ارجو بيان رأيكم في ماجرى في مقابلتي مع المحلف

[عادل الفهد]

السلام عليكم
اخوان اني قابلت المقابلة الثانية يوم السبت 5/12/2009 انا اساسا لم اكن منتمي لحزب البعث وهذا ماقلته في المقابلة الاولى وفي المقابلة الثانية ايضا بقيت مصر على هذا الكلام ولكن المحلف كان يدقق كثيرا في هذا الموضوع بالرغم من ان قصتي تشير الى ان عائلتي كانت معادية للنظام السابق ولم تقبل الانتماء للحزب فهل يؤثر هذا على نتيجة المقابلة لأني لاحظت علامات عدم الارتياح على وجه المحلف افيدوني رجاءا
شكرا لكم

[AbU.SaRa]

صديقي وأخوية العزيز عادل ...ماطول حجيت بالمقابلتين نفس الكلام وأنت واثق منه يعني ما حاجي غير الصدق فلا تخاف وتوكل على الله وأنتظر جواب منهم ولا تظل تفكر هذا كال هيج وذاك كال هيج ....خليها على الله ...الله كريم

[abo abo]

السلام عليكم اخويه ليظل بالك هوة حسب المحلف من اي ناحيه يرد يستفزك حتى يشوف مدى صدقك وكل محلف شكل واحد يستفز عل روحات مال بغداد واكو عل حزب واكو عل عسكريه المهم كل هذا ميأثر اذا انت مغلطت باي مقابله وكان كلامك كله واحد في المقابلات طمأن وتوكل عله الله وهيه تفرج انشالله


اخوك ابو علي عمان

[نهاد احمد]

اخي العزيز عادل
اهم شي انه انت ما غيرت كلامك في المقابلتي
ومثل ما كال اخونا (ابو علي )
لا تقلق وان شاء الله خير وربنا يسهله عليك وعلى الجمبع
والموفقيه للجميع

نهاد ابو علي
من مصر

[أبن خير]

عادي جدا أخي .. المحلفين كلهم يحاولون حصر صاحب الملف في باب واحد والتركيز
عليه ويُراد من ذلك التأكد منك ومعرفة مقدرتك على التحمل وماذا سيكون رد فعلك
خصوصا إذا كان جوابك مطابقا في المقابلات التي سبقت المحلفين ..
لا تهتم وإن شاء الله خير ..

تحياتي .. أبن خير

[Safaa Alkhrkhy]

اخي العزيز النصيحة الذهبية التي اقدمها لك هي ان تبقى على اقوالك واياك ان تغيرها مهما حدث حتى لوقال لك المحلف انه عندة مليون شاهد على انك كنت منتمي للحزب   اخوك الكرخي

[عكعك التطوى]

اخويه هاي افلام هنديه يتبعها المحلف حتى بلكي يزعزع الثقه بيك وتغير اقوالك وهمه بصراحه دائما
يجيكون ويه الي ما منتمي للحزب اكثر من المنتمي لان حسب معلوماتهم يعتبرون كل العراقيين كانوا مجبرين على الانتماء وان شاء الله مقبول باذن الله

تحياتي

[eng.a7med]

اخويه هاي افلام هنديه يتبعها المحلف حتى بلكي يزعزع الثقه بيك وتغير اقوالك وهمه بصراحه دائما
يجيكون ويه الي ما منتمي للحزب اكثر من المنتمي لان حسب معلوماتهم يعتبرون كل العراقيين كانوا مجبرين على الانتماء وان شاء الله مقبول باذن الله

تحياتي

كلام سليم 100%100

[اين انا 2]

انشالله خير اخونا عادل الفهد....خليها عل الله ولو احنا العراقين اتعلمنا نطرح ونقسم ونحلل ويا نفسنا حتى عل ملامح الوجه المحلف نخلي الف حساب ,,,

خير انشالله

 

تقبل مروري

أين انا

عمان

[جورجيا]

اخي العزيز ابد لتخاف اعرف شخص قريب الي نفس الحاله وابد مبدل اقولا لان هو فعلا ممنتمي وظل المحلف يماطل وياه كلا الا اذا تريدني اكذب عليك انو اني منتمي بس اني عمري ما منتمي  وهي هاي الحقيقه وانته ابكيفك بعد .وهسه هو بامريكا صارلا 3 اشهر وابد معاملتا متعرقلت .فلتخاف ابد وحط ابطنك بطيخه صيفي على كولت المثل.
جورجيا

[sami949]

الاخ صاحب الموضوع
اني مريت بهاي الحاله بخصوص الانتماء للحزب علما اني
كنت ضابطا مهندسا في الجيش السابق وقد قابلت مره
ثانيه علمود هاي النقطه وكنت فعلا غير منتمي وهكذا
بقيت على رايي وتمت موافقه المحلف والان انتظر الامنيه
فلا تقلق وكما ذكروا لك الاخوان الي قبلي
اخيك سامي من مصر

[Baghdady73]

اخي العزيز نفس الشي حصل وياية وكانت محلفة وسالتني اكثرمن مرة انو كيف اكون كملت دراستي واشتغلت وانا لم اكن بعثي واصريت على هذه النقطة ولم تؤثر نهائيا على قبولي ومثل مذكروا الاخوان المهم تثبت على اقوالك وميكون اكو اي تناقض

بغدادي