اصدار الجوازات في دول الجوار

[ســـرى]

مرحبا اخواني اليوم عندي مشكلة تواجه احد الاعضاء حبيت اطرحها عليكم وياريت اللي يعرف حلها أو مرت بيه مثل هاي الحالة يكوللنا

اكو واحد من اعضاء المنتدى مقدم عالsiv program جديد بس هو حاليا بأنقرة (تركيا) مشكلته انه عنده طفل لايملك جواز فماهو الحل؟ ممكن تدلونا شلون الطريقة لاستصدار جواز للطفل؟ حتى لو كانت تجاربكم في احد دول الجوار عدا تركيا

ياريت الاخوان اللي يكدرون يساعدون اخونا يجاوبون لان اني ماعندي علم بهكذا مسائل ومشكورين مقدما

اختكم szsz

[ok_ok755]

اختي العزيزه يكدر يروح يراجع بالسفاره العراقيه الي بتركيا ويكدر يطلع جواز من السفاره او اذا عنده احد معرفه يطلعله الجواز من بغداد ويدزه اله اتمنى اكون قدمت فائده الج.

[ســـرى]

شكرا جزيلا اخوية اني هم نصحته هاي النصيحة والله كريم شكرا عالرد

[ريم عبد]

حبيبتي szsz
لازم ايطلع الجواز من السفاره العراقيه الي في تركيا و ميجوز ايصدرولهيا في بغداد وايدزوها
لان مراح تضهر بيه تاشيرة  دخول تركيا
اما اذا الطفل انولد في تركيا
بهاي الحاله المفروض ايصدروله هويه احوال مدنيه من بغداد
فيدزولهم بيان الولاده لبغداد وايضيفوه الى سجل اهله وايصدروله هويه احوال مدنيه
وبعدها ايدزولهميا الى تركيا وايودوها للسفاره وعلى اساسها تصدرله جواز
واذا اتحبين اي توضيح احنا حاضرين
وتدللين اختي

[اريد وطن]

اويد كلام اختنلى ريم عبد 100%
انا في عمان رزقنا الله بطفل وسويت بيان ولاده بس قبلها جانت جوازات s يعني ضفت عادي على جواز s طبعن بسفاره العراقيه بعمان وبعدها بسنه طلع هذا المصبه ابو المصايب جواز ج ودزيت للبغداد بيان الولاده الي هو يصدر من سفاره العراقيه على اساس بيان ولاده اردني من الاحوال المدنيه الاردنيه وبعدها بفلوس وشافعات وواسطات طبعن الحجي ب 2008 يمن جانت الامور بغداد صعبه جدا طلعت الهويه ووديتها للسفاره العراقيه بعمان وصدرولي جواز جديد نوع ج لانه حسب علمكم ممكون اضافه الطفل على الجواز لازم وحده

بس اخويه اطمنك هسى حاليا هويه الاحوال مو مثل الاول رشاوي واصعد وانزل ودوخه لي اخ قبل 4 اشهر ارسل وكاله خاصه الى محامي للمتابعه واصدار هويه الاحوال وبشهرين سواها وخلصها طبعن وكاله من السفاره الاردنيه بعمان ودزها وهذا الحجي احجي سوينا بعمان واتصور تركيا نفس الشي بس بعمان السفاره العراقيه اتصور اكبر بسبب وجود الجاليه العراقيه بكثره وان شاء الله استفاديت من الرد واي شي اني حاضر

اريد وطن

[ابو الليث]

اخي صاحب الموضوع يمكن الاجابه على موضوعك بشقين

الاول-اذا كان الاب تزوج خارج العراق وانجب الطفل وكانت زوجته عراقيه يعمل الاتي

1-يصهدق عقد الزواج من السفارة العراقيه وارسله لاهله في العراق او الى وكيله لغرض اضافة زوجته الى سجله واستخراج هوية الاحوال المدنيه له ولزوجته مؤشر فيها حالة الزواج وبعد ذلك يتماستخراج هوية الاحوال المدنيه لابنهما وعلى ضوئها يتم استخراج جواز جيوخاليا اي له

2- اذا كان الاب متزوج في العراق ومؤشر الزواج في السجل المدني فيستطيع ان بستخرج له بيان من السفاره على ضوء البيان المستخرج من تركيا ويرسله الى العراق لاهله او وكيله ويستخرج له  هوية الاحوال المدنيه وبعدها يستخرج له جواز اي اما من بغداد بعد ارسال بصمة الطفل من خلال الانترنيت مع شادة الجنسيه العراقيه للوالد او من خلال السقارة العراقيه والاخيرة تاخذ وقت طويل وانا افضل يرتب ويستخرجه من العراق بعد تقديم ماذكر

ارجوا ان اكون وفيت


     ابو الليث