استلمنا المغلف اليوم وكانت النتيجة.....

[عراقي وافتخر 4]

السلام عليكم اخواني  اعضاء هذا المنتدى الرائع

اليوم انا واخوتي استلمنا المغلف بنتيجة القبول والحمد الله من دائرة الهجرة عمان/الاردن ..ولكننا في حيرة من امرنا فلقد تم تاجيل استلام نتيجة مغلف والدتي ووالدي الى يوم الثلاثاء علما بان الملف باسم والدتي ولا اعلم لماذا فصلونا ؟؟؟؟ ياريت اخواني وخواتي اعضاء هذا المنتدى الرائع من يملك الخبرة بهذا الموضوع اكون ممنون بالرد باقرب وقت شاكرا جهودكم الطيبة وداعيا بالسفر السريع لكل اعضاء المنتدى

[ام عبداللة العراقية]

الف مبروك اخويه وانشاءالله يوم لوالدك ووالدتك
وشي عادي لا تقلق

[عراقي وافتخر 4]

اشكرج اختي ام عبد الله ...الله يبارك بيج وان شاء الله السفر السريع لحضرتج والى كل اعضاء المنتدى المنتظرين

[ok_ok755]

الف مبروك حبيبي وانشاء الله يوم يجي المغلف قبول مال الاهل.

[عراقي وافتخر 4]

اشكرك اخوية ok_ok755 الله يبارك بيك واشكر مشاركتك وشعورك الطيب وان شاء الله سفرك السريع امين يارب

[salah-eng]

سلام عليكم اخي عراقي
ومبروك النتيجة ويارب تنجمعون كلكم العائلة الكريمة لانه حتى لو صار فصل بس بالاخر الكل ينجمع انشالله وكلها اجراءات روتينة وحتى لو كان الامر الاسواء على ان يوم الثلاثاء يوم للرفض لا تياس لان راح يكون وراكم استئناف وراح يكون استئنافكم مرتبط على انكم عائلة وحدة وان الوالدين ربنا يحفظهم كبار بالعمر وضرورة دمجكم سوية لانكم المعيلين الوحيدين الهم
وهذا انشالله بعيد وانشالله مجرد اجراء روتيني للوالدين ويرجع ملفكم واحد واجرائاتكم وحدة بس احنا قلنا هذا اسواء الاحتملات ويارب تفرج بوجهكم وما تشوفون الا الخير
علما اني اليوم استلمت المغلف وياكم وكان كل الي استلموا مقبولين وبانتطار الموافقة الامنية وسالت موظف عن وقت هذه الموافقة قال انشالله ما تطول اكثر من شهرين واحتمال اكو ناس باقل من هذا الوقت وطبعا قبلهة الفحص الطبي وقال الي كان هذي المرة راح تكون اجرائات الامنية اسرع لانهم مشتغلين على شي جديد ويسرع امور الامنية وما فتهمت شيقصد وخليهة على الله سبحانه وربنا كريم
ومبروك لكل الي استلموا موافقات اليوم

اخوك مهندس صلاح

[نهاد احمد]

اخي العزيز( عرقي وافتخر )الف مبروك الموافقه
زان شاء الله تنجمعون العائله كله
ومثل ما كال اخويه(SALAH-ENG)
والموفقيه للجميع

نهاد ابو علي
من مصر

[عراقي وافتخر 4]

شكرا يااخي salah-eng  مهندس صلاح على ردك واهتمامك بالموضوع والف مبروك على الموافقة ويارب الله يسهل عليك بالسفر السريع ...ويارب مثل ماتفضلت نسافر كعائلة واحدة لان والله فرحتنا ماكملت من اجلوا نتيجة الوالدين اليوم الثلاثاء وعسى اني يكون التاجيل خير يارب ...وفعلا مثل ماتفضلت اكو اجرات جديدة بتسريع الموافقة الامنية لان احنا هم سمعنا نفس الشي ان شاء الله يارب الله يسهلها عليك وعلينا وعلى كل اعضاء المنتدى بالسفر السريع امين يارب العالمين والف مبروك اليوم كل من استلم الموافقة

[عراقي وافتخر 4]

اشكرك اخي نهاد احمد على ردك وشعورك الطيب ...داعيا من الله الموفقية وان يسهلها عليك وعلينا وعلى كل اعضاء المنتدى بالسفر السريع امين يارب العالمين

[angie-dawood]

الف الف مبروك اخي الغالي على استلام النتيجة وعلى القبول وانشاءللة بعونه تعالى تكمل فرحتك بنتيجة القبول للوالدين لا تقلق اخي وخلي ايمانك بالرب ما دام انت اخذت النتيجة والقبول وما كانت المعاملة باسمك اهلك  هم باذن اللة تكون النتيجة هم قبول وربي يكمل فرحتك ويارب يوم تفرحنا موعد سفرك يارب ربي يوفقكم

[عراقي وافتخر 4]

اشكرك اخت انجي على الرد وعلى مشاعرك النبيلة والله يبارك بيج ويارب مثل متفضلتي مدام طلعلنا القبول الي ولاخوتي ان شاء الله للوالدين هم هو بس الانتظار قاتل وصراحة حرك اعصاب بس الله كريم  ومابقى شي يوم الثلاثاء قريب ويارب تتسهل وتفرج عليج وعلينا وعلى كل اعضاء المنتدى بالسفر السريع امين يارب

[ام فائز]

الف مبروك اخونا العراقي  وان شاء الله تمشي الاشغال الباقيه بسلاسه لان تره اهم شي هو موافقه المحلفين البقيه صحيح تاخذ وقت بس روتينيه
ويوم للوالد والوالده

[عبدالوهاب الدوري]

الف الف مبرووووك وانشاله يوم السفر السريع ولتقلق عالوالد والوالده انشاءالله وياكم وكول يالله
ويوم الالي وللجميع

عبدالوهاب الدوري -  عمان

[Wingo]

ألف ألف مبرووك
الله يوفقكم لكل خير
و إن شاء الله تكون نتيجة الوالدين خير
تحياتي

[عراقي وافتخر 4]

الشكر الجزيل للاخت ام فائز والاخ عبد الوهاب الدوري والاخ wingo على مشاركتكم وشعوركم الطيب والله يبارك بيكم  داعيا من الله بالتساهيل  بالسفر السريع لحضرتكم  والاخ عبد الوهاب بالموفقية بالحصول على نتيجة القبول الحمد الله وفقنا بنتيجة قبول المحلف ولكن فرحتي الكبيرة يااخواني هو استلام نتيجة المحلف للوالدين يوم الثلاثاء القادم والله كاعدين على اعصابنا دعواتكم يااخواني ويانا ومرة ثانية الف مبروك لكل من استلم نتيجة القبول من المحلف وللي مااستلموا المنتظرين ادعوا من الله بموفقية القبول لجميع المنتظرين وتسريع السفر ان شاء الله

[عكعك التطوى]

الف مبروك اخي الفاضل والله يتمم فرحتكم ان شاءالله بقبول الاهل

اتمنالكم كل التوفيق

[abomagid]

السلام عليكم

بالموفقيه وانشاء الله يوم للوالده والوالد علمود تفرحون الفرحه الجبيره  والله ايوفق الجميع

اخوكم
ابو ماجد
تحياتي

[ام محمد]

مرحبا اخوية عراقي وافتخر ليظل بالك مبروك على الموافقة وانشاء الله الموافقة لاهلك وتفرحون فرحة كامله لان اني هم فصلو زوجي عني والملف باسمي وانطو موعد يوم الاربعاء  والله يستر بس احنا خليناها على رب العالمين لان حرك الاعصاب ميفيد فانتو هدؤها للوالدة واكو هواية خيارات والله اني وابو محمد خليناها على اللة  وعسى ان تكرهو شيا فهو خير لكم  وانشاء اللة خير واني كالولي ان العائلة ميكدرون بفصلوها بس اكو نقص بالمعلومات وبعد ما عارف  اللة يوفقكم وتسمعون اخبار حلوة تفرحكم باجر وتظل الفرحة موجودة عد كل العراقيين يا رب

اختك ام محمد

عمان

[شجرة الدر]

ن شالله خير اخي العزيز ومبروك موافقة المحلف وان شالله يوم للوالدين ان شالله عن قريب وحسب اعتقادي يمكن هم قيد الدراسه يعني مألة وقت لا اكثر ولا اقل الله يسهل للجميع اختكم شجرة الدر

[عراقي وافتخر 4]

الشكر الجزيل 
 
 للاخ عكعك التطوى 

والاخ ابو ماجد

والاخت ام محمد

والاخت شجرة الدر

على مشاركتم ومشاعركم الطيبة باهتمامكم بالرد على موضوعي ..ويارب مثل ماتفضلتوا تكون قيد الدراسة او نقصان معلومات وميسفرونا الا ان نكون عائلة متكاملة ومثل متفضلتوا حرك الاعصاب ميفيد بس شنسوي مو بيدينا وخاليها يم الله سبحانه وتعالى هو باجر مو بعيد وان شاء الله الله يكمل فرحتنا بنتيجة القبول للوالدين وان شاء الله يااخت ام محمد الله يسهل على ابو محمد يوم الاربعاء بنتيجة القبول وتسافرون كعائلة داعيا لكل الاخوان الي شاركوني بموضوعي والى كل الاعضاء المنتظرين بالموفقية بالسفر السريع ان شاء الله
اخوكم محمد

[mahmdart]

السلام عليكم

الف الف مبروك على القبول الاخت ام محمد

وانشالة على قبول ابو محمد انا نفس شغلت ابو محمد تاجلت يوم الاربعاء المصادف 9/12 بس احب استفسر ياختي من معلوماتك الي عرفتيهة يوم الاربعاء شنو هو هل رفض او تاجيل

ومني فائق احترامي  اخوك البغدادي

ومبروك مرة ثانية

[AbU.SaRa]

 ألف ألف مبروك وأنشاء الله تروح وتوصل بالسلامة أنت والأهل ...بالتوفيق

[ام فائز]

اخونا العزيز عراقي
شنو القضيه اشو ما بشرتنا شنو اخبار ملف الوالد والوالده والله باقي بالنا يمهم
ان شاء الله خير
اختك ام فائز

[رهف00]

الف الف مبروك اخي وانشاء اللة السفر القريب                                                                                                                                                                                                       

[ام الخير]

الف مبروك للمستلمين الموافقة بس نريد نطمئن على الاهل شنو اللي صار اليوم؟يعني اليوم استلموا
ان شاء الله الخير للجميع وتوصل الموافقة للجميع

[عراقي وافتخر 4]

الاخ ابوسارة والاخت ام فائز والاخت رهف والاخت ام الخير الشكر الجزيل على  مشاركتكم ومشاعركم النبيلة والى كل الاخوان الذين شاركوا وبادلوا مشاعرهم الطيبة بالاهتمام والدعاء ورفع الروح المعنوية احب ابشركم انو دعائكم استجاب ياطيبين والحمد الله اكرمنا الله سبحانه وتعالى بنتيجة القبول للوالدين يعني يوم الثلاثاء مويوم الرفض داعيا لكم ولكل المنتظرين ولكل اعضاء المنتدى والاخت ام محمد الله يسهل على ابومحمد ان شاءالله  بنتيجة القبول  والسفر السريع  ومرة ثانية اشكركم الشكر الجزيل اخوكم محمد