خبر حلو موضوعة (من يضرب بالحذاء ينضرب بالحذاء)

[pato_7]

ورد خبر عن منتضر الزيدي الذي رشق حذائه في وجه الرئيس الامريكي السابق جورج بوش

وبعد خروجه من السجن اسس لنفسه مجمع خيري لمساعدة الفقراء

وقد دخل مئتمر صحفي في افتتاح مجمعه الخيري

وكان يتكلم عن المجمع ورشق احد من صحفيين العراقيين حذائه في وجه منتضر الزيدي وقال(من يعامل الناس بالحذاء يوعامل بالحذاء ويرشق بالحذاء

[جواهر بغداد]

اي بس منتظر من سواها جان دافعه الغيره والشهامة وصار مثال لكل عراقي شهم وصاحب نخوه وغيره ومحلوة من عراقي يسويها بأبن بلده
 منتظر محتل العراق ولا جان السبب بهجره الناس من البلد حتى يستاهل انهُ ينضرب بحذاء الموقف الي مر بيه خلاه يستنكر العدو ويدافع عن نفسه وغيرته واعصابه خلته يتصرف هذا التصرف مو لانهُ هو شخص غير متحضر او ممتربي بالعكس الغيره والاخلاق دافع كل عراقي يعبر عن شعوره وهو حر مو دخلوا الديمقراطية للعراق ويكولون كل واحد حر بتصرفاته
منتظر هم حر وشميسوي محد يلومة لان اكل وراها عذاب ميتحمله بشر واعتقد شفتوا التقارير الي جانوا يطلعوا بيها وهو مضروب ومتأذي
وكل هاي ليش لان عراقي ابن اصول

مرسي على طرح الموضوع

[pato_7]

شكرا شكرا على ردج الحلو

بس اذا راسنا يرفع ابضرب الحذاء ما يحتاج نرفعة

تحياتي

[جواهر بغداد]

بس اذا راسنا يرفع ابضرب الحذاء ما يحتاج نرفعة

الواحد بتصرفاته وية الناس واسلوبه بالحجي وطيبة قلبه واخلاقه يرفع الراس

مقصدت بالرد الاول انه كل واحد لازم يسوي مثل منتظر
الي ردت اوصله بأنه اكو تصرفات عن غيرها تبين بيها الغيره والشرف والتقاليد الي متتغير وهاي وين نلكاها بغير  ابن الاصول مو الجبان الي ميعرف يحجيله كلمة كدام جماعه دخلوا غصبن عنه وكعدو ابيته ويصير مثل العبد الهم وبالاخير لو ينكتل لو يعيش عيشة الله اليعلم شلونها

[كوكي]

يسلمووو عل موضوع وعل خبر

وبصراحة يستاهل منتظر الزيدي لان اذا هو المثقف هيجي يتصرف شبقى للغير
ويستاهل هل شي حتى يعرف شلون يحترم
ويفرض رأئيه بكلمته وقلمه مو بحذائه لول

يسلمو مرة ثانية عل خبر

تحياتي كوكي

[haigo]

اويد كل كلمه من كلامج يا جواهر بغداد يسلموا

[عاشقة هيثم يوسف]

لك تسلم ايدك هذا العراقي ابو الغيرة مو عيب واحد مثل منتظر الزيدي يهين الصحافة العراقية ويهين الشعب العراقي بتخلفة طبعا هذا الشي مفرح هواي والمثل الصحيح يكول بالسيف تقتل بالسيف تقتل  ويسلمو وردة

تحيتي

 عاشقة هيثومي