الزهراء]

 Baghdady73 الف شكر اخوي على الاجابة
يعني ماكو مشكلة مابيه لاتاءشيرات ولا اقامات بس بيه ختم السفارة العراقية لاحد الدول الاوربية  يعني مايعرقلوهة على الحدود سواء العراقية او السورية  ومراح يسالون شلون دخلتوا لسوريا ومرة اخرى مشكور وبارك الله بيك