بعد 14 شهر مع IOM بغداد ...

[المهندس حمودي]

اخواني واخواتي الاعزاء
تحيبة طيبة
انا اخوكم حمودي صارلي 14 شهر من قدمت على  IOM  بغداد . ومن هذاك اليوم الى اليوم مجرد مقابلة وحدة فقط بشهر السابع . وبعد سكتة لا فحص طبي ولا مقابلة ثانية ولا محلفين .

اشوفها طولت الشغلة هواي . هاي هماتين صايرة .. يعني اكو اشخاص من العام لحد هسه وينتضرون لو ماكو .. لو خاف انا ناسيني جماعة IOM  . وبالمناسبة انا من اقرا العبارة مالتهم بالاتو ربلاي اصدك بيها  وماشي عليها ( We truly appreciate your patience  ) فانا صابر ومنتضر بس اشو كلشي ما وراهم .
يعني هماتين ابقى صابر والى متى ؟؟ لو كافي الى متى صبر  ؟؟

نصيحتكم شتكولون ارجع ادز الهم اشوف شكو ماكو ؟؟ لو اخليها عليها وانتضر شوكت هم يدزون عليه ؟؟

تحياتي

اخوكم
المهندس حمودي

[ok_ok755]

اخي العزيز اصبر اني هم مثلك اني مقدم من شهر ال 11 2008 ولحد شهر السابع 2009 يله قابلت اولى وبشهر 12  2009 قابلت الثانيه يعني صارلي اكثر من سنه فلا تستعجل تره الشغله مطوله لانه هوايه اكو عالم تريد تسافر لامريكا واعرف الانتظار كلش صعب بس شسوي الله يسهلك انشاء الله ويخابروك يكلك تعال قابل محلفين تحياتي اللك واكلك اصبر.

[echo 9]

اخوية العزيز المهندس حمودي
والله ما ادري شنو اجاوبك اخي العزيز بس ما اكول غير الله يساعدك ويكون بعونك انا والله قدمت بشهر التاسع 2009 وبطرك الاالاي زد نمبر لهسه وضجت من اول اسبوع الاخوان نصحوني بالنتظار والصبر واهم شي الصبر بس مال سنة وشهرين ما اعرف شلون راح اصبر لو اجيب الصبر منين
الاعرفه من خلال المنتدى انه المعاملة تمشي سريع عن طريق الاردن فما اعرف بلكي الجماعة الباقين يفيدوك؟؟؟؟
ربي يساعدك ويسهل امرك
Echo 9

[dark angel b13]

السلام عليكم
اخوية انشاء الله الله يفرجهة عليك وايخباروك على المقابلة باسرع وقت اي والله اخوية صدق الانتضار مر وايدمر الله ايساعدك ويفتحة بوجهك (بس مو القنينة مال الغاز ) ههههههههههههههه يلة خوية اضحك شنسوي هية هاي الدنية

[جورجيا]

دزلهم اميل انته شخصران كوللهم شكو ماكو انظل ننتضر  لو انبطل هسه يجاوبك وبلكي الجواب بي موعد مقابلا.
جورجيا

[عراقي1995]

اخويه رحمة لوالديك احنا اخويه بامريكا قدم النا من شهر ال11 2008 ولحد الان كل شيء ماكو
اذا انت امقابل الاولى احنه لحد الان ماكو شيء لا مقابلة ولا غير شيء
ننتضر والله كريم
تحياتي

[المهندس حمودي]

اخواني واخواتي الاعزاء
Echo 9 , OK OK , Dark angel, Jorgie & عراقي 95

شكر جزيلا لأرائكم

انا راح ادزلهم ايميل واشوف شنو الفلم مالتهم وين وصلو بيها شغلتي .
اخويه العزيز عراقي 1995 انت على كيفيك وياي . انا صاحب الكيس الرئيسي يعني انا صاحب التهديدات والبلاوي كلها مو اخو لو صاحب لو ابن عم الي متهدد. على العموم هسه انشاء الله يسهل علينا كلحنة ونخلص ونرتاح .

بس اكو شغلة ثانية .. قليل باقين من جماعة العام . لذلك ما كو هواي اجابات من قبلهم .

تحياتي
اخوكم
المهندس حمودي