حاير ما اعرف شسوي انصحوني رجاءا

[zaiddiaa]

السلام عليكم
شلونكم وشلون صحتكم
راح ادخل بالموضوع لان اني شوية مستعجل والرجاء منكم تجاوبوني على اسئلتي بالي تعرفو

اني شاب عمري 22 سنة كملت دراستي هاي السنة ومرت بية ظروف صعبة حيل
واريد اقدم لجوء بس حاير وين اقدم

يعني بمصر لو لبنان لو تركيا لو بعمان

ياهو احسن من ناحية تسريع المعاملات او المصاريف والسكن وووو
الرجاء منكم تفيدوني

[/size]

[عراقي وافتخر 4]

اخي العزيز نورت هذا المنتدى الرائع.. المعاملات بكل هاي الدول الحضرتك ذكرتها تاخذ وقت بس نصيحتي الك هي عمان افضل واسرع من ناحية السكن ونظرا لظروفك الصعبة والله ان شاء الله يفرجها عليك  في عمان تختلف من حيث المناطق بس مثلا هاشمي الشمالي اعتقد تناسب وضعك ومن ناحية المصاريف ايصرفلوك المنظمة راتب بس انت حط ابالك تاخذ وقت شوية يعني جيب وياك مبلغ ايمشيك الى ان تاخذ راتب ارجو ان اكون افدتك بهذه المعلومات واتمنالك كل الموفقية والله يفرجها ويسهلها عليك ان شاء الله واحنا حاضرين لاي مساعدة

اخوك محمد

[ethan texas]

 والله يا اخوية بالنسبة لتجربتي الخاصة بمصر

قدمت مباشر على الاي او ام وطلعت خلال 9 اشهر لا امريكا

فة انت وحضك بس اني انصح بمصر  والاردن لان سريعة بالمعاملات

اخوك جوزيف

[اوتافيا]

اخي العزيز انصحك اما عمان او لبنان

                                                   اختك اوتافيا

[صابرين]

اولا اهلا وسهلا بك في المنتدى
ثانيا حسب مانسمع انو عمان ولبنان اسرع من ناحية معاملات اللجوء
مصر بطيئة وتعتمد من حالة الى اخرى بالاضافة اعتقد انو لحد الان لم تفتح الفيزا لمصر
نحن صار لنا عدة سنوات هنا ولكن اكو وحدة خلال 3 اشهر تم توطينها طبعا حسب الحالة ... كانت لديهم حالة صحية ...
ويارب بالتوفيق
صابرين

[أ.ج.ت]

اخي العزيز اني بتركيا وانصحك انو متجي لتركيا لان غالية وماكو رواتب وياخذون فلوس اقامة واتطول اصور عمان حاليا احسن اني صراحة مااعرف اي دولة احسن س الي اعرفة هو عن تركيا وماانصح اي شخص يجي لهنا.

[zaiddiaa]

شكرا الكم على الاهتمام بالموضوع واني جان ابالي اروح لتركيا

بس واضح من تجربتكم انو تركيا متفيدني

زين اذا اروح للدول العربية يعني لبنان لو عمان لو مصر
 
اني افتهمت من كلامكم انو عمان اسرح من ناحية اللجوء

شغلة ثانية اني سمعت هاي السنة اخر سنة على الي ديقدمون لجوء اكو هيجي شي لو لا

وشكرا لاهتمامكم مرة ثانية

[lionofiraq]

     اخي العزيز برنامج اللجوء ينتهي في سنة 2012 و بعد ما اعرف

تقبل مرور اخوك من ماليزيا

[zaiddiaa]

بالنسبة للدول العربية يعني لبنان لو عمان لو مصر
التقديم على اليو ان كم مقابلة يوجد بلبنان لو عمان لو مصر
زين اني ما اشتغل ويا الامريكان هل اقدر اقدم معاملة اي او ام
لو بس اقدم على اليو ان

[كابوس]

بكل صراحة وانا من خلال تجربتي بالسفر الى عمان ومصر ولبنان وشفت هواية عراقيين مقدمين لجوء بهاي الدول فلا انصح السفر اليها بسبب الكم الهائل من العراقيين وكل شخص مصيبته تختلف عن الثاني بس برأي أنه انسب دولة هي تركيا لان نسبة العراقيين هناك قليلة وممكن تدبر امور معيشتكم وتسكن سكن مشترك مع شباب وتقلل من المصاريف وتشوفلك شغلة ولو تسدد اجور مصاريفك هناك... لانه اطول فترة يبقى الشخص في تركيا هي سنة او سنة ونصف حسب نوع المعاملة... وكل تقديري الك وللجميع

[violin]

اخوية العزيز . اعتقد لبنان احسن شي. لان اسرع ويهتمون بالاجئ اكثر من باقي الدول.

[ابومنذر]

السلام عليكم  نصيحه تركيا ماتفيد الان لطول الفتره ودفع غرامات وغلاء المعيشه واليحب يجي هلا واللههههههه

[zaiddiaa]

طبعا بالبداية اشكركم على الاهتمام بالموضوع

بالنسبة للتقديم على اليو ان كم مقابلة يوجد بلبنان لو عمان لو مصر
زين اني ما اشتغل ويا الامريكان هل اقدر اقدم معاملة الاي او ام

[أ.ج.ت]

اخي زيد IOM هو برنامج للعاملين مع قوات التحالف وهذا الرابط لموضوع iom للاخ فالكون
 http://www.ankawa.com/forum/index.php/topic,270896.0.html
فأنت ماعندك غير الامم المتحدة. وتقبل مروري

[alprince1980]

اخي العزيز
انصحك بعمان وبس مع كل احترامي لكل الاراء
لان عمان كلش زينة من ناحية المساعدات والسرعة

تحياتي

[zaiddiaa]

اخي العزيز
انصحك بعمان وبس مع كل احترامي لكل الاراء
لان عمان كلش زينة من ناحية المساعدات والسرعة

تحياتي

اخي العزيز alprince1980
شكرا على النصيحة
عمان كم عدد المقابلات الي يقابلوها
وشدك تطول المعاملة؟؟؟؟
لان اني الي دا اسمع على تركيا سنة وفوق
ومصر هم تتاخر و لبنان و الاردن ما اعرف شكد
وشنو هي المساعدات الي تكول عليها ؟؟؟

[zaiddiaa]

شكرا على النصيحة
عمان كم عدد المقابلات الي يقابلوها
وشكد تطول المعاملة؟؟؟؟
لان اني الي دا اسمع على تركيا سنة وفوق
ومصر هم تتاخر و لبنان و الاردن ما اعرف شكد
وشنو هي المساعدات الي تكول عليها ؟؟؟
زين واذا اقدم على IOM واني ما اشتغل ويا الامريكان ولا اي شركة امريكية
بس عندي اقاربي هناك يعني عدهم الجنسية الامريكية هل اقدر اقدم على IOM

[عكعك التطوى]

شكرا على النصيحة
عمان كم عدد المقابلات الي يقابلوها
وشكد تطول المعاملة؟؟؟؟
لان اني الي دا اسمع على تركيا سنة وفوق
ومصر هم تتاخر و لبنان و الاردن ما اعرف شكد
وشنو هي المساعدات الي تكول عليها ؟؟؟
زين واذا اقدم على IOM واني ما اشتغل ويا الامريكان ولا اي شركة امريكية
بس عندي اقاربي هناك يعني عدهم الجنسية الامريكية هل اقدر اقدم على IOM

اخويه الفاضل zaiddiaa راح اكون صريح وياك الجوء عموما عن طريق اليو ان بي صعوبه وليس كل واحد يقدم او يسجل ب un معناها انه راح يتوطن وبصراحه لازم تكون عندك اسباب قويه او اسباب صحيه لايمكن علاجها بالبلد الي تقدم بي على اللجوء او امراض نفسيه وطبعا هناك ناس انقبلت بالواسطه وهناك ناس بالحظ
وطبعا الشغله تاخذ وقت كبير مو اقل من سنه او يزيد وحسب منسمع انه التقديم من عمان افضل والله اعلم واني ما اريد ان احبط من معنوياتك بالعكس اكولك حاول بس بنفس الوقت خلي الجوانب السلبيه امام عينك واذا عندك استعداد فتوكل على الله

بالنسبه للتقديم على iom  لازم تكون مشتغل مباشر او غير مباش مع القوات الامريكيه
وبالنسبه اذا كان قريبك الحاصل على الجنسيه درجه قرابته منك من الدرجه الاولى فانت مشمول بالتقديم المباشر على iom وتحياتي واتمنالك كل التوفيق ان شاءالله

[MAGGIC]

اولا اهلا وسهلا بيك بمنتدانا وان شاء الله احنا اخوانك


بالنسبه لسؤالك الاخوان ماقصرو بالاجابه عنه بس المهم هو قرارك انت بعد ماتقتنع بالاجابات وتحدد امكانيتك الماديه قبل لاتروح لاي دوله حتى اتقدم

على العموم موضوع التقديم لايخلو من الحظ لان اكو كثير سافرو بوقت قصير واكو كثير بعدهم وانت اكيد اطلعت على مواضيع المنتدى والشي المهم هو القصه مالتك بحيث تقنعهم والتسهيل من رب العالمين

اتمنالك الموفقيه

تحياتي الك

[zaiddiaa]

الف شكر اخواني
اني عندي خالتي بامريكا وعدها الجنسية الامريكية
يعني تفيدني درجة القرابة مالتها لو لا
ويصير اقدم على IOM من بغداد لو ميصير؟؟؟؟

وان شاء الله تسهل امور الجميع
وشكرا مرة لخ على اهتمامكم بالموضوع
ويارب تبقى روح التعاون بيناتكم وبهذا المنتدى الجميل
تحياتي الكم