اعذروني على الانقطاع

[starxb]

مرحبا اخواني الاعزاء عائلتي اعضاء منتدى عينكاوا
اعتذر عن الانقطاع هاي الفترة وذلك لاسباب منها مكان عندي اشتراك نت رسمي والثاني هوة كثرة المراجعات والمعاملات .وبالنسبة للمدينة الي اني بيهه فهية مدينة جميلة وناسهه هادئين ومسالمين اما بالنسبة لخوانة العراقيين الي موجودين يمنة فلله الحمد ناس خيرين وطيبين ومو غريبة على العراقيين هاي الصفات وخاصتا اخوية العزيز ابو ياسين واخو الي مقصرو ويانة وكفو ويانة وكفة اخ لاخو ومثل مكلت هاي الشيمة العراقية وما انسة اخوية العزيز حسين الي مقصر وشرفني بزيارتة .واني حاضر اخواني لاي استفسار اذا تحبون تعرفون شي عن المدينة .

                                                اخوكم ابو مريم تنسي ناشفيل

[AbU.SaRa]

 أخوية العزيز.......حمد الله على سلامتك وأنشاء الله ترتاح بالولاية ألي أنت بيها...وتبدي حياة جديدة

[ام فائز]

اخونا ابو مريم
اهلا وسهلا العوده
احنا بس انريد نطمئن عليك وعلى العائله وان شاء الله موفق
اختك ام فائز

[lionofiraq]

    اهلا و سهلا بيك اخوية العزيز و نتمالك حياة افضل و مستقبل زاهر

تقبل مرور اخوك طيف من ماليزيا التعبانة

[abu shahed]

الف هلا بيك اخي العزيز ابو مريم انشاء الله الاستقرار والامان يارب امين


                       اخوك
                  79النرجس

[الناسك]

الف مبروك واهلاً بعودتك مع اخوتك ... ونحن نعذرك لأن اهل مكة ادرى بشعابها ...( الحياة صعبة)
وادعوا لك بالاستقرار وهدوء البال والعمل .
النـــــــــــــــــــــــــــــاسك

[نهاد احمد]

السلام عليكم
اخي ابو مريم
الحمد لله على سلامتكم
 واهلا بعودتك مره ثانيه    ..  وان شاء الله ستقر في المكان الجديد
والموفقيه للجميع


 نهاد ابو علي

[ريم عبد]

يا اهلا وسهلا بيك اخونا العزيز ابو مريم
واهلا برجعتك للمنتدى
والله مشتاقين لسماع اخباركم انت واخونا العزيز ابو ياسين
وياريت تحجينا على ترتيب وضعكم بالولايه
شلونها المنظمه وياكم
اخبار الشغل هناك
اكو برامج استفاديتوا منها مثل برنامج الهيت او غيرها

ان شاء الله منكون طولنا عليك
ياربي ايسهل كل اموركم ان شاءالله

[راهب الحب]

حبيبي الغالي أبو مريم شلونك يا غالي مشتاقيلك والله العظيم البارحة بالليل وآني راجع من الشغل بالميكرو باص  والدنيا تزّخ مـُطر إتذكرتك وگلت هذا اخونـا أبو مريم الظاهر ما صـدّك لگى دهن وراح غرگ بي  ... تذكرت حجايتك من يسموك قبل ببغداد بالشغل أبو الدهـن ...
أهم شيء طمنتنا عليك ويا رب تتوفق بالشغل وأسمع اخبارك الطيبة أاشوفك بألف  الف خيــر ... †





                                     أخــوكــُم / وسـام بهنـام داؤد الخابــــوري   

[ابو عبد الله التكساسي]

اخونا ابو مريم
اهلا وسهلا العوده
 وان شاء الله موفق

اخوك ابو عبد الله التكساسي

[angie-dawood]

اهلا ومليون سهلا بك اخي العزيز  ابو مريم كل الهلا بين اهلك وناسك ربي يوفقك ويرزقك يارب مراحب

[نخله عراقية]

مرحبا اخي ...اهلا وسهلا بيك ..ويارب كل التوفيق والسعاده ...ونحن نقدر لك تواصلك من جديد.
اخنك نخلة عراقية
عمان

[ســـرى]

الف مبروك الوصول موفقين ان شاء الله بس بلكي تكوللنا شلون الجو يمكم؟

وبلكي تسولفلنا على اسعار الايجارات محتاجين النصيحة منك وشكرا جزيلا

[hussein5582]

اخويه والله امي مقصر وياك ,, اني هسه دوامي من ال 4 الفجر صار الى ال 12 الظهر لانوا ديحظرون للكرسمس
و اخير يوم دوام الخميس الجاي,, ان شاء الله نتشاوف اكثر وردت رقم تلفونك دكيت مرة على ابو ياسمن محد رد بلكي ادزلي تلفونك
شلون البرد وياك خوش ظربه ظرب

[starxb]

اخواني اعضاء منتدى عين كاوا وبيتنة الثاني .
الف شكر على ردودكم وترحيبكم وبالنسبة للولاية الي اني بيهه ولاية جميلة من حيث الطبيعة ومن ناحية الجو حاليا اكو موجة برد شديدة اما عند وصولنة كان الجو جميل جدآ والبيت الي احنة بي هوة غرفة وصالة كان متوفر بي تلفزيون وقنفة وطاولة و3كراسي وادوات مطبخ بسيطة وسراير 2والباقي كملناه من جيبنة الخاص اما عن المنظمة فهي منظمة جيدة عدهه برنامجين الاول تعطيك الفلوس وانتة تدفع ايجار وكهرباء والثاني المنظمه هية الي تتكفل بالايجار والكهرباء وبالنسبة للشغل فالمنظمة كل همهه تلكالك شغل ولو بسيط واذا واردهه ميكفيك معيشة تبقة المنظمة داعمتك الى ان تلكة شغل يكفيك وعائلتك ومن ناحية الامان فهي مدينة هادئة وناسهه لطيفين وبالنسبة للحجاب لان اعرف اكثر الاخوان يسئلون عنة فماكو اي مشكلة لان زوجتي محجبة والوضع جدا طبيعي .واخوية ابو حسين انتة مقصرت ومااعتب عليك لان شغلك اولة واني لو احتاجك ما اتردد اطلبك واخوية ابو ياسين مقصر ويانة . واخوية العزيز وسام والله اني بعدني ممشتغل بس اشتريت سيارة عاطلة ومرغلت روحي بالدهن ومقصرت الى ان شتغلت  ;Dاتمنى اكون كفين من ناحية الشرح للوضع حتة اخواني واخواتي بالمنتدى يستفادون ولو بشي بسيط .وبالنسبة للايجارات ناشفيل فاعتقد الايجارات رخيصة لان احنة اجار شقتنة غرفة وصالة 475دولار شهريا والطباخ والثلاجة جديدة والشقة عموما نظيفة والمنطقة قمة في الجمال والنظافة .اما بالنسبة للمواصلات فهنا المشكلة فلا تتوفر اي وسيلة نقل الا باص ياتي بالساعة مرة وليس لكل المناطق فقط لمركز المدينة والسيارة هنا ضرورية جدا جدا .واي استفسار ثاني احنة حاظرين

اخوكم ابو مريم  تنسي ناشفل