بعد اجراء الفحص الطبي واستلام المغلف متى يتصلن بنا

[ehab ahmed]

اخوتي الاعزاء اتمنى للكل الموافقه والسفر السريع وتحقيق الاماني
ارجوا اجابتي بعد الانتهاء من الفحص الطبي واستلام المغلف ماهي الفتره المتوقعه للاتصال بنا واعلامنا بالدوره التثقيفيه لان الانتظار صعب جدا والله يصبر العالم على حرك الاعصاب مع تحاتي للكل بالموفقيه



ehab ahmed

[osama5477]

اني صارلي 3 اشهر ولحد الان الموافقة الامنية ماكو ، خلي اعصابك باردة الشغلة اتطول من ستة اشهر الى سنة

[ehab ahmed]

والله ياحبي الله يساعدك صدك جذب ليش هيج اشو غير عالم مصار وياهم هيج شنو هل الحظ والله تعبنا

[ام فائز]

اخونا ايهاب
على كيفك يمعود ان شاء الله تتسهل وكول يا الله
بعدك وراك المهجومه الموافقه الامنيه واكو ناس الها اكثر من سنه على الموافقه الامنيه
خلي وجهك ابوجه رب العالمين وتره محد يكدر يجاوبك على سؤالك لان هو سؤال صعب واعتقد لو تتركه احسن واتخليها يم رب العالمين
بس انت المهم مدام فحصت يعني اتجازيت مرحله كلش مهمه وهي موافقه المحلفين
اختك ام فائز

[ehab ahmed]

,والله ياختي ام فاثز  ما اعرف شكلج الله كريم  الله يسهل
اذا احد من الاخوان يكدر يفيدنا بمعلومات احنا ممنونين وخاصه من اخواني الي سافروا او انطوهم مواعيد سفر

[راهب الحب]

أخوية العزيز إيهاب أحمد :::
الشغلة الوحيدة إللي محد يگدر يجاوبك هي هاي الفقرة !!!!
يمكن من موضوعك إنته هسة مكمّل الفحوصات وإستملت المُغّـلف مؤخراً ...
لكن أكو ناس تنتظر 6 شهور وشيل إيدك من إستلام المُغـّلف ..
 بس تگدر تخّمـن تكمل إجراءاتك بسرعة عن طريق الآتي :::
* ما عنـدك مشاكل ولا غموض بخدمتك العسكرية .
* تكون عائلة تملك أطفــال يعني ما عدهُم عسكرية مثل الشباب .
* تدعي من ربّك لا يصير عندك تشابـُه أسماء .
* أسباب أُخرى ما تعرفها شنو هي .

ومع كل هذا وهمينة تصير حالات تأخير ومحّد يُعرف ليششششش ؟؟؟
تمنياتي إلك بالتوفيق والإستقرار بأقرب فرصة ودُمت بألف الف خيــر .... †




                                 أخــوكــُم / وسـام بهنـام داؤد الخابـــوري 

[ehab ahmed]

اخويه  وسام اني اشكرك جدا على الايضاح وعلى معلوماتك