السلام عليكم
اخوتي الاعزاء اسف جدا للتاخر بالكتابه لكن الانشغال والظروف هيه السبب حيث من يوم الوصول الى قبل اسبوع ياله فرجت عليه لان اول موصلت الاهل اهنا جانوا فحولنه لغير شقه اكبر من تغير العنوان كلشي ضاع من السوشل والمديكل والكرين كارت مع انوا اول شي بدلنه عنوان البريد بس الف الحمد لله واخيرا وبعد 3 اشهر هسه ياله استلمت الكرين كارد واستلمنه كلشي اهنا صح يرادلهه ركض بس كلش يرجع بس يراد وقت المهم ... اخواني بالنسبه للمساعدات اني من جماعه الاس اي في واستلمت الفيزه وجيت عله حسابي واهلي بكالفورنيا ورحت عادي قدمت عله المساعدات واستلمتهه وهسه بعد اربع اشهر لح اتحول عله الولفر ولان اني عندي اطفال تحت 18 سنه فتستمر المساعدات وهاي جواب من جماعه الولفر كالوا بغض النضر عن انته مهاجر او لاجى المساعدات والمديكل مستمره بس الشي الي صراحه مستلمته هوه الولكم الي كانت حوالي اكثر من الف دولار لان اني جاي عله حسابي الخاص طبعا هاي اعتقد فقط كالفورنيا لان عندي اصحاب بتكساس اجوي عله حسابهم وهم استلموا كلشي اي كل ولايه قوانينه شكل الولايه اهنا كلش حلوه من ناحيه الجو وكلشي موجود ولو مكتبتلكم هوايه بس اتمنه افدتكم ولو بقليل طبعا اهنا التقيت بالاداري الورده بيرج انسان اكثر من رائع وماشاء الله عليه فاتح قلبه لمساعده العراقيين واحنه من العوائل الي وكف ويانه وساعدنه وان شاء الله مننسه هالوكفه الحلوه منه اخواني اي شي تريدون تعرفوه او اي مساعده بطن عيني وتدللون .
