سؤال عن الاردن و لبنان

[ام بكر]

السلام عليكم جميعا اخواني واخواتي الاعضاء .. اليوم عندي سؤال عن تكلفه العيشه  والايجارات ابلبنان والاردن ياهو ارخص ؟ ياريت اتجاوبوني يا اصحاب الخبرة وعندي بعد كم سؤال بدون زحمه عليكم  , بالنسبه لمعاملات اليو ان هناك وين اسرع وشنو الافضل اقدم وحدي اني و ابني لو ييجي ويانه ابو بكر وبالنسبه للطفل المريض وين اروح بيه و منو ممكن ايساعدني من منظمات ومدري ايش .
 اخواني ارجو الرد من اللي عنده خبره بهاي الامور واني جدا ممنونه و على فكرة اذا اريد ااجر شقه فرح اتكون بسيطه غرفه وصاله بس و بمنطقه وسط . 
  تحياتي للجميع

[ام فائز]

عزيزتنا ام بكر
اهلا وسهلا بيك
اولا الشقق ابعمان ارخص واعتقد اتلكين هيجي شقه ابحدود 300دولار بالشهر  ويبقى الكهرباء والماء والغاز
لبنان غاليه بالنسبه للسكن
اما المعيشه فاعتقد نفس الشي بس تعرفين ام البيت تكدر اتدبر الامور احيانا
 واعذريني على عد اجابه بقيه الاسئله لعدم معرفتي ويا ريت الاخوان يجاوبون
تحياتي
ام فائز

[ام بكر]

شكرا جزيلا حبيبتي ام فائز ما قصرتي  كثر الله من امثالج . وانتظر ردود اكثر من الاخوان والاخوات الاعضاء

[salah-eng]

مرحبا اختي ام بكر
ياريت توضحين اكثر حول بقائك بالبلد حسب ما فهمت انتي تردين التقديم على اليو ان لانه انتي لازم تاخذين ابالك ان الامر راح يطول وياك ولازم تحسبين احسابك لمصروف يطول وياك لفترة لان الناس الي قدموا على اليو ان الفترات تفاوتت بقبولهم وسفرهم من شخص واخر وكلمن حسب قصته الي تدعم موقفه وانتي تذكرين ان عندك عائلة ما ادري رايي انه لمن تكونون جميعا سوية بملف واحد يكون موقفك احسن كعائلة واهتمامهم بيكم يكون احسن حسب قصتكم ايضا واكيد انتي عندك فكرة عن الي اقصده من خلال متابعتك لمواضبع الاخوان بالمنتدى الطيب باهله وناسه العراقيين
على موضوع الايجارات اكلمك عن الاردن طبعا الايجارات متفاوته وحسب المناطق بالاردن بس عمان كعاصمة
الوضع بيها متفاوت وبعدين اذا تاخذين بيت فارغ وتفرشيه على احسابك راح يوفر وياكم اكثر عكس المفروش الي هنا الموجرين يدمرون الواحد بالايجارات واسعارهن واقصد تاخذين بيت فارغ وتفرشيه على حسابك لانه
التقديم راح ياخذ وياكم فترة زمنية ومراجعات وهاذي كلها مصاريف وبنفس الوقت توفير الكم لانكم عائلة وتقولين وياكم مريض -- وبعدين اكو مناطق خارج عمان تبعد عن عمان نص ساعة مناطق هادئة و جميلة ومريحة وتكون اسعار الايجار بيهة مناسب جدا وللعوائل بالذات يعني بالمحافظات الي خارج عمان
مثل مادبا الي اني بيها منطقةسياحية واجتماعية جدا واراضي زراعية وبيئتها نضيفة والايجارات بيهة احسن من عمان وبيوتها جميلة ومريحة
وطبعا تفرق بالايجارات عن عمان مقدار الثلث ومرات النصف عن الي ذكرته الاخت ام فائز
واي نصيحة ما راح نقصر معاكم وتذكري التوفيق من الله سبحانه

اخوك مهندس صلاح

[الفهد السباح]

الاخت ام بكر تحية طيبة لك ولجميع الاعضاء
بالنسبة لايجار الشقق بلبنان حسب نوع الشقة والمنطقة واكو شقق ب300 دولار واكو 400 دولار واكو مؤثث ب500 دولار
وبالنسبة للمعيشة والاسعار اسعار الخضروات والفواكة نفس اسعار بغداد واما عن المواد التمونية فشوية اغلى من بغداد يعني الصرف نفس بغداد بس بلبنان اكو شغل يعني اذا الواحدسعى يلكة شغلة

وبالنسبة للتقديم لليو ان افضل ان اتقدمون الكل سوا يعني حتى يصير الملف العائلة واحد والقصة نفسة

تحياتي لشخصك الكريم

[ام بكر]

السلام عليكم اخواني المهندس صلاح والفهد السباح رحم الله والديكم وجزاكم الله عني كل الخير اجاباتكم وافيه وكذلك اختي العزيزه ام فائز اشكركم جزيل الشكر

[الامل 2]

                                                اتمنى لك التوفيق

[كابوس]

تحياتي الج ام بكر.... انا من خلال تجربتي في عمان ولبنان فأعتقد ان لبنان هي احسن من ناحية المعيشة واكو شقق اجاراتها رخيصة وخاصة في المناطق اللي يسكنها العراقيين مثل الزعيترية وسد البوشرية وممكن تقدمين على الكاريتاس وهم يساعدونج بأن يوفرون الج اشياء مفيدة لبيتج... وممكن يوفرون العلاج لأبنك المريض وبرسوم بسيطة جداً... وتحياتي الج

كابــــــــــــــــــــوس

[ام بكر]

شكرا شكرا شكرا اخي او اختي الامل2 وانا ايضا اتمنالكم كل التوفيق واخويه العزيز كابوس جدا ممنونه منك ما قصرت جزيل الشكر على النصيحه . الله يسهل امركم ويوفقكم جميعا .