اخونا العزيز
ان شاء الله اتسافر بالف سلامه
قبل يوم يتصل بيك محمد وايكلك باجر تجون للمطار وياك جوازاتك وهم اخذ هويات لان راح يطلبها ولو ميعطل سفرك علمودها
تطلع من الصبح الساعه 6 انت طالع على طريق المطار توصل ساحة عباس ابن فرناس تعبرها بشويه تجيك ساحة جبيره مثل البارك هاي ساحة الوفود
توكف تنتضر يجي محمد بالبهبهاني ياخذ جوازاتكم وايصعدوكم بسيارات انتوا وجنطك والى المطار
وراها اينقلوكم لتجييك الجنط راح تسحلون جنطكم مسافه الى التفيش
تنبش الجنط زين وبعدين تسحلوها مره لخ ليبره
تاخذون عربانه مال دفع بالف دينار اتخلي بيها الجنط واتروح لداخل المطار
وهم طبعا تفتيش شخصي وهاند باك اتذبها بالجهاز
واتذب الحذاء والحزام والساعه بسله هم تدخل بالجهاز
وبعدين اتدخلون للقاعه مالت الوزن
وهناك تبدي شغلة الوزن للجنط
اول شي اخذ وياك اكل مغلف ينفعك خلال فترات الانتضار
وثانيا اخذ جنطه زغيره الي تنربط على الخصر اتخلي بيها جوازاتكم لان راح اتطلعها الف مره بالرحله فخلي بمكان جوه ايدك
لتثكل الهاند باك لان راح تشلع ايدك الطريق كله خلي الوزن على الجنط الجبيره
من بغداد اتروحون الى عمان اتباتون ليله هناك بفندق الملكه علياء
ثاني يوم اتطلعون الى شيكاغو ومناك يتوزعون المسافرين
وهسه انطيك رابط لرحلة العذاب هاي حتى اتشوف كل واحد شلون مره بهاي المراحل بالتفصيل
ويستحسن تاخذ وياك اقل شي فد 50 الف عراقي وحتى اذا بقه منها تكدر بعمان اتصرفها الى دولار من ابو المنظمه
وياربي ايسهل عليك
