مامعنى بعض الاجراءات انتهت صلاحيتها وانعادت افيدونا يرحمكم الله

[ام سما]

السلام عليكم اخوتى واخواتى في منتدانا الرائع اليوم اتصلت بالهجرة في سوريا للاستفسار عن ملفنا واشوف شنو هذا التأخير واكثر الى ويانا سافروا جان تكلى الموظفة ملفكم ماشى حسب الاصول بس بعض الاجراءات انتهت صلاحيتها وانعادت كلتلها الامنية كالت لا بس بعض الاجراءات الى تمشي على الملف زين كلما نتصل يكولون اجراءات شنية هاى الاجراءات الى جتى وانتهت صلاحيتها الى عندة فكرة على الموضوع يفيدنا يرحمكم الله وشكد تطول والله ملينة من الانتظار والله يوفقكم ويوفق الجميع اختكم ام سما

[ابو عبد الله التكساسي]

والله ام سما الله يكون  بالعون خيتي شو هم الجماعه صارت عدهم يوميه سوالف جديده ويا العراقيين

الله يسهل يابه
 الله يسهل

[ام فائز]

اختنا العزيزه ام سما
اهلا وسهلا بيج
الي نعرفا كلنا انو الموافقه الامنيه من تنتهي صلاحيتها يعيدوها وكذلك الفحص الطبي
وغير هالاثنين ما عدنا علم هذوله كل يوم موديل شكل لعبوا نفس العالم
بس تره مادام مو الامنيه الضاهر اكو شي ابسط وان شاء الله خير
تحياتي
ام فائز

[المتمني]

اختي ام سما انت انتظري وشوفي وعيشي هنا وتعجبي والله راح يطلعون الدنيا من عيني تصدكين دافكر ارجع للعراق واترك هذا الموضوع لان طكيت والله طكيت ومداخبرهم لان اخاف يكولون هيجي شي شوفي هذا الكلام اللي يلعب النفس انه هواية اجراءات انعادت يعني هذا مو يودي للياس مو هذا انتقام من عدنا شنو افسر هذا الله يرحمنا وهوارحم الراحمين

ابو ملك

[عراقي وافتخر 4]

اخت ام سما لاتقلقين بلكي مثل مااتفضلت ام فائز اعادة فحص طبي او مشابه انتي اهم شي حاصلة على الموافقة الامنية بلكي الاشياء الاخرى روتينية ومتحتاج وقت الله يسهله عليج ويفرجها ان شاء الله وتسافرين

[راهب الحب]

عزيزتي الاخت أم سمــا :::
الله يكون بعونج والله شايل همـّج الله الشاهد وأدري طولتّي هواية ويمكن من أقدم المتأخرين من الأعضاء إللي متواجدين ويانة بسوريا  وأتذكر من قبل 3 شهور وأكثر باركتج وطمنتج ما تطولين بحدود الشهر لتحديد موعد سفرج إذا بعدج تتذكرين ...

مثل ما تفضلوا الأخوان الإجراءات إللي تنعاد تشمل كذلك التجييك الامني والفحص والطبي راح تعيدوها لأنهُ مرّت سنة كاملة وإنتوا ما سافرتوا فتنعاد من جديد ... أقصد ( سنة كاملة من موافقة المُحلف )  حسب ما أعتقد  ...
 هاي إذا ما جانت مشكلتج تشابه أسماء جيب ليل وأخُذ عتابــة ؟؟؟؟ ....


بصراحة اليوم اخوية الكبير وإللي هو الباقي وما كاملة موافقته الامنية خابرهم والجواب الجديد المسّلفن كان ::::
 (( بقتلك شوية إجراءات خارجية )) .... وكل عائلتك بإنتظارك حتى تخلص ؟؟؟


تمنياتي لجميع الأخوة بالتوفيق والإستقرار ودُمتم بألف الف خيـــر ... †





                                     أخــوكــُم / وسـام بهنـام داؤد الخابــوري

[اسيرالروح]

سلام عليكم
 اخت ام سما
الاخوان الي تفضلو حجيهم صحيح
لان اني جان سفري يوم 5/11 واجلنالضروف وبعد مرور اسبوعين اتصلو بينه المنضمه وكالو عيدو الفحص الطبي  ومن خلصنه من الفحص خابرناهم وكالو سوف تنعاد  موافقه الامنيه الولى من جديد ولحد لان متصلوبينه واني بمصر

[MAGGIC]

اختي العزيزة ام سما

انا اعتقد اذا كانت الامنيه كامله او جاهزة فالاجراءات لاتتعلق بالفحص اذا ماطالبين منكم فحص

الي اتوقعه انو هذة الاجرائات الها علاقه بالمنضمه الي راح تستلمكم يمكن غيروها او بدلو مكان الولايه وان شاء الله الامور ماشيه وتسافرين وتنفتح الك باذن الله


تقبلي مروري

[samytransl]

السلام عليكم اني عضو جديد وهذي اول مشاركة بهذا المنتدى الرائع ...اني قابلت المحلف في بغداد بشهر السادس واكملت الفحص الطبي بشهر ال10 والموافقة الامنية  بشهر ال11 البارحة دزيت ايميل وجاوبوني بان الموافقة مالتي صارت اكسباير وانعادت من جديد وجيب ليل واخذ عتابة ...اكو هيج فلم اخوان؟اذا احد اجا هيج ايميل بلكي ينورنة ...مع التقدير

[عاشق تراب العراق]

و الله اختي ام سما  الله يكون بعونكم و فعلا سوريا ميبردون كلب واحد و يكولولة شنو الفلم و وين وصلت  هسة مو جانو المصريين زينين حتى هذولة حرمونة منهم بس بلكي ان شاء الله يتصلون بيكم على اعادة الفحص الطبي لان اني جنت كلما اتصل طبعا هذا الحجي بالفترة الاخيرة يكولون ملفك ماشي و ما بي اي مشكلة وبعدين طلعت الامنية جاية و خلصان الملف فمدام كالولج الملف ماشي يعني ماشي لان بصراحة مهما يكونون صارمين و جلف بحجيهم هنا بسوريا فالشي الحلو بيهم انه ميكذبون و يا رب يطمن كلبكم و يتصلون بيكم على اعادة الفحص