الفحص الطبي قبل المحلف iom بغداد

[sakoa]

شونكم اخواني اني جنت مقابل مقابله اولى اب شهر التاسع قبل اسبوع خابرونه عله الفحص الطبي من رحنه كل العوائل جانت مثلنه مقابلين الاولى بالتاسع ............زين همه اذا ممتاكدين المحلف راح يوافق لو الامنيه راح تتاخر  ليش يتعبون نفسهم يسون فحص بعدين لازم يعيدوه؟؟؟؟
و اريد اسال الفحص الطبي شكد يطول و يصير expire ؟؟؟؟
ارجو من الخبراء ان يفهمونا لان هوايه عوائل حايره متعرف شيسون

[زيونة]

أخونا العزيزأنا أؤيد كلامك لآن أني نفس حالتك ... قابلت بشهر التاسع و ألاسبوع الماضي أجريت الفحص الطبي و لم أقابل محلفين ؟؟؟ و أعرف عائلة كانت مقابلتها ألاولى معي و قابل محلفين بشهر  الــ  11 مع العلم أنة لم يجري الفحص الطبي !!!! على حد علمي أعتقد أن الفحص الطبي ماله علاقة بموافقة المحلف و أنما هو تكملة أجراءات أدارية , أما بالنسبة لفترة الصلاحية فأعتقد  12 شهر أي سنة و تقبل تحياتي .

[ريم عبد]

اخوانا sakoa وزيونه
الفحص الطبي في بغداد ميتعلق بالموافقه والرفض ولا بموعد المحلفين وانما هوه اجراء منفصل قد ايصادف قبل مقابلة المحلفين او بعدها
اما عن مدى صلاحيته فهو لا يفقد صلاحيته الا في حالة وجود شك بحالة الشخص فيعاد حسب حالته اما بعد 6 اشهر او بعد سنه وهاي ايحددها الطبيب في تقريره
وان شاء الله موفقين بأذن الله

[مهند هادي]

اخواني الاعزاء

بالنسبة للفحص اجراء روتيني لايرتبط بالمحلفين وموافقتهم اني منطيني موعد الاسبوع اليجي محلفين والفحص الطبي قبلة بيوم بعدين ذاك الاسبوع خابروني على مقابلة محلفين والحمد لله قابلت لكن الفحص الطبي الاسبوع المقبل لكن مااعرف كم يوم الفحص هل يومين او يوم واحد وهل الشخص يكدر يختصر الفحص ويسوية يوم واحد



مهند هادي بغداد

[storm2000]

السلام عليكم
اني قابلت بالشهر 10 مع المحلفين والى حد الام ممسوي فحص وحد كالي على فحص مادري ليش 

[sakoa]

شكرا على الردود اذا الفحص ماله اي علاقه هسه ننتضر المحلف

[Abo Andrew]

اخي الفاضل

الاخوة جاوبوك فيما يخص علاقة الفحص بالموافقة مال محلف واعتقد هسة انت افتهمت لان هذا شي اداري مو عبالك اذا سويت فحص انت مقبول

اما بخصوص مدة الصلاحية للفحص فا احب اكلك انه الفحص ميصير اكسباير نهائيا اذا اخذت علية Clearance عسة ميعبر علية 100 سنة

يعاد فقط في حالات همة ايشكون بيهة لذلك ايطلبون انه تنعاد بعد فترة مثل مصار وية هواية ناس

وترة دا احجيلك عن خبرة لان اني مراسل المنظمة وهمة فهموني هيج بخصوص هذا الموضوع

تحياتي