اخواني الاعزاء ... ترة راح اتخبل ... اكو هيجي حجي لو لا؟؟؟؟؟

[Safaa Alkhrkhy]

اليوم اتصلت باحد ((سماسرة الجوازات)) في بغداد وسالتهة على الجوازات الجديدة فأفتاني بالفتوى الاتية:
(( الجي متوقف .. الاي موجود بس شوية غالي ... اذا اتريد انطلعلك جواز R الجديد!!))
طبعا بعد التمحيص والتدقيق والمراجعة والسؤال والجواب تبين الاتي:
جواز R الجديد هوة نفس جواز الاي بس مابي انكليزي بس عربي وكردي!!!!!!
اخوان ... اني راح اتخبل ... هذولة شبيهم الجماعة يومية جواز شكل ؟؟؟؟؟
خاف عبالهم العراقيين من هواة جمع الجوازات!!!!!
مهزلة المهازل ورب الكعبة!!!!
اللي عندهةمعلومات قمة عن هذا الجواز الجديد يتحفنهة بيهة ولايبخل علينا

تحياتي لكم     الكرخي

[Revolver]

Live and work in the united states

عيش وشوف بلعراق العظيم

اخوية صفاء, الله يساعدك على هل الاعصاب الشايلهة, وربي يعينك ويسهل امرك .


ريفولفر

[salah-eng]

والله احلى من هيج خبر تحفة ما سمعت
صدق الله يساعدك ويفرجهة عليك
يابه طلع الاي واخلص لا يجيك الي ماله حرف


اخوك صلاح

[Safaa Alkhrkhy]

اني كنت اتصور الجماعة راح ايرجعونهة على حرف Z بس همزين شوية طفروا بس السؤال هسة اذا خلصت الحروف شلون؟؟؟ راح ايبلشون بالارقام لو شنو؟؟؟ حسبنا الله ونعم الوكيل

[Wingo]

لا حول و لا قوة إلا بالله
شر البلية ما يضحك !

[نهاد احمد]

السلام عليكم
اخواني صدك صارت بدون ملح
والله يساعد الي عنده عائله كبيره اشراح ايسوي
والله خلصنا فلوسنا على الجوازات  مع العلم احنا سته نفرات
يعني 6×؟؟؟؟؟= ؟؟؟؟؟  الله واكبر اشوكت تفرج

نهاد ابو علي
من مصر

[abo abo]

والله شغله ضحك ههههههههههه تره ملينه واحد لوميسوي جواز احسن ينتظر الى ان يستقرون عله اخر حرف ياله يسوي لان دوخه وحت الدول حاره ويانه شوكت نستقر عله جواز حتى يصير عدهم معتمد والله شغله صارت بله ملح هوه احنه بشنو مثل العالم حتى بهاي نفرق الله كريم تصفه



اخوكم ابو علي

[اين انا 2]

 

 اخ صفاء مبين ماكو سيولة بوزارة الداخلية الازمة الاقتصادية اثرت عليهم  الله وكيلك جان اكو ضابط بل منطقة يمنا يدوام  بل جوازات مال 62 خلال4 شهور بدل 3 سيارات وغير تصميم بيتة ,,,,

هي راح تخلص الحروف وراح يستعملون اسماء الالوان ....

[echo 9]

ههههههههههههههههه
والله ضحكتني اخ صفاء وبالصدفة انا اليوم راجعت الجوازات بمنطقتي وما استلموا معاملة المدام لان شهادة الجنسية مالتها مو ام الفسفورة ام الختم القديم كلش مثلث ومزنجر وانا نسيت ابدلها
المهم الاحد راح ابدلها للشهادة بام الفسفورة هذا اذا ما صدر قرار يخلون الخط والنخلة الاوليات مالات زمان ويا الفسفورة مالتهم هههههههههههههههههههههههههههههههه شر البلية ما يضحك
المشكله الثانية انا عندي بطاقة سكن جديدة جدا هس توني مطلعها بالباكيت كللولي الجماع لازم تجيب مظبطة سكن من المختار وتصدقها من المجلس البلدي والقائممقامية انا بقلبي قلت فد نوب بدربي امر بيها للمضبطة على الاخ اللي بصف بيتي وهو بالمناسبة ضابط دمج لا يقرا ولا يكتب يبصم لي بيها هههههههههه
الله وكيلكم من هاي المهازل والمخازي الواحد يريد يهج مو مسالة مادة وفلوس
لا تتعجب اخوية من اصدارهم لجواز جديد R بلكي ويطلع الكلام هذا صدك حتى تصفى الامور ونشوف تاليها
انا اضحك بس والله قلبي ممرود مرد الناس وين وصلت واحنا بس يا الله مفخخات وتفجيرات والجماعة دايخين بحرف الجواز
انا عندي مقترح الهم يفضها لهاي المعضلة ( ليش ما يختارون اسم واحد من اولادهم الحبوبين ربي يحفظهم وين ما كانوا ويكبرهم ويسمنهم النا ويختارون اول حرف من اسمه ويخلوه على الجواز
بس هم ما يتفقون وهذا خطية فقره للولد اليختارون اسمه وداعتكم ما تطلع عليه الشمس
Echo 9

[zaid alhili]

عجييييييييييييييييييييييييييييييييب

اخوان ديثقفونه الربع همه ديبدون بلغاتنه المحليه بعدين نبدي بالغات الدول المجاوره بعدين بالعالميه حتي وين متروح يعرفون بيك عراقي اصبروا ان الله مع الصابرين بس تهون ومضل هيج بس على مااعتقد همه يحبون المنتخب البرازيلي لان الواعيب بدايت حروفهم بال R فأكيد معجبين رونالدو  ريبرتوكارلوس رونالدينهوا روماريو
اخوكم
 زيدالحلي

[Safaa Alkhrkhy]

عمي ابو الحسن
شكرا لمرورك انا لم انفي عدم اصدار جواز الاي ولكنني قلت بانه غالي شوية وهناك الار ايضا   ارجو منك اعادة قراءة الموضوع   اخوك الكرخي

[ابو عبد الله التكساسي]

عمي الكرخي الله يساعدك ما دام انت بعدك بالعراق وحكومته الميمونه الذكيه

ما تسالنه الجماعه على جواز الار وتكوللهم - هذا وين اسافر بيه لكردستان ؟؟ لان بس هناك يحجون كردي

لان انكليزي والي هيه اللغه المتداوله بكل العالم ما عدا كردستان ما موجوده بالجواز اذن شنو فائدته  ؟؟

يعني اخوان ابشرفكم مو مهزله ؟؟ 

الله ايساعد العراقيين ! اي والله

ابو عبد الله التكساسي

[prison]

اخويه ابو علي لحد ما العراق يستقر على جواز يلحكون ياجوج وماجوج نازلين عمي ياجواز هاي شغله متخلص هبه بس الجوازات الجناسي وتموينيه وسكن بدلوه كون بس الله يوصلنه ولو بعدني بلبدايه مقابله اولى ممقابل وقصه بدون وثائق اريد اعرف وين الكه القصص وشنو الوثائق الي جبتوه اكو قصص بدون وثائق اذا امكن احد يجاوب ولو اني ردت اسوي موضوع بس كلت خلي اعرف شنو الامور يجوز كاتبين بس مداشوفه اني على كلا شكرا واسف على الاطاله اخوك   prison break

[جورجيا]

هههههه عفيه العراق حتى بشغله الجوازات غير شكل عن باقي الدول شسوي مو بيدينه دولى متميزه ابكلشي بلجوازات وبلاحزاب 
هسه كل حزب يصدرلا جواز خاص بي يعني هسه بلكردي بعد جم يوم وابد لتتفاجئون راح ينزل واحد بلفارسي هههه لان احنه مثل متعرفون جزء لا يتجزء من بلاد فارس العزيزه على كل عربي شريف اووووف هم تطلع الهجره واهج واخلص من هل سوالف الي اتموت قهر .

اختكم جورجيا

[MAGGIC]

اخواني الاعزاء

ردا على سؤال الاخ السائل اذا خلصت الحروف شراح يسوون

الجواب بسيط

يعملون بنظام لوحه ارقام السيارات ويكون حرفان وليس حرف واحد

وبهذة المناسبه راح اكتب كم كلمه ان شاء الله تعجب الجميع


أمنياتي هواي بعام ألفين وعشرة
ربي يزيح عَنّه الهموم ويبعد الحسرة
أو وين ماروح يمشي وياي الرقم عشرة
وأخسر من وزني لو ردت عشرة
ويزيدون عدنه الأحباب عشرة فوك عشرة
أتمنى
يعم الخير بلادي بعام ألفين وعشرة
وتتآلف القلوب وتأخذ من الراح عبرة
وترجع الكهرباء للبيوت ونخلص من الغبرة
أتمنى
من أروح للدوام ارجع ألبيتي بسلام
أحط راسي عل مخدة وأحله  نومه أنام
ما أسمع صوت القنابل  لو انفجار يكسر إلجام
أتمنى
أتمنى يتعمر وطنا وتكثر بي المولات
وترجع لبو نؤاس أيامه وترجع السهرات
ومن شارع النهر أنجيب أحدث الموضات
وتنفتح كل الشوارع وبيدي أشيل الصبات
ونكول للعالم هذا العراق حي تره بعدة مامات

[proph1]

الاخ Safaa Alkhrkhy
شكرا على الموضوع  ممكن اسألك على سعر الجواز الأي حاليا من سماسرة الجوازات وشكد يكلف اذا انت تسويه بيدك (مع التوريق)
تحياتي

[Baghdady73]

هههههههههههه شر البلية ما يضحك
خلي ايبوكون الجماعة على راحتهم كل يوم امسوين جواز شكل والله حتى الدول حارت باي جواز تتعامل وية العراقي
هوة الجواز العراقي لو بيه فائدة ما جان الناس طلعت قجغ ودفعت الاف الدولارات على فيزة
اعتقد الجماعة ناوين ايطبعون جوازات على عدد الاحرف الابجدية

[ام منية]

والله صدك ضحكتني
صدك شر البلية ما يضحك

والله هذوله بطرانين وما عدهم شغل وعمل
عرب وين طمبورة وين

[القرش]

                                   السلام عليكم

اخويه الجواز الجديد السخيف مثلهم تره مو معترف بيه ابد ولاتتورط .لان مكتوب بالكردي وكل الدول مو معترفه بيه .

ابو انس
شيكاغو

[Safaa Alkhrkhy]

والله اخي السائل عن سعر الجواز حاليا لايوجد عندي علم الان لانه يبدو انه هناك اسعار جديدة سوف تنزل بعد ايام مع بداية السنة!!!!!!!!!!!!!!!!!! بالمناسبة يقال انه هناك جواز جديد صديقي شايفهة بالجوازات يحمل الحرف P وقيل له سيتم اطلاقه بداية شهر شباط!!!!!!!!!!!!!!!!!!!!!!!!!!!!!!!

[zico]

والله جنها صارت دمبله مو جوازات