اللجوء الى اميركا... عاجل... عاجل

[كابوس]

مرحبا بالجميع... أود قبولي كصديق جديد في هذا المنتدى لما فيه من خير ومساعدة لكل عراقي ذاق الهم والغم... وأتمنى من اصحاب الخبرة الاجابة على سؤالي المتعلق بالسفر الى اميركا عن طريق الامم المتحدة في تركيا وخاصة بأن والدتي واهلي يعيشون فيها ومعهم الكرين كارد... ولكنني متردد بالسفر بسبب مخاوفي بعد ان اصفي وابيع كل ممتلاكاتي في العراق وأغادره للأبد... وسؤالي هو: هل وجود اهلي في اميركا سوف يسرع من قبولي في الامم المتحدة في تركيا كــــلاجيء ام لا؟... وبصراحة لا اعلم بالضبط كيف اتصرف لانه هذا الشيء جديد علي من ناحية القصة التي يجب ان اقدمها للامم المتحدة... فأرجو منكم ان تساعدوني بالمعلومات المفيدة ولكم مني جزيل الشكر والله يبارك الجميع     

[ابو عبد الله التكساسي]

اخ كابوس الف هله بيك في بيتك الثاني عين كاوه
اخي نصيحه لوجه الله من اخوك الجبير \ الزغير  اذا انت تفكيرك هيج مثل ما كلت انت

ولكنني متردد بالسفر بسبب مخاوفي بعد ان اصفي وابيع كل ممتلاكاتي في العراق وأغادره للأبد...
نصيحه اخويهه لا تجي ولا تبهذل روحك ولا ت دوخ نفسك لان راح تتعب جسديا ونفسيا من تشوف واقع الحياه اهنا

بالنسبه للكرين كارد لا يسرع ولا ياخر بالمعامله مالتك وما اله اي تاثير

تحياتي
اخوك ابو عبد الله التكساسي

[كابوس]

أشكرك ابو عبدالله التكساسي على نصيحتك وكلامك الطيب... بس انا كنت احب ان تعطيني المعلومات المفيدة بالموضوع اللي آني طرحته ان كانت متوفرة الك... اما بالنسبة لنصيحتك الطيبة فأنا اقبلها بكل صدر رحب ولكن مجبور على السفر لانه ما عندي اي شخص بالعراق وكل اهلي ومعظم اقربائي بالخارج...

وشكراً الك من اعماق القلب

[ابو الحسن]

عمي كابوس السلام عليكم
اني مو بامريكا وما ادري ربك كاتبلي عمر اشوف امريكا لو لا هاي الله واعلم
بس اني كاعد اقره بالمنتدى من الصبح لليل
وعلى اللي شفته عمي
اي بناء بالحياة صعب مو مثل الهدم
فكيف الحال مع بناء حياة جديدة في مجتمع جديد؟
عمي الشغل بصورة عامة مو سهل بس مو مستحيل
اللي يريد ينام للظهر ماتفيده امريكا عمي
اللي يتصور امريكا مثل اوربا مساعدات ودلال فتصوره خاطي عمي
عمي تريد تنجج بامريكا وان شاء الله تنجح فلازم تنزع عباءة الماضي
لاتكول كنت
اخلع عباءة الانا
لاتظل تكول انا وانا
توكل على الله وابدي حياتك هناك وخلي اعتمادك على الله وهو خير الرازقين
ابو الحسن - ماليزيا

[ABJ]

وليش عاجل ... عاجل ؟؟؟؟!!!!

[كابوس]

مشكور أبو الحسن ... يا أخي والله كلامك مشجع وعلى راسي انت...  وبصراحة مو مشكلتي المعيشة في اميركا لأن مثل ما انت كلت الله خير الرازقين ... بس اريد اعرف شغلة هل تنصحوني ان اسافر على تركيا ام لا؟.... واريد تفاصيل اكثر حول هذا الموضوع...

تحياتي الك

كابــــــــــــــــــــــــــــوش

[ابو الحسن]

عمي اللي كاعد اشوفه بالمنتدى من سوالف حبايبنا
انه الاردن ولبنان اسرع شي هسة
تركيا جانت قبل سريعة بس هسة اشو يسولفون حبايبنا هنا انه مو كلش
ولاتنسى تركيا غالية
بس تركيا الحلو بيها الانسان محترم
يعني مو شرطي اردني جان مزاجه مو تمام وما اعترف بكتاب الامم ورحلك مثلا
تركيا تدفع فلوس وتاخذ اقامة
بس الحياة بيها غالية مثل ما اقره بالمنتدى
انته سوي مقارنة  وقرر عمي
مادام اكو عندك اسباب ودوافع قوية تترك العراق وتكدر تقنع اللجان مال  التوطين بيها فتوكل على الله
ونحن نريد والله يفعل ما يريد
ابو الحسن - ماليزيا

[ام فائز]

اخونا اهلا وسهلا بيك
اني مو ابتركيا فللاسف ما اعرف اجاوبك اني ابعمان واعتقد هي كلها نفس الاليه للتقديم عن طريق المفوضيه الساميه للاجئين بس لازم عندك قصه معينه تجعل بقائك بالعراق خطر عليك ومن المفوضيه يتم تحويلك الى برنامج اعادة التوطين اذااااااا اقتنعوا بالقضيه مالتك
اما بالنسبه الك والله اخي انت الله يساعدك لان حسب ما تقول ما عندك احد بالعراق والشخص يروح وينما يكون اهله واصدقائه واحنا اكثرنا كانت امورنا بالعراق جيده واكثر من جيده ونحمد الله لكن غير الظروف الامنيه اجبرتنا على المغادره واكثر اهلنا صارو هناك
اني اقترح تسال اهلك وهما ينصحوك 
ارجو من الاخوه في تركيا يساعدوك بالاجابه موفق ان شاء الله

[كابوس]

مشكوووووووووووووووور أبو الحسن على ردودك الطيبة والله يكثر من امثالك....  وجزيل الشكر ام فائز والله خجلوتوني بكلامكم الطيب...


أخوكم
كابـــــــــــــــــــــــــوس

[أ.ج.ت]

اخي العزيز اذا عندك فلوس تعال لتركيا س خلي ابالك الموضوع يطول بين السنة والنصف الى السنتين اما موضوع عائلتك عايشين بامريكا لايقدم ولا ياخر ولازم تكون عندك قصة واثباتات انو حياتك مهددة بالعراق . واي معلومات تريدها عن تركيا اني حاضر. 

[كابوس]

ممنون يا غالي على المعلومات اللي كتبتها الي.... شنو رأيك انه اقدم على اليو أن اللي بأسطنبول لو بأنقرة؟.... زين شنو هذا النظام اللي سمعت انه من اقدم على اليو أن راح يرسلوني الى قرية؟؟؟؟....

ومشكوووووووووووووووووووور

اخوك
كابـــــــــــــــــــــــــــــــــــــــــوس

[أ.ج.ت]

اخي العزيز اولا اليو ان بانقرة وبوان ماكو باسطنبول ومن تنوي ان شاء الله اعطيك العنوان وكيفية الوصول بالنسبة للقرية والله ضحكتني مو قرية وانما يدزوك لمدينة من مدن تركيا عادة يكون بيها لاجئيين وهذا الموضوع يطول شرحة يعني اذا عندك اي احد اقارب او صديق عاش بمدينة على شرط متكون اسطنبول تكللهم من تسلم الجواز فيدزوك لهناك وانطيك معلومات عامة 100 الدولار سعرة 148 ليرة وينزل ويصعد بين 150 لل 144 عائلة من اربع نفرات عيشة مرتاحة تكلف 800 الى 1000 دولار الاقامة للشخص البالغ 306 ليرة لمدة 6 اشهر تدفع مقدما وبعض المحافظات تطلب سنة مقدم . الاهم من كل هذا لازم يكون صبرك طويل لان اكو ناس قابلت اول مرة باليو ان من قدموا واكو ناس موعدهم ورة شهرين او اكثر اكو ناس حصلت على صفة اللجوء من اول مقابلة واكو ناس تم تاجلهم 5 اشهر او اكثر يعتمد على القصة والزخم  على اليو ان .

[كابوس]

اشكرك حبيبي والله يكثر من امثالك.... ما اعرف اي شخص في تركيا... بس اريد اسألك يا طيب.. انه اذا اريد ان اعيش في اسطنبول وما اريد اروح لأي مدينة ثانية... هل اليو ان هناك راح يجبروني ان انتقل لتلك المدينة او لأ؟؟؟؟؟..................... وشلون من ناحية العمل في اسطنبول؟ علماً انهم هواية ناس يعتبروني عبقري زماني بالكمبيوتر واعرف اللغة الانجليزية والفرنسية وشوية تركي.......

وآسف ضوجتك وياية بالاسئلة.....

اخوك

كابـــــــــــــــــــــــــــــوس

[أ.ج.ت]

اكو هواية حالات منفذوا السكن بس هذا الشي راح يحرمك من العلاج المجاني زائدا يوم الي تريد تسافر اتروح للمدينة الي دزتك اليو ان الها وتدفع الاقامة زائد الغرامات والي هي عادة تكو ضعف كل ستة اشهر وماكو احد يكلك هويتك بتركيا بس تبقى اقامتك غير مشروعة اذا مرحت للمدينة الي دزوك الها بالنسة للعمل مااعرف شي عن اسطنبول بس عامل اللغة مهم يعني من البداية حاول تتعلم لان الشغل يكون اسهل الك اذا تعلمت تركي.

[الناسك]

اولاً اهلاً بيك بالمنتدى
ثانياً مادامك جديد اقتراح مني ان تغير اسمك لأن مو حلو ويعني تقبل تصير انته كابوس عالمنتدى .
ثالثاً : عنوانك ما اله دخل بموضوعك (رد: اللجوء الى اميركا... عاجل... عاجل) ؟؟؟؟؟؟؟؟!!!!
تقبل تحياتي اخوك النـــــــــــــــــــــــــــــاسك

[كابوس]

شكراً حبيبي أ.ج.ت على معلوماتك القيمة......

أما بالنسبة الى الناسك اللي معترض على أسمي (الكابوس) فأرجو ان اوضح بأنني اخترت هذا الاسم لان معظم الذين يعيشون في بغداد في الوقت الحالي هم في كابوس مرعب .... واتمنى ان نستيقظ من هذا الكابوس... مع تحياتي الك

اخوك
كابــــــــــــــــــــــــــــــــوس

[الناسك]

اخوية العزيز ان شاء الله تكون بخير
اني مو قصدي اجرح شعورك ترة كلنة اخوة بالمنتدى بس خليك متفائل ويعني ترة اسمك راح يبقى وياك مدة طويلة حتى لو سافرت من الكابوس الي دتحجي عليه ... ويبقى الرأي رأيك وهذا اختيارك .
شكراً للك
النـــــــــــــاسك

[silver_d]

اطلع على لبنان لان المعاملات اسرع او عمان هاي اذا حصلت دخوليه قصدي  فيزا لان تركيا راح تتعب اذا ماكو احد يستقبلك لان  حراميه ونشاله اني  اعرف  لغه تركيه ومتعبت هناك بس جنت اشوف الناس الي ماعدها لغه واشون دتنغلب  والاتراك ديستغلوهوم من ناحيه الاسعار والبيع والشراء والاجارات

هذا رائيي بعد بكيفك

[violin]

ياخوية نصيحة من اخوك اطلع البنان احسلك واريحلك.لان اعتقد بالبنان اسرع التقديم وحتة المدة اقل من باقي الدول.وانشاءالله تتوفق ويصير اللي بالك.
تحياتي للجميع.

[عراقي وافتخر 4]

والله اتفق وية الاخوة والخوات الي حثوك تروح امالبنان او الاردن لان يااخي عامل اللغة صدقني جدا مهم ولبنان والاردن نظيفة ومرتبة وامان وانت ياعزيزي حر باختيارك الله يوفقك ويسهله عليك ان شاء الله

[كابوس]

أشكركم يا اخوان يا طيبين على ردودكم... بس اريد اوضح شغلة مهمة وهو أنا سافرت من قبل على معظم الدول اللي ذكرتوها هسة ولكن ما كانت حتى اقدم لجوء بس كانت بسبب طبيعة عملي كمهندس مشاريع وشفت بعيني حال العراقيين في لبنان والاردن ومصر واليمن والخليج العربي ولم تكن احوالهم تسر لا عدو ولا صديق.... بس كنت احب من الناس اللي عندها معلومات عن تركيا اكثر ان يوضحوها حتى تكون فائدة للجميع.... واشكركم على نصائحكم الطيبة وانتوا اخوة اعزاء...

اشكرك عيوني ناسك.... بس يبقى اسم كابوس حلو بنظري ومو مشكلة ان يبقى معي للابد وانت اخ عزيز...

اخوكم

كابــــــــــــــــــــــــوس

[ALBERT.]

لماذا عاجل عاجل