العلاقة بين مفوضيةالامم المتحدة.... والموافقة الامنية.....

[windy]

الاخوة الاعزاء في منتدى عينكاوا.....اللي دينتظرون الموافقة الامنية ...قبل اكثر من شهر اجتي لجنة للمفوضية خاصة على موضوع الموافقات الامنية تحاول تنظر بالمعاملات المتاخرة او الموافقات المتاخرة لكل الدول مو بس اميركا ...هذه معلومات من ناس يشتغلون باحدى المنظمات التابعة للمفوضية وبدات اتصل بالمفوضية عن طريق الايميل ولكن لم ياتني اي رد لاسلبي ولا ايجابي ....برايي كلشي ممكن يصير وخاصة هم من مصلحتهم يمشونا ويخلصون من مسؤوليتنا وخاصة انه عدد المتاخرين امنيا مو قليل اعرف هواي ناس ذابيهم عالشحن لاكثر من ستة اشهر واني دانتظر من شهر اذار 2009الى هسة كلشي ماكو......اخواني انتو شنو رايكم ....

[Revolver]

الله يسهلهة عليكم ويمن عليكم براحة البال وتسافرون ونفرح بيكم . ان شاء الله الاخوة الاعضاء ميقصرون بلُمساعدة .

ريفولفر

[الله...محبة]

الله موجود ويسهل امور الجميع
انا فهمت من العنوان انه انت تريد تسأل هل المفوضية لها علاقة باخراج الموافقة الامنية من الدولة المعنية؟
هل لها تاثير ام لا؟

دائما اسمع ناس يسألون هذا السؤال (ومن ضمنهم انا) واحنا علمنا بامور الهجرة كعلمنا بتخصيب اليورانيوم
ارجو الجواااااااب

الله محبة

[ام فائز]

اخونا الله محبه
لا عيوني التخصيب بسيط تقره عليه بالكتب والمجلات  وتبدي تعرف خفايام بس اويلي على الاموافقه الامنيه الي منعرف راسها ولا اساسها والمصيبه انو المفوضيه يقولون انو هم كذلك لا يستطيعون متابعة الموضوع
الله الرب العزيز ان يوفق الجميع وبلكي يا رب تجي كلها جيه وحده ونسافر كلنا ابنفس الطياره
اختكم ام فائز

[ابو الليث]

الاخ صاحب الموضوع السلام عليكم وعلى كافة الاخوان في المنتدى اعضاء ومشرفين وزوار

ان الذي حدث ليس كما تفضلت وانما حدث اجتماع في شهر 10 في المعادي  وكنت احد العراقيين الحاضرين وحضره خمسه اعضاء من اليو ان وهم مدير القسم اسمه جواد هندي الجنسيه ومسؤولة قسم التوطين ومسؤله العودة الطوعيه والدكتور امجد المسؤول غن الحالات الصحيه واخيرا المسؤوله عن المنحه المدرسيه
وتحدث كل واحد منهم عن قسمه وكان اكثر نقاش العراقيين عن التوطين وفتح بعد ذلك المجال لغرض الاستفسار وكان اغلب الحاضرين من المتاخره موافقاتهم الامنيه وسال احد الحاضرين عن مصير صحة ابنه وطلب منهم ان يتم تغيير توطينه الى دوله اخرى لان موافقته الامنيه صارلها سنه ونص ولم تاتي فاخذت اسمه مسؤولة التوطين ورقم ملفه وقالت له انا لااستطيع ان اعمل لك شيئا ولكن ساتصل باي او ام واستفسر فقط
وفي انتهاء الاجتماع ذهبت اليها لاشرح لهل جالتي كون الامنيه لابني متاخره منذ الشهر الثالث فجاوبتني بانها لاتستطيع فعل شي بذلك ......  هذا ماحصل بالاجتماع تفصيليا فيا اخوان الامنيه لايستطيع احد ان يتدخل فيها
مع فاائق احترامي


   اخوكم ابو الليث ---مصر

[abo abo]

السلام عليكم اخوتي وخواتي

والله يه شغلت الانتظار كلش متعبه بس شنسوي مو بيدنه الله شكاتب نشوف والحمدوالشكر عل كل حال وكل تأخيره وبيه خيره فيااخوتي نصبر والله كريم لازم تفرج


اخوكم ابو علي عمان

[windy]

اخوان....ترى موضوع اللجنة اللي جاية للمفوضية في عمان  وهي لجنة خاصة حول التاخير بموضوع الامنية وليس في مصر واليوم اكدولي بعض العراقيين هذا الشي ...ولكن لااعرف شاسوي علمود اشوفهم محد ينطي حجاية

[المتمني]

والله ياريت تسال لان قبل فترة اتصلت بية موظفة وكلتلي انت عندك اقامة لولا وكلتلي اذا ماعندك اقامة بلغني اني من اليو ان وكلتلي لان عدنا اجراءات وعرفت شنو هاي وكتلها اني انتظر من زمان الامنية كالت اوكي وسدتة وماعرفت ليش سئلت

المتني