بالنسبة للسفر للبنان للي عنده اقامة بالاردن

[sad-doctor]

اخواني شنو الفلم بالنسبة للعراقيين اللي  المقيمين اللي يرحون لبنان اني سالت السفارة اليوم كالي
1 2000 دولار
2 حجز مرجع

3حجز فندق


بسسس اني اذا اريد اسوي تدريب بمستشفى 3 اشهر ممكن اجدد لو لا؟؟؟
يعني الموضف كلي خلي المستشفى تخاطب الامن هناك بسسسس اني اتصور هذا الموظف مطفي لان هاي الشغلة مطولة ومعقدة واني مارايد اقامة دائمية؟؟؟

شنو خبرتكم بالموضوع يعني شكول بالحدود لو همه مايسالون؟؟؟ لو اطب وبعدين اني اخذ كتاب التدريب مال مستشفى واروح للداخلية وامدد اني مارايح هناك ومعرف شنو الفلم؟؟؟؟؟؟؟

[اريد وطن]

اخويه من تجربه اكيده

احجز طياراه وروح بس خلي وياك مبلغ 2000 دولار فقط  خلي وياك بس توصل للمطار يشوفون الفلوس  ويحسبوها 2000 دولار لو لا ويرجعها الك ويطيك دخول على متذكر يدكلك 2 اسبوع

كل هذا الحجي علمود يتاكد عندك فلوس تصرف على نفسك بيها خلال اقامتك بس تكعد 3 اشهر ماعرف

واني شخصيا اعلرف ناس ثقه الي حيل  طبعا راحو سياحه للبنان وهم شخصان سوو حجز فندق عن طريق نفس المكتب حجز البطاقه وكعدوا همه تقريبا 10 ايام واخذو وياهم مبلغ 4000 دولار حتى ابو المكتب كلهم اذا ماعدكم هذا المبلغ اكو حل واحد يدخل ويحبون الفلوس وعندي موظف بالمطار واكف الي هو الدليل بس يدخل ويعدون الفلوس ارجعله الفلوس للشخص الاخر ينتظر ويعدوها مره اخرى وعادي ياخذ فيزه ويدخل يعني بالمطار قابل همه يحفضون ارقام الفلوس
وحل اخر عاد ي تطير وعند الوصل الشخص الي مكلفه بستقبالك هو يطيك 2000 دولار بس يعدوها وترجعها بس طبعن ياخذ منك عموله حسب علمي بوكتها صاحبي والحمد لله عنده فلوس  كلها يمكن 400 او 500 دولار ياخذ على 2000 دولار

بس الهدف من الفلوس هو ظمان العراقي الداخل لبنان فقط للسياحه مو رايح يكعد يعصى يمهم او يشتغل بس شلون تمددها 3 اشهر لازم المستشفى وهذا الحجي من تقديري انا وليس لي علم به المستشفى عند وصولك تسوي كتاب دوره تدريبهه او تتقدم كتاب كفاله على مسوليتها لمده اقامتك وياريت الاخوان العايشين بلبنان يساعدوك

بس خويه نصيحه عن طريق البر من سوريا الى لبنان لتقدم عليها فقط اكيد تاخذ فيزه من السفاره البنانيه بعمان وطبعن تكلفك اكثر من عمان لسوريا فيزه دخول لسوريا 50 دولار وعند الرجوع من لبنان الى سوريا كذالك تدفع للسوريين فيزه 50 دولار وشغله 2000 دولار فقط بالمطار يعني الحدود البريه بين سوريا ولبنان ماعدهم تعليمات ال 2000 دولار فقط فيزه

اتمنى اكون فدك بمعلومه ولو قليله

اريد وطن / اخ اخ اخ وينك ياوطن

[sad-doctor]

اريد وطن شكرا للمعلومات وانشاءالله تلكه وطن ياريت اذا احد من الاخوة بلبنان يجاوبنا

[mandooo]

اول شي اذا اقامتك بالاردن مال استثمار عادي تكدر تسافر حتى لو بالسياره بس الاول لازم تاخذ فيزا من السفاره اللبنانية بعبدون و توديلهم كشف حساب من البنك وياك , بس اذا اقامتك مال طلاب لازم تروح بالطياره روحه و رجعه و لازم عنوان واضح مو الا فندق يعني حتى لو عندك عرف المهم يخابرون من المطار و يتاكدون من العنوان العندك  و تاخذ وياك الفين دولار بس يحسبوها و يرجعولك ياها
اول ما تدخل للمطار تروح اكو مكتب خاص للعراقيين بمطار رفيق الحريري تدخل هناك اكو جندي ياخذ معلومات و يخابر الفندق او العرف و يكلك روح اشتري طابع من البنك الي بالمطار سعر الطابع 50 دولار بس اذا عندك فلوس لبناني يكلفك ارخص يطلع بحدود 35 دولار  هاي الاقامة مدتها 15 يوم بعد 15 يوم  تروح لمركز الشرطة الموجود بمنطقة جديده ياخذون الجواز و يكلولك تعال بعد سبوع تروح بعد سبوع تشوف مطيلك اقامة 3 اشهر و ببلاش بدون اي فلس
بالنسبة للتدريب بالمستشفى اذا شفت تدريب قبل ان تخلص ال 15 يوم الاولى خذ كتاب من المستشفى للشرطة نفسها بحالة تريد تبقى اكثر من تلث اشهر و همه رح يسوولك اقامة سنوية و هناك الجيش و الشرطة كلهم متعاونين و اوادم
و اذا محتاج معلومات عن اي شي بلبنان اني حاظر

[sad-doctor]

عيوني madoooشكرا جزيلا عل معلومات الدقيقة بس يعني حتى اتاكد اللي افتهمته منك انه الواحد ينطوه اسبوعن اتوماتيك؟؟ يعني ماكو داعي اكله لابو المطار على اي شي وبعدين اروح على منطقة اسمها جديدة وراح ينطوني ثلات اشهر اوتوماتيك؟؟

[mandooo]

اي بالضبط هيه الفيزا الي رح تشتريها من المطار (الطابع)  15 يوم ماكو اكثر  و التجديد شغلة روتينية

[Wingo]

عيني ماندو
الله يبارك بيك على هاي المعلومات المفيدة و الدقيقة

[isweden]

اخواني الاعزاء.
بعد الحصول على الفيزة لمده 3 اشهر،بعدها كيف نستطيع البقاء بصوره رسميه. هل تجدد اوتوماتكيا ام لا. انا سمعت بعض العراقيين وضعوهم في السجن لاعتبار بقاءهم نافذ وغير رسمي. رجاء من له معلومات اكيده ان يزودنا بها.
بالنسبه لي عندي معامله لم الشمل حيث العائله وصلت الى امريكا وافكر السفر الى لبنان لاكمال المعامله،بماذا تنصحوني.
ولكم مني جزيل الشكر.

[sad-doctor]

والله اني اللي افتهمته همه يجددون ثلاثة اشهر بس بعد هاي يمكن لازم اكو سبب رسمي؟ ويمكن اخونا مادو يوضحلك الله يوفقك